Janhvi Kapoor: ఎన్టీఆర్ సినిమాతో జాన్వీ బాలీవుడ్ కంటే ఎక్కువే తీసుకుంటోందిగా..?
అందాల భామ జాన్వీ కపూర్ ప్రస్తుతం యంగ్ టైగర్ ఎన్టీఆర్ సరసన NTR30 మూవీలో నటిస్తోంది. ఈ సినిమాకు ఆమె భారీ మొత్తంలో రెమ్యునరేషన్ తీసుకుంటున్నట్లుగా తెలుస్తోంది.
- Published By: 10TV Digital Team ,Published On : April 25, 2023 / 12:36 PM IST
Janhvi Kapoor Remuneration Higher Than Bollywood For NTR30
Janhvi Kapoor: యంగ్ టైగర్ ఎన్టీఆర్ ప్రస్తుతం తన తాజా చిత్రాన్ని తెరకెక్కిస్తూ బిజీగా ఉన్నాడు. తన కెరీర్‌లో 30వ మూవీగా వస్తున్న ఈ సినిమాను దర్శకుడు కొరటాల శివ డైరెక్ట్ చేస్తుండగా, ఈసినిమాపై ఇండస్ట్రీ వర్గాలతో పాటు ప్రేక్షకుల్లో భారీ అంచనాలు క్రియేట్ అయ్యాయి. ఈ సినిమాతో మరోసారి ఈ కాంబినేషన్ బాక్సాఫీస్ వద్ద దుమ్ములేపడం ఖాయమని అభిమానులు ధీమా వ్యక్తం చేస్తున్నారు. ఇక ఈ సినిమాలో తారక్ సరసన అందాల భామ జాన్వీ కపూర్ హీరోయిన్‌గా నటిస్తోండటంతో ఈ సినిమాపై అంచనాలు అమాంతం పెరిగిపోయాయి.
Janhvi Kapoor : అతడితో జాన్వీ ప్రేమాయణం నిజమేనా.. తిరుమల శ్రీవారిని కలిసి దర్శించుకున్న ఇద్దరు..
అయితే, తాజాగా ఈ సినిమాలో నటిస్తున్న జాన్వీ కపూర్ ఈ చిత్రానికి తీసుకుంటున్న రెమ్యునరేషన్ గురించి ఇండస్ట్రీ వర్గాల్లో ఓ వార్త జోరుగా వినిపిస్తోంది. NTR30 మూవీ కోసం జాన్వీ ఏకంగా రూ.5 కోట్ల మేర రెమ్యునరేషన్ తీసుకోనుందట. ఓ బాలీవుడ్ బ్యూటీ ఇంత భారీ రెమ్యునరేషన్‌తో సౌత్ ఇండస్ట్రీలో ఎంట్రీ ఇవ్వడం కేవలం జాన్వీకే సాధ్యమయ్యిందని పలువురు కామెంట్ చేస్తున్నారు. ఇక బాలీవుడ్‌లో జాన్వీ తీసుకుంటున్న రెమ్యునరేషన్ కంటే ఇది చాలా ఎక్కువ అని తెలుస్తోంది.
సౌత్‌లో ఎంట్రీతోనే జాన్వీ ఈరేంజ్‌లో రెమ్యునరేషన్ తీసుకోవడం ఇప్పుడు టాక్ ఆఫ్ ది ఇండస్ట్రీగా మారింది. ఇక ఈ సినిమాలో ఆమె పాత్రను కొరటాల చాలా పవర్‌ఫుల్‌గా రాసుకున్నాడట. ఈ సినిమాతో జాన్వీకి సౌత్‌లో అదిరిపోయే ఎంట్రీ అవుతుందని.. ఆమెకు ఇక్కడ తిరుగులేకుండా పోవడం ఖాయమని చిత్ర వర్గాలు అంటున్నాయి. ఇక ఎన్టీఆర్ 30వ చిత్రానికి అనిరుధ్ రవిచందర్ సంగీతాన్ని అందిస్తున్నాడు.
