Oscars 2024 : 96వ ఆస్కార్ వేడుకలు మరి కొన్ని గంటల్లో.. లైవ్ ఎక్కడ చూడాలి?

ప్రపంచ సినీ ప్రేమికులు ఎదురుచూస్తున్న ఆస్కార్ వేడుకలు మరికొన్ని గంటల్లో మొదలవ్వనున్నాయి.

Oscars 2024 : 96వ ఆస్కార్ వేడుకలు మరి కొన్ని గంటల్లో.. లైవ్ ఎక్కడ చూడాలి?

Oscars 2024 Awards 96 Academy Awards Live Streaming time and Place Details

Updated On : March 10, 2024 / 5:48 PM IST

Oscars 2024 : ప్రపంచ సినీ ప్రేమికులు ఎదురుచూస్తున్న ఆస్కార్ వేడుకలు మరికొన్ని గంటల్లో మొదలవ్వనున్నాయి. గత సంవత్సరం RRR బరిలో ఉండటంతో ఇండియాలో కూడా ఆస్కార్ వేడుకలకు భారీ రీచ్ వచ్చింది. ఈ సారి 96వ ఆస్కార్ అవార్డు వేడుకలు జరగనున్నాయి.

కాలిఫోర్నియా లాస్ ఏంజిల్స్ లోని డాల్బీ థియేటర్లో ఆస్కార్ 2024 వేడుక ఘనంగా జరగనుంది. అమెరికా కాలమానం ప్రకారం మార్చ్ 10 రాత్రి 7 గంటలకు మొదలవుతుండగా మన ఇండియన్ కాలమానం ప్రకారం మార్చ్ 11న తెల్లవారు జామున 4 గంటలకు ప్రారంభం కానున్నాయి. ఇండియాలో డిస్నీప్లస్ హాట్ స్టార్ ఓటీటీలో ఆస్కార్ వేడుక లైవ్ స్ట్రీమింగ్ చూడొచ్చు.

Also Read : Sharwanand : బ్యాక్ టు బ్యాక్ మూడు సినిమాల్లో తండ్రి పాత్రల్లో శర్వానంద్..? శర్వా ప్రయోగాలు చేస్తున్నాడా?

ఇక ఈ సారి కూడా కమెడియన్, నటుడు జిమ్మీ కిమేల్ ఆస్కార్ వేడుకని హోస్ట్ చేయనున్నాడు. దాదాపు 23 కేటగిరీలలో ఆస్కార్ అవార్డులు అందించనున్నారు. డైరెక్టర్ క్రిస్టోఫర్ నోలాన్ దర్శకత్వంలో వచ్చిన ఓపెన్‍హైమర్ ఏకంగా 13 విభాగాల్లో ఆస్కార్ కు నామినేట్ అయింది. మరి ఈ సారి ఆస్కార్ అవార్డులు ఎవరిని వరించనున్నాయో చూడాలి.