Mega 158: ‘మెగా 158’ గ్రాండ్ లాంచ్ .. మెగాస్టార్ కోసం ‘పెద్ది’ వస్తున్నాడు
మెగాస్టార్ 158(Mega 158) సినిమా ఓపెనింగ్ కి గెస్ట్ గా వస్తున్న రామ్ చరణ్.
- Published By: V Santhosh Kumar , Updated On : May 20, 2026 / 6:22 PM IST
Ram Charan to attend the launch of megastar Mega 158 as Chief Guest.
- రేపు చిరంజీవి, బాబీ సినిమా ప్రారంభం
- ముఖ్య అతిథిగా రామ్ చరణ్ రాక
- కేవీఎన్ ప్రొడక్షన్స్ భారీ నిర్మాణంలో చిత్రం
Mega 158: టాలీవుడ్ హిస్టరీలోనే మోస్ట్ పవర్ఫుల్ కాంబినేషన్లలో ఒకటిగా నిలిచిన మెగాస్టార్ చిరంజీవి- బ్లాక్బస్టర్ డైరెక్టర్ బాబీ కొల్లి (కె.ఎస్. రవీంద్ర) మళ్లీ చేతులు కలిపారు. ‘వాల్తేరు వీరయ్య’ వంటి ఇండస్ట్రీ హిట్ తర్వాత వీరిద్దరి కలయికలో వస్తున్న ఈ క్రేజీ ప్రాజెక్ట్ తాత్కాలికంగా మెగా 158(Mega 158)గా రూపుదిద్దుకుంటోంది. ఈ సినిమా గ్రాండ్ లాంచ్ ఈవెంట్ రేపు, అనగా మే 21వ తేదీ ఉదయం 8 గంటల నుండి పూజా కార్యక్రమాలతో అత్యంత వైభవంగా ప్రారంభం కానుంది.
ఈ పూజా కార్యక్రమానికి సంబంధించిన ప్రధాన ఆకర్షణగా మెగా పవర్స్టార్ రామ్ చరణ్ హాజరుకానున్నారు. తన తండ్రి సరికొత్త సినిమా ప్రారంభోత్సవానికి రామ్ చరణ్ ముఖ్య అతిథిగా విచ్చేసి సందడి చేయనుండటంతో మెగా అభిమానుల్లో ఉత్సాహం రెట్టింపయింది. ఈ వేడుకను ప్రపంచవ్యాప్తంగా ఉన్న అభిమానుల కోసం ప్రముఖ యూట్యూబ్ ఛానెల్లో లైవ్ స్ట్రీమింగ్ ద్వారా వీక్షించేలా మేకర్స్ ఏర్పాట్లు చేశారు.
ఈ ప్రతిష్టాత్మక చిత్రాన్ని కేవీఎన్ ప్రొడక్షన్స్ (KVN Productions) పతాకంపై వెంకట్ కె. నారాయణ అత్యంత భారీ బడ్జెట్తో నిర్మిస్తున్నారు. ఈ సినిమాకు స్టార్ మ్యూజిక్ డైరెక్టర్ థమన్ సంగీతం అందిస్తుండగా, విజయ్ కార్తీక్ సినిమాటోగ్రాఫర్గా, ఆంటోనీ ఎల్. రూబెన్ ఎడిటర్గా, ఎ.ఎస్. ప్రకాష్ ఆర్ట్ డైరెక్టర్గా వ్యవహరిస్తున్నారు. టెక్నికల్గా ఎంతో స్ట్రాంగ్గా ఉండబోతున్న ఈ చిత్రం బాక్సాఫీస్ వద్ద మరోసారి మెగా సెలబ్రేషన్స్ను తీసుకురావడం ఖాయమని సినీ వర్గాలు అంచనా వేస్తున్నాయి.
