Fauzi: ఒక స్టార్ హీరోకి ఇలాంటి ఎలివేషన్లా.. ప్రభాస్ ‘ఫౌజీ’ మూవీలో సీన్స్ పై క్రేజీ డిస్కషన్

ఫౌజీ (Fauzi)సినిమాలో ప్రభాస్ లుక్స్ అండ్ యాక్షన్ సీన్స్ గురించి ఆసక్తికర చర్చ సోషల్ మీడియాలో నడుస్తోంది.

prabhas fauzi movie latest update

• ఫౌజీలో ప్రభాస్ ఎలివేషన్స్ మాములుగా ఉండవట
• ఆ లుక్ లో ప్రభాస్ ను చూస్తే ఫ్యాన్స్ ఫిదా అవ్వాల్సిందే
• ఫౌజీ సినిమా గురించి సరికొత్త చర్చ

Fauzi: పాన్ ఇండియా స్టార్ ప్రభాస్, క్లాసిక్ చిత్రాల దర్శకుడు హను రాఘవపూడి కలయికలో రూపొందుతున్న భారీ బడ్జెట్ చిత్రం ‘ఫౌజీ(Fauzi)’. రెండవ ప్రపంచ యుద్ధం నేపథ్యంలో సాగే ఒక పీరియడ్ యాక్షన్ డ్రామాగా ఈ సినిమాను మైత్రీ మూవీ మేకర్స్ ప్రతిష్టాత్మకంగా నిర్మిస్తున్నారు. ప్రభాస్ ఇదివరకు ఎన్నడూ పోషించని సరికొత్త ఆర్మీ ఆఫీసర్ పాత్రలో ఈ చిత్రంలో కనిపిస్తుండటంతో, అనౌన్స్‌మెంట్ నుంచే ఈ ప్రాజెక్ట్‌పై భారీ అంచనాలు నెలకొన్నాయి. హను రాఘవపూడి మార్క్ ఎమోషన్స్, ప్రభాస్ మాస్ ఇమేజ్ తోడైతే బాక్సాఫీస్ వద్ద రికార్డుల వేట మొదలైనట్లేనని విశ్లేషకులు భావిస్తున్నారు.

Tovino Thomas: రాజమౌళి ‘వారణాసి’లో రావణుడిగా టోవినో థామస్.. మలయాళ స్టార్ క్రేజీ కామెంట్స్

ఈ సినిమాలో హను రాఘవపూడి ఒక ప్యూర్ మాస్టర్ క్లాస్ మేకింగ్‌ను చూపించబోతున్నట్లు ఫిలిం నగర్ టాక్ నడుస్తోంది. ఒక హీరోకి ఇలా కూడా ఎలివేషన్స్ ఇవ్వవచ్చా అనిపించేలా ప్రతి సీన్‌ను అద్భుతంగా డిజైన్ చేసినట్లు సమాచారం. ముఖ్యంగా ప్రభాస్ కోసం ప్రత్యేకంగా డిజైన్ చేసిన ఒక పర్టిక్యులర్ కాస్ట్యూమ్ లో వచ్చే సీక్వెన్సులు అభిమానులను పూర్తిగా మెస్మరైజ్ చేస్తాయని తెలుస్తోంది. ప్రభాస్‌ను ఆ లుక్‌లో చూసిన తర్వాత అభిమాని కాని వారు ఉండరని చిత్ర యూనిట్ నమ్మకంగా ఉంది. ఆ లుక్, సీన్స్ థియేటర్లలో ప్రేక్షకులకు పూనకాలు తెప్పించడం ఖాయమని స్పష్టమవుతోంది.

ప్రస్తుతం ఈ సినిమా షూటింగ్ పనుల్లో బిజీగా ఉన్న చిత్ర బృందం, యాక్షన్ సన్నివేశాలను ఎంతో గ్రాండ్‌గా చిత్రీకరిస్తోంది. హను రాఘవపూడి తన గత చిత్రాల్లో కేవలం ప్రేమకథలనే కాకుండా, ఎమోషనల్ యాక్షన్ డ్రామాలను కూడా ఎంత గొప్పగా హ్యాండిల్ చేయగలరో నిరూపించుకున్నారు. ఇప్పుడు ప్రభాస్ వంటి గ్లోబల్ స్టార్‌ను ఆయన ఎలా ప్రజెంట్ చేస్తారన్నదే ప్రధాన ఆకర్షణగా మారింది. కాబట్టి, ఈ సినిమా ఎప్పుడొచ్చినా బాక్సాఫీస్ వద్ద ప్రకంపనలు సృష్టించడం ఖాయం.