Game Changer :’ రా మ‌చ్చా మ‌చ్చా’ సాంగ్‌.. సింగిల్ డాన్స్ సీక్వెన్స్‌తో దుమ్ము రేపిన రామ్‌చ‌ర‌ణ్‌.. 1000కి పైగా జాన‌ప‌ద క‌ళాకారులు

గ్లోబల్ స్టార్ రామ్ చరణ్ హీరోగా న‌టిస్తున్న మూవీ గేమ్ ఛేంజ‌ర్‌.

Raa Macha Macha full song from Game Changer on september 30th

Game Changer : గ్లోబల్ స్టార్ రామ్ చరణ్ హీరోగా న‌టిస్తున్న మూవీ గేమ్ ఛేంజ‌ర్‌. శంక‌ర్ ద‌ర్శ‌క‌త్వంలో ఈ సినిమా తెర‌కెక్కుతోంది. శ్రీవెంకటేశ్వర క్రియేషన్స్, జీ స్టూడియోస్, దిల్‌రాజు ప్రొడ‌క్ష‌న్స్‌ బ్యానర్స్‌పై దిల్ రాజు, శిరీష్ ఈ చిత్రాన్ని నిర్మిస్తున్నారు. కియారా అద్వాని హీరోయిన్‌గా న‌టిస్తున్న ఈ మూవీ డిసెంబ‌ర్ 20న ప్ర‌పంచ వ్యాప్తంగా ప్రేక్ష‌కుల ముందుకు రానుంది. ఈ క్ర‌మంలో చిత్ర బృందం ప్ర‌మోష‌న‌ల్ కార్య‌క్ర‌మాల‌ను మొద‌లుపెట్టింది.

అందులో భాగంగా పాట‌ల‌ను ఒక్కొక్క‌టిగా విడుద‌ల చేస్తోంది. ఇప్ప‌టికే విడుద‌లైన ‘జరగండి జరగండి..’ సాంగ్ కు అద్భుత‌మైన స్పంద‌న వ‌చ్చింది. ఇక ఇప్పుడు సెకండ్ సాంగ్‌గా రా మ‌చ్చా మ‌చ్చా సాంగ్ ప్రొమోను సెప్టెంబ‌ర్ 28న విడుద‌ల చేయ‌నున్న‌ట్లు చిత్ర బృందం వెల్ల‌డించింది. మొత్తం పాట‌ సెప్టెంబ‌ర్ 30న రిలీజ్ కానుంది. ఈ పాట‌ను శంక‌ర్ త‌న‌దైన శైలిలో చిత్రీక‌రించిన‌ట్లుగా తెలుస్తోంది.

Devara : చ‌డీచ‌ప్పుడు కాకుండా ‘ఆయుధ పూజ’ సాంగ్ వ‌చ్చేసింది.. గూస్‌బంప్స్ అంతే..

ఈ పాట చిత్రీక‌ర‌ణ‌కు సంబంధించిన విశేషాల గురించి డైరెక్ట‌ర్ శంక‌ర్‌, మ్యూజిక్ డైరెక్ట‌ర్ త‌మ‌న్ ప్ర‌త్యేకంగా మాట్లాడారు. ఏకంగా 1000కి పైగా జాన‌ప‌ద క‌ళాకారులు ఈ పాట‌లో గ్లోబ‌ల్ స్టార్ రామ్ చ‌ర‌ణ్‌తో క‌లిసి డాన్స్ చేసిన‌ట్లు తెలిపారు. ఆంధ్ర‌ప్ర‌దేశ్‌, ఒరిస్సా, క‌ర్ణాట‌క‌, వెస్ట్ బెంగాల్‌, జార్ఖండ్ రాష్ట్రాల‌కు చెందిన జాన‌ప‌ద క‌ళాకారులు పాట‌లో భాగ‌మ‌య్యార‌ని అన్నారు.

శంక‌ర్ మాట్లాడుతూ ..రామ్‌చ‌ర‌ణ్‌, త‌మ‌న్‌తో క‌లిసి గేమ్ చేంజ‌ర్ సినిమాకు ప‌ని చేయ‌డం త‌న‌కు ఎంతో సంతోషాన్ని ఇచ్చింద‌న్నాడు. రామ్ చ‌ర‌ణ్ కోసం ఓ ఇంట్ర‌డ‌క్ష‌న్ సాంగ్ కావాల‌ని త‌మ‌న్‌ను అడిగాను. డిఫ‌రెంట్‌గా చేద్దామ‌ని ఇద్ద‌రం అనుకున్నాం. చాలా సేపు డిస్క‌ష‌న్ చేసుకున్నాం. ఒక‌రి స‌ల‌హాల‌ను ఒక‌రు విన్నాం. ఆంధ్ర‌ప్ర‌దేశ్‌లో సంస్కృతుల‌ను బేస్ చేసుకుని పాట‌ను చేస్తే బావుంటుంద‌నిపించింది. దానిపై చాలా రీసెర్చ్ చేసిన‌ట్లు వెల్ల‌డించారు.

ఏపీలో గుసాడి, కొమ్ము కోయ‌, త‌ప్పెట గుళ్లు వంటి జాన‌ప‌ద నృత్యాల‌ను పాట‌లో భాగం చేయాల‌నుకున్నాను. అలాగే ప్రేక్ష‌కుల‌కు వీటితో పాటు ఇంకా బెస్ట్ ఇవ్వాల‌నిపించింది. అందులో భాగంగా వెస్ట్ బెంగాల్‌కు చెందిన చౌ, ఒరిస్సాకు చెందిను గుమ్రా, రాన‌ప్ప‌, పైకా, దురువ వంటి వాటితో పాటు క‌ర్ణాట‌కు చెందిన హ‌లారి. ఒక్క‌లిగ‌, గొర‌వ‌ర‌, కుణిత వంటి నృత్య రీతుల‌ను కూడా భాగం చేయాల‌నుకుని చాలా రీసెర్చ్ చేసి చేశాం. దీని వ‌ల్లు పాట చాలా గ్రాండియ‌ర్ లుక్‌తో రావ‌ట‌మే కాదు, సౌండింగ్ కూడా ఇది వ‌ర‌కు ఎన్న‌డూ విన‌నంత కొత్త‌గా వ‌చ్చింది. త‌మ‌న్‌తో మాట్లాడిన త‌ర్వాత త‌ను రెండు రోజులు అన్నీ సంస్కృతుల‌ను షూట్ చేశారు. పాట ఒక సెల‌బ్రేష‌న్‌లా ఉంటుంది. రామ్ చ‌ర‌ణ్ అద్భుత‌మైన డాన్స‌ర్‌. గ‌ణేష్ ఆచార్య‌ ఈ పాట‌కు కొరియోగ్ర‌ఫీ అందించారు. చ‌ర‌ణ్ అయితే ఓ బీజీఎంను సింగిల్ షాట్‌లో పూర్తి చేయ‌టం విశేషం. ఇది చ‌ర‌ణ్ ఫ్యాన్స్‌, సినీ ల‌వ‌ర్స్‌కు ఓ ట్రీట్‌లా ఉంటుంది. లిరిసిస్ట్ అనంత్ శ్రీరామ్ పాట‌ను సూప‌ర్బ్‌గా రాశారు. దిల్ రాజు, శిరీష్‌గారు చాలా స‌పోర్ట్‌గా నిలిచారు అని శంక‌ర్ అన్నారు.

Devara : తెల్లారితే దేవ‌ర రిలీజ్‌.. బ్లాక్ మార్కెట్ ఆరోప‌ణ‌లు.. థియేట‌ర్ల‌లో త‌నిఖీలు

మ్యూజిక్ డైరెక్టర్ త‌మన్ మాట్లాడుతూ.. గేమ్ చేంజ‌ర్‌లోని రా మ‌చ్చా మ‌చ్చా సాంగ్‌లో అన్నీ సంస్కృతుల‌ను చూపించ‌టం ఐ ఫీస్ట్‌లా ఉంటుంది. శంక‌ర్‌ చాలా హుక్ లైన్స్ రాశారు. చివ‌ర‌కు రా మ‌చ్చా మ‌చ్చా.. అనే లైన్‌ను సెల‌క్ట్ చేసుకున్నారు. పాట‌ను స్క్రీన్‌పై చూస్తున్న‌ప్పుడు ఎంజాయ్ చేస్తారు. సెప్టెంబర్ 30న పాట రిలీజ్ కానుంది అన్నారు.