Nachinavadu Trailer : ఆక‌ట్టుకుంటున్న నచ్చినవాడు ట్రైలర్

స్ట్రీట్ డాగ్ సమర్పణలో ఏనుగంటి ఫిల్మ్ జోన్ పతాకం పై లక్ష్మణ్ చిన్నా, కావ్య రమేష్ లు హీరో హీరోయిన్ లుగా న‌టిస్తున్న చిత్రం నచ్చినవాడు.

Nachinavadu Trailer

Nachinavadu Trailer : స్ట్రీట్ డాగ్ సమర్పణలో ఏనుగంటి ఫిల్మ్ జోన్ పతాకం పై లక్ష్మణ్ చిన్నా, కావ్య రమేష్ లు హీరో హీరోయిన్ లుగా వెంకటరత్నం తో కలిసి లక్ష్మణ్ చిన్నా స్వీయ‌ దర్శకత్వం వహించిన చిత్రం నచ్చినవాడు. ఈ చిత్రానికి మిజో జోసెఫ్ సంగీతాన్ని అందిస్తున్నారు. తాజాగా ఈ సినిమా ట్రైలర్ ను విడుదల చేశారు.

ఈ సంద‌ర్భంగా హీరో, దర్శక నిర్మాత లక్ష్మణ్ చిన్నా మాట్లాడుతూ.. ఈ సినిమా స్త్రీ సెల్ఫ్ రెస్పెక్ట్ కథాంశంగా చేసుకుని అల్లిన ప్రేమ కథా చిత్రమ‌న్నారు. విజువల్ గా, క్యారెక్టరైజేషన్ చాలా కొత్తగా ఉంటుందని చెప్పారు. కథకి అనుగుణంగా అందరిని కొత్తవాళ్లను తీసుకున్నామ‌ని, అందరూ చాలా బాగా నటించారని చెప్పారు. మ్యూజిక్ డైరెక్టర్ మెజ్జో జోసెఫ్ అద్భుతమైన పాటలు ఇచ్చారని, ప్రేక్షకులు ఈ చిత్రం చూసాక మంచి ఫీల్ తో ఇంటికి వెళ్తార‌నే న‌మ్మ‌కం త‌న‌కు ఉంద‌ని, ఆగ‌స్టు 18న సినిమా ప్రేక్ష‌కుల ముందుకు రానున్న‌ట్లు తెలిపారు. సినిమా ఖచ్చితంగా అందరికి న‌చ్చుతుంద‌న్న‌ ధీమాని వ్య‌క్తం చేశారు.

హీరోయిన్ కావ్య రమేష్ మాట్లాడుతూ.. ఈ సినిమాలో నేను అను అనే క్యారెక్టర్ చేశాను. తనకి సెల్ఫ్ రెస్పెక్ట్ చాలా ముఖ్యం. చాలా నీతిగా ఉంటుంది. తనకి ఎంత కష్టం వచ్చిన సెల్ఫ్ రెస్పెక్ట్ కోల్పోదు. నాకు ఇంత మంచి క్యారెక్టర్ ఇచ్చిన లక్ష్మణ్ చిన్నాకి ధన్యవాదాలు అని అంది.

MM Keeravaani : చంద్ర‌ముఖి-2కి ప్రాణం పోసేందుకు రెండు నెల‌లు నిద్ర‌లేని రాత్రులు

నటి లలిత నాయక్ మాట్లాడుతూ.. నేను కన్నడ అమ్మాయిని, ఇది నా మొదటి సినిమా. నాకు ఈ అవకాశం ఇచ్చిన దర్శక నిర్మాత లక్ష్మణ్ చిన్నా గారికి ధన్యవాదాలు” అని తెలిపారు.

నటుడు ఏ.బి. అర్.పి. రెడ్డి మాట్లాడుతూ.. నచ్చినవాడు అద్భుతమైన సినిమా. ఆడవాళ్లు గురించి, వాళ్ళ సెల్ఫ్ రెస్పెక్ట్ గురించి చాలా అందంగా చిత్రీకరించారు. ఇంత మంచి సినిమా తో వస్తున్నా లక్ష్మణ్ చిన్నా కి నా అభినందనలు అని చెప్పారు.

దర్శన్ మాట్లాడుతూ.. నచ్చినవాడు చిత్రం లో నేను చాలా ముఖ్యమైన పాత్ర చేశాను. సినిమా చాలా బాగుంది, ఆగస్టు 18న విడుదల అవుతుంది. అందరు చూడండి అని తెలిపారు.

కెమెరా మెన్‌ అనిరుద్ మాట్లాడుతూ.. నాకు అవకాశం ఇచ్చిన లక్ష్మణ్ చిన్నాకి ధన్యవాదాలు. సినిమా చాలా కొత్తగా ఉంటుంది, మంచి కంటెంట్ ఉన్న చిత్రం, అందరికీ నచ్చుతుంది. మిజో జోసెఫ్ మంచి సంగీతం ఇచ్చారు అని తెలిపారు.

Jayant Savarkar : చిత్ర ప‌రిశ్ర‌మ‌లో తీవ్ర విషాదం.. సింగం న‌టుడు క‌న్నుమూత‌

ఈ చిత్రానికి సాహిత్యం అందించిన హర్షవర్ధన్ రెడ్డి మాట్లాడుతూ “నేను చాలా ప్రైవేట్ ఆల్బమ్స్ కి లిరిక్స్ రాసాను కానీ సినిమా పాటలకి పని చేయడం ఇదే మొదలు. లక్ష్మణ్ చిన్నా నాకు ఒక పాట ఇచ్చారు. ఉదయం ట్యూన్ వస్తే మధ్యాహ్నం స‌మ‌యానికి క‌ల్లా లిరిక్స్ రాసి పంపించాను. తర్వాత అని పాటలు నన్నే రాయమని చెప్పారు. పాటలు చాలా బాగా వచ్చాయి, మిజో జోసెఫ్ సంగీతం చాలా బాగుంది. సినిమా మంచి విజయం సాధిస్తుంది అని చెప్పారు.