అఖిల్ ‘మోస్ట్ ఎలిజిబుల్ బ్యాచిలర్’ ఫస్ట్ లుక్ – హిట్ కోసం చెప్పుల్లేకుండా..

అఖిల్ అక్కినేని, పూజా హెగ్డే జంటగా.. బొమ్మరిల్లు భాస్కర్ దర్శకత్వంలో తెరకెక్కుతున్న ‘మోస్ట్ ఎలిజిబుల్ బ్యాచిలర్’ ఫస్ట్ లుక్..

అఖిల్ అక్కినేని, పూజా హెగ్డే జంటగా.. బొమ్మరిల్లు భాస్కర్ దర్శకత్వంలో తెరకెక్కుతున్న ‘మోస్ట్ ఎలిజిబుల్ బ్యాచిలర్’ ఫస్ట్ లుక్..

యంగ్ హీరో అఖిల్ అక్కినేని, పూజా హెగ్డే జంటగా.. బొమ్మరిల్లు భాస్కర్ దర్శకత్వంలో, ఏస్ ప్రొడ్యూసర్ అల్లు అరవింద్ సమర్పణలో జిఎ2 పిక్చర్స్ బ్యానర్‌పై బన్నీ వాసు, వాసు వర్మ (జోష్ దర్శకుడు) కలిసి నిర్మిస్తున్న మూవీ.. ‘మోస్ట్ ఎలిజిబుల్ బ్యాచిలర్’.. శనివారం సాయంత్రం ఈ సినిమా ఫస్ట్ లుక్ రిలీజ్ చేశారు. పోస్టర్‌లో ఫారిన్ వీధుల్లో కాళ్లకి చెప్పులు కూడా లేకుండా నడుస్తున్నాడు అఖిల్.

ఫిబ్ర‌వ‌రి 15 నుంచి తదుప‌రి షెడ్యూల్..
‘మోస్ట్ ఎలిజిబుల్ బ్యాచ్‌ల‌ర్’ చిత్ర షూటింగ్ శ‌ర‌వేగంగా జ‌రుగుతుంది. హైద‌రాబాద్, అమెరికా త‌దిత‌ర ప్రాంతాల్లో ఇప్పిటికే షూటింగ్ జ‌రుపుకున్న ఈ చిత్ర యూనిట్ అదే ఉత్సాహాంతో ఫిబ్ర‌వ‌రి 15 నుంచి మ‌రో షెడ్యూల్ మొద‌ల‌పెట్ట‌బోతున్నారు.ఈ షెడ్యూల్‌లో మేజ‌ర్ టాకీ పార్ట్ పూర్తిచేస్తున్న‌ట్లుగా చిత్ర యూనిట్ తెలిపారు.

గోపీ సుంద‌ర్ మ్యూజిక‌ల్ మ్యాజిక్..
జీఏ 2 బ్యాన‌ర్‌తో గోపీ సుంద‌ర్ జ‌ర్నీ గురించి అంద‌రికీ తెలిసిందే. గ‌తంలో జీఏ2 బ్యాన‌ర్‌లో ‘గీత గోవిందం’ సినిమాకి గోపీ అద్భుత‌మైన బ్లాక్ బ‌స్ట‌ర్ సంగీతం ఇచ్చారు. ఈ నేప‌థ్యంతోనే ఇప్పుడు ‘మోస్ట్ ఎలిజిబుల్ బ్యాచ్‌ల‌ర్‌’ చిత్రానికి ఆరు పాట‌లు రెడీ చేశారు గోపీ సుంద‌ర్. ఈ ఆరు పాట‌ల్లో నాలుగు పాట‌లు ఇప్ప‌టికే షూటింగ్ పూర్తి చేసిన‌ట్లుగా చిత్ర బృందం తెలిపింది. అలానే మిగ‌తా రెండు పాటలు ఫారిన్‌లో చిత్రీక‌ర‌ణ‌కు ప్లాన్ చేస్తున్న‌ట్లుగా తెలిపారు.

వ‌రుస విజ‌యాల‌తో దూసుకుపోతున్న జీఏ2..
‘పిల్లా నువ్వు లేని జీవితం’, ‘భ‌లే భ‌లే మ‌గాడివోయ్’, ‘గీత‌ గోవిందం’, ‘ప్ర‌తిరోజూ పండ‌గే’ వంటి టాలీవుడ్ ట్రెండ్ సెట్టింగ్ బ్లాక్ బ‌స్ట‌ర్స్ అందించిన యంగ్  ప్రొడ్యూస‌ర్ బ‌న్నీ వాసు మ‌రోసారి అదే ఉత్సాహంతో బొమ్మ‌రిల్లు భాస్క‌ర్ ద‌ర్వ‌క‌త్వంలో అఖిల్ అక్కినేని హీరోగా నిర్మిస్తున్న సినిమా ‘మోస్ట్ ఎలిజిబుల్ బ్యాచ్‌ల‌ర్’.

అలానే ఈ చిత్రాన్ని లెజండరీ ప్రొడ్యూస‌ర్ అల్లు అర‌వింద్ గారి స‌మ‌ర్ప‌ణ‌లో నిర్మాత వాసు వ‌ర్మ‌తో క‌లిసి బ‌న్నీ వాసు సంయుక్తంగా నిర్మించడం విశేషం. ఇక ఈ సినిమాను ఏప్రిల్‌లో విడుద‌ల చేయ‌డానికి స‌న్నాహాలు చేస్తున్నారు. సంగీతం : గోపి సుందర్, కెమెరా : ప్రదీష్ వర్మ, ఎడిటింగ్ : మార్తాండ్ కె వెంకటేష్, ఆర్ట్ : అవినాష్ కొల్లా.  ‌