Peddi : పెద్ది నాన్ థియేట్రికల్ బిజినెస్ ఎంతో తెలుసా? చరణ్ రేంజ్ కి ఇది తక్కువే అంటున్న ఫ్యాన్స్..
తాజాగా పెద్ది సినిమా నాన్ థియేటరికల్ బిజినెస్ డీటెయిల్స్ టాలీవుడ్ లో వైరల్ గా మారాయి. (Peddi)
- Published By: Saketh U ,Published On : February 19, 2026 / 09:46 AM IST
Peddi
Peddi : రామ్ చరణ్ త్వరలో పెద్ది సినిమాతో రాబోతున్నారు. బుచ్చిబాబు సాన దర్శకత్వంలో మాస్ రూరల్ డ్రామాగా ఈ సినిమా తెరకెక్కుతుంది. ప్రస్తుతం షూటింగ్ చివరి దశలో ఉంది. పెద్ది సినిమా ఏప్రిల్ 30న రిలీజ్ చేస్తామని ఇటీవలే ప్రకటించారు. ఇప్పటికే పెద్ది నుంచి రిలీజయిన గ్లింప్స్, సాంగ్ బాగా వైరల్ అయి అంచనాలు పెంచాయి.(Peddi)
తాజాగా పెద్ది సినిమా నాన్ థియేటరికల్ బిజినెస్ డీటెయిల్స్ టాలీవుడ్ లో వైరల్ గా మారాయి. పెద్ది సినిమా ఓటీటీ బిజినెస్ ఎప్పుడో అయిపోయిందట. దాదాపు 115 కోట్లకు పెద్ది ఓటీటీ రైట్స్ అమ్ముడయినట్టు సమాచారం. అలాగే ఆడియో రైట్స్ 18 కోట్లకు అమ్ముడయినట్టు తెలుస్తుంది. ప్రస్తుతానికి ఈ రెండే క్లోజ్ అయ్యాయి.
ఇంకా శాటిలైట్, హిందీ శాటిలైట్, హిందీ డబ్బింగ్ డిజిటల్ రైట్స్ అమ్మలేదు. ఇవి కూడా అయిపోతే పెద్ది సినిమా దాదాపు 170 కోట్లకు పైగా నాన్ థియేటరికల్ బిజినెస్ చేస్తుంది అనుకుంటున్నారు. అయితే ఇది చరణ్ రేంజ్ కి తక్కువే అని ఫ్యాన్స్ అభిప్రాయపడుతున్నారు.
ఇక పెద్ది సినిమాకు దాదాపు 150 కోట్ల బడ్జెట్ పెడుతున్నట్టు తెలుస్తుంది. థియేట్రికల్ గా కూడా ఈ సినిమాకు డిమాండ్ బాగానే ఉంది కాబట్టి బిజినెస్ భారీగానే అవుతుందని ఆశిస్తున్నారు. అలాగే ఈ సినిమాను పాన్ ఇండియా విడుదల చేస్తుండటంతో కలెక్షన్స్ కూడా భారీగా వస్తాయని ఫ్యాన్స్ అంచనా వేస్తున్నారు.
