Figs Health Benefits : ఉదయం నానబెట్టిన అంజీర్ తింటున్నారా? ఈ విషయాలు తెలుసుకోండి.. జాగ్రత్తలు తప్పనిసరి
అంజీర్ లేదా అత్తి పండు. ఇది ఒక పోషకవంతమైన పండు. ఈ మధ్య కాలంలో ఎక్కువ మంది(Figs) ఆరోగ్యం కోసం తింటున్న డ్రై ఫ్రూట్స్ లలో ఒకటి.
- Published By: 10TV Digital Team ,Published On : September 2, 2025 / 06:00 AM IST
Health benefits of eating soaked figs every day
Figs: అంజీర్ లేదా అత్తి పండు. ఇది ఒక పోషకవంతమైన పండు. ఈ మధ్య కాలంలో ఎక్కువ మంది ఆరోగ్యం కోసం తింటున్న డ్రై ఫ్రూట్స్ లలో ఒకటి. అంతేకాదు, ఆయుర్వేదం, యూనానీ వైద్యాలలో ఎంతో ప్రాముఖ్యత దీనికి ఉంది. చాలా మంది నిపుణులు సైతం ఈ పండును(Figs) తినమని సూచిస్తున్నారు. అంతలా ఆరోగ్యంలో భాగంగా మారిపోయింది అంజీర్ పండు. అయినప్పటికి, చాలా మందికి ఈ పండు గురించి, అది అందించే ప్రయోజనాల గురించి తెలియదు. ఇక్కడ ఆ విషయాల గురించి వివరంగా తెలుసుకుందాం.
నానబెట్టిన అంజీర్‌లో ఉండే ముఖ్యమైన పోషకాలు:
- డైటరీ ఫైబర్
- విటమిన్ A, B1, B2
- కాల్షియం
- మెగ్నీషియం
- ఐరన్
- పొటాషియం
- యాంటీఆక్సిడెంట్లు
- ప్రాకృతిక చక్కెరలు
అంజీర్ తినడం వల్ల కలిగే ఆరోగ్య ప్రయోజనాలు:
1.జీర్ణక్రియ మెరుగవుతుంది:
అంజీర్‌లో ఫైబర్ అధికంగా ఉంటుంది. ఇది జీర్ణక్రియను మెరుగుపరుస్తుంది. మలబద్ధకం ఉన్నవారికి ఇది సహజమైన నివారణ మార్గంగా ఈ పండును చెప్పుకోవచ్చు.
2.హృదయ ఆరోగ్యాన్ని పెంచుతుంది:
అంజీర్ లో ఉండే పొటాషియం, యాంటీఆక్సిడెంట్లు రక్తపోటును నియంత్రిస్తాయి. గుండె ధమనుల్లో కొవ్వు పెరగకుండా నిరోధిస్తాయి.
3.షుగర్ లెవల్స్ కంట్రోల్ చేస్తుంది:
అంజీర్‌లో సహజ చక్కెరలు ఉన్నా అవి బ్లడ్ గ్లూకోజ్ స్థాయిని నియంత్రించగలవు. ఫైబర్ అధికంగా ఉండడం వల్ల ఇది మధుమేహ నియంత్రణలో అద్భుతంగా తోడ్పడుతుంది.
4.ఎముకల ఆరోగ్యానికి బలాన్నిస్తుంది:
అంజీర్ లో ఉండే కాల్షియం, మెగ్నీషియం వంటి ఖనిజాలు ఎముకల దృఢత్వానికి తోడ్పడతాయి. రోజూ 2 నుంచి 3 నానబెట్టిన అంజీర్లు తినడం వల్ల ఎముకల బలం పెరుగుతుంది.
5.రక్తహీనత (అనేమియా) నివారణ:
అంజీర్‌లో ఉండే సహజ ఐరన్ శరీరంలో హీమోగ్లోబిన్ స్థాయిని పెంచుతుంది. ముఖ్యంగా మహిళలకి ఇది ఉపయోగకరంగా చెప్పుకోవచ్చు.
6. మెదడు ఆరోగ్యానికి మేలు:
అంజీర్ లో ఉండే బి-కాంప్లెక్స్ విటమిన్లు మెదడు పనితీరును మెరుగుపరుస్తాయి. ఉదయం నానబెట్టి తీసుకోవడం వల్ల ఎనర్జీ లెవల్స్ పెరిగి, ఒత్తిడి తగ్గుతుంది.
జాగ్రత్తలు:
- మితంగా మాత్రమే తీసుకోవాలి
- రోజుకి 2 నుంచి 3 పండ్లు తినడం మంచిది
- అధికంగా తీసుకుంటే విరేచనాల సమస్య రావచ్చు
- షుగర్ ఉన్నవారు డాక్టర్ సలహాతో మాత్రమే తీసుకోవాలి
- అలెర్జీ ఉన్నవారు జాగ్రత్తగా ఉండటం మంచిది
