ఎన్‌జీకే ట్రైలర్ : వీడికి దేశం మీద పిచ్చి
ఎన్‌జీకే ట్రైలర్ : ఒక బొమ్మ గీసేవాడు వాడి కొడుక్కి బొమ్మ గియ్యడం నేర్పిస్తే, మా నాన్న మిలట్రీరా, గోలీలాడుకోడం నేర్పిస్తాడా..
- Published By: vamsi ,Published On : April 29, 2019 / 02:42 PM IST
ఎన్‌జీకే ట్రైలర్ : ఒక బొమ్మ గీసేవాడు వాడి కొడుక్కి బొమ్మ గియ్యడం నేర్పిస్తే, మా నాన్న మిలట్రీరా, గోలీలాడుకోడం నేర్పిస్తాడా..
తమిళ స్టార్ హీరో సూర్య, 7/జి బృందావన్ కాలనీ, ఆడవారి మాటలకు అర్థాలేవేరులే, యుగానికి ఒక్కడు సినిమాలతో తెలుగులోనూ గుర్తింపు తెచ్చుకున్న శ్రీ రాఘవ దర్శకత్వంలో చేస్తున్న సినిమా.. ఎన్‌జీకే.. (నంద గోపాల కృష్ణ)..సాయి పల్లవి, రకుల్ ప్రీత్ హీరోయిన్స్‌గా నటించారు. డ్రీమ్ వారియర్ పిక్చర్స్ సమర్పణలో, ఎస్.ఆర్.ప్రకాష్ బాబు, ఎస్.ఆర్. ప్రభు నిర్మిస్తున్నారు. రీసెంట్‌గా ఈ సినిమా థియేట్రికల్ ట్రైలర్ రిలీజ్ చేసారు. సూర్య రాజకీయాల్లోకి ప్రవేశించడంతో స్టార్ట్ అయిన టీజర్‌లో చాలా ట్విస్టులిచ్చాడు డైరెక్టర్.. దేశ భవిష్యత్తు మారాలంటే యువత రాజకీయాల్లోకి రావాలని, రాజకీయాల్లో నిలదొక్కుకోవడానికి సూర్య పడే కష్టాలన్నీ ట్రైలర్‌లో చూపించారు.
ఒక బొమ్మ గీసేవాడు వాడి కొడుక్కి బొమ్మ గియ్యడం నేర్పిస్తే, మా నాన్న మిలట్రీరా, గోలీలాడుకోడం నేర్పిస్తాడా.. రక్తం చిందించి ధాన్యం పండించే ఒక్కో రైతుకి, ఈ దేశం బాగుండాలని కష్టపడే ఒక్కో కార్మికుడికి దేన్నైనా నిలదీసి అడిగే హక్కుంది.. అంటూ సూర్య చెప్పిన డైలాగ్స్ బాగున్నాయి. ఈ దేశంలో ఒకొక్కడికి ఒక్కోదాని మీదపిచ్చి.. ఆడికీ, ఈ దేశం మీద పిచ్చి.. అంటూ సూర్య తల్లి చెప్పే డైలాగ్ ఆకట్టుకుంటుంది. సమకాలీన రాజకీయాలకు, ప్రస్తుత ప్రజా సమస్యలకు పరిష్కారంగా ఈ సినిమా రూపొందినట్టు అర్ధమవుతుంది. శివకుమార్ విజయన్ విజువల్స్, యువన్ శంకర్ రాజా ఆర్ ఆర్ బాగున్నాయి. త్వరలో ఎన్‌జీకే రిలీజ్ అవనుంది. ఎడిటింగ్ : ప్రవీణ్ కె.ఎల్, ఆర్ట్ : విజయ్ మురగన్.
వాచ్ ఎన్‌జీకే ట్రైలర్..
