Lavanya Tripathi: రామ్ చరణ్ బావ.. ఆసక్తికర కామెంట్స్ చేసిన లావణ్య త్రిపాఠి
సతీలీలావతి మూవీ ట్రైలర్ లాంచ్ కార్యక్రమంలో రామ్ చరణ్ గురించి ఆసక్తికర కామెంట్స్ చేశారు లావణ్య త్రిపాఠి(Lavanya Tripathi).
- Published By: V Santhosh Kumar , Published On : May 2, 2026 / 06:36 PM IST
Lavanya Tripathi interesting comments about Ram Charan at Sathi Leelavathi Movie Trailer Launch Event
- రామ్ చరణ్ చేతుల మీదుగా ట్రైలర్ విడుదల.
- గర్భవతిగా లావణ్య త్రిపాఠి కష్టపడి నటించింది.
- మే 8న విడుదలవుతున్న ‘సతీ లీలావతి’.
Lavanya Tripathi: మెగా కోడలు లావణ్య త్రిపాఠి ప్రధాన పాత్రలో నటించిన ‘సతీ లీలావతి’ చిత్రం విడుదలకు సిద్ధమైంది. మే 8న ప్రపంచవ్యాప్తంగా విడుదల కానున్న ఈ సినిమా ట్రైలర్ను మెగా పవర్ స్టార్ రామ్ చరణ్ శనివారం ఆవిష్కరించారు. ఆనంది ఆర్ట్స్ సమర్పణలో తాతినేని సత్య దర్శకత్వంలో రూపొందిన ఈ చిత్రం, ట్రైలర్ లాంచ్ తర్వాత సినీ వర్గాల్లో మంచి ఆసక్తిని రేకెత్తిస్తోంది. మెగా కుటుంబ సభ్యుడైన రామ్ చరణ్ ఈ చిత్రానికి మద్దతు తెలపడం చిత్ర యూనిట్లో కొత్త ఉత్సాహాన్ని నింపింది.
ట్రైలర్ లాంచ్ సందర్భంగా లావణ్య త్రిపాఠి(Lavanya Tripathi) పలు ఆసక్తికర విషయాలను పంచుకున్నారు. ఈ సినిమా షూటింగ్ సమయంలో తాను గర్భవతిగా ఉన్నప్పటికీ, చిత్ర బృందం అందించిన సహకారం మరువలేనిదని ఆమె భావోద్వేగానికి లోనయ్యారు. ఎంతో కష్టపడి చేసిన ఈ సినిమా ప్రేక్షకులను ఖచ్చితంగా అలరిస్తుందని ఆమె ఆశాభావం వ్యక్తం చేశారు. మెగా పవర్ స్టార్ రామ్ చరణ్ బావ.. తన బిజీ షెడ్యూల్లో కూడా సమయం కేటాయించి ట్రైలర్ విడుదల చేసినందుకు ఆమె ప్రత్యేకంగా ధన్యవాదాలు తెలిపారు. ఆయన ఈ సినిమాకు ఇచ్చిన సపోర్ట్ చాలా ప్రత్యేకం అంటూ ఆసక్తికర కామెంట్స్ చేశారు.
మరో ప్రధాన నటుడు దేవ్ మోహన్ తన పాత్ర చాలా భిన్నంగా ఉంటుందని చెప్పగా, దర్శకుడు తాతినేని సత్య, నిర్మాత నాగమోహన్ సినిమా కంటెంట్పై పూర్తి నమ్మకాన్ని వ్యక్తం చేశారు. సప్తగిరి, తాగుబోతు రమేష్ వంటి నటులు కూడా ఉండటంతో సినిమాలో వినోదానికి లోటు ఉండదని చిత్రబృందం హామీ ఇచ్చింది. ఫ్యామిలీ ఆడియన్స్ను టార్గెట్ చేస్తూ నిర్మించిన ఈ ‘సతీ లీలావతి’ మే 8న థియేటర్లలో సందడి చేయనుంది.
