సినీ ఇండస్ట్రీకి పెద్ద అనేవారు అసలు లేరా? దాసరి, ఎన్టీఆర్, చిరంజీవిపై తమ్మారెడ్డి ఆసక్తికర కామెంట్స్‌

"దాసరి నారాయణరావుకు అనుకోకుండా అలా ఆ పేరు వచ్చింది. దాన్ని నిలబెట్టుకున్నారు. ఆయన సాధించారు. ఆయనలాగా మళ్లీ ఇంకొకరు రారు. దాసరి నారాయణ, ఎన్టీ రామారావుని రిప్లేస్ చేసే మనుషులు రారు" అని తెలిపారు.

Tammareddy Bharadwaja

• దాసరి నాయణరావు అందరినీ కలిపేవారు
• రామారావు, నాగేశ్వరరావు అలాగే చేసేవారు
• ఇండస్ట్రీకి పెద్ద అనేవారు అసలు ఎప్పుడూ ఉండరు

Tammareddy Bharadwaja: సినీ ఇండస్ట్రీ అంతా ఒక ఫ్యామిలీ అని టాలీవుడ్ ప్రముఖులు చెబుతుంటారు. నిజంగానే సినీ ప్రముఖులు అందరూ ఒక ఫ్యామిలీగా ఉంటారా? సినీ ఇండస్ట్రీకి పెద్ద ఎవరు? అన్న ప్రశ్నలకు నిర్మాత, దర్శకుడు తమ్మారెడ్డి భరద్వాజ స్పందించారు.

10టీవీ పాడ్‌కాస్ట్‌లో తమ్మారెడ్డి భరద్వాజ మాట్లాడుతూ.. “అసలు ఫ్యామిలీ అనే మాట చెప్పాలి కాబట్టి చెప్తాం. దేనికి ఫ్యామిలీ అనే మాట అంటాం.. దీన్ని అర్థం చేసుకోవాలి. ప్రతిదానికే కాదు.. ప్రకృతి వైపరీత్యాలు వచ్చినప్పుడు ఫ్యామిలీలా కలిసి సాయం చేసేవాళ్లు. మిగతా సమయంలో ఎవరి బతుకువారు బతుకుతుంటారు.

దాసరి నాయణరావు ఉన్నప్పుడు అవసరం వచ్చినప్పుడు అందరినీ కలిపేవారు. రామారావు, నాగేశ్వరరావు ఉన్నప్పుడు అందరినీ కలిపేవారు.. విరాళాల సేకరణ వంటివి చేసేవారు. తర్వాత కృష్ణ కూడా కొంతవరకు చేశారు. ఆ తర్వాత ఇక లేదు. మధ్యలో చిరంజీవి ట్రై చేశారు. ఒకసారి మీటింగ్ పెట్టారని దారిలోకి వచ్చిందని అనుకున్నాం.

Also Read: Tammareddy Bharadwaja Video: హీరోయిన్లు, అమ్మాయిల పొట్టి బట్టల వివాదంపై తమ్మారెడ్డి హాట్ కామెంట్స్

ఇండస్ట్రీకి పెద్ద అనేవారు అసలు ఎప్పుడూ ఉండరు. అది దాసరి నారాయణరావుకు అనుకోకుండా అలా ఆ పేరు వచ్చింది. దాన్ని నిలబెట్టుకున్నారు. ఆయన సాధించారు. ఆయనలాగా మళ్లీ ఇంకొకరు రారు. దాసరి నారాయణ, ఎన్టీ రామారావుని రిప్లేస్ చేసే మనుషులు రారు.

ఒకే రోజు నాలుగు-ఐదు సినిమాల షూటింగులు చేసే కెపాసిటీ ఆయనకు ఉండేది. సంవత్సరంలో 12 సినిమాలు డైరెక్ట్ చేసి రిలీజ్ చేసే కెపాసిటీ ఉంది. మిషన్ లాగా చేశారు. 12 సినిమాలు చేస్తూ మధ్యలో యాక్టింగ్ చేస్తూ, కథ, మాటలు, పాటలు రాసేవారు. అందుకే ఆయనకు పెద్దరికం వచ్చింది. ఎన్టీ రామారావు కూడా అటువంటి వారే” అని తెలిపారు.

పూర్తి వివరాలు..