Unstoppable : యానిమల్‌తో లయన్ మీటింగ్‌కి డేట్ ఫిక్స్ అయ్యింది.. అన్‌స్టాపబుల్ న్యూ ఎపిసోడ్..
యానిమల్‌తో లయన్ మీటింగ్‌కి డేట్ ఫిక్స్ అయ్యింది. రణబీర్ కపూర్ తో బాలయ్య అన్‌స్టాపబుల్ ఎపిసోడ్ ఎప్పుడో రిలీజ్ అవుతుందో తెలుసా..?
- Published By: 10TV Digital Team ,Published On : November 16, 2023 / 01:20 PM IST
Ranbir Kapoor Balakrishna Unstoppable episode streaming date announced
Unstoppable with NBK : బాలకృష్ణ హోస్ట్ గా ఆహాలో మొదలైన టాక్ షో అన్‌స్టాపబుల్ విత్ NBK. బాలయ్య హోస్టింగ్ తో అదిరిపోయే అతిథులతో ఈ టాక్ షో తెలుగులో బిగ్గెస్ట్ ప్రోగ్రాంగా వ్యూయర్ షిప్ అందుకుంది. ఇప్పటికే రెండు సీజన్లు పూర్తి చేసుకున్న ఈ టాక్ షో.. ఒకదాన్ని మించి మరో సీజన్ బ్లాక్ బస్టర్ గా నిలిచాయి. ఇక ఈ షో మూడో సీజన్ కోసం ప్రేక్షకులంతా ఎంతో ఆశగా ఎదురు చూస్తున్నారు. ఇటీవల దసరా సమయంలో ఒక స్పెషల్ ఎపిసోడ్ తో మూడో సీజన్ ని స్టార్ట్ చేశారు.
ఆ ఎపిసోడ్ లో బాలకృష్ణ నటించిన ‘భగవంత్ కేసరి’ మూవీ టీం అతిథులుగా వచ్చి సందడి చేశారు. ఇక ఇప్పుడు ఈ షోకి బాలీవుడ్ నుంచి గెస్టులు రాబోతున్నారు. టాలీవుడ్ డైరెక్టర్ సందీప్ వంగా ప్రస్తుతం హిందీలో ‘యానిమల్’ అనే గ్యాంగ్‌స్టార్ బ్యాక్‌డ్రాప్ మూవీ చేస్తున్న సంగతి తెలిసిందే. ఈ సినిమాలో బాలీవుడ్ యాక్టర్ రణబీర్ కపూర్, రష్మిక మందన్న హీరోహీరోయిన్లుగా నటిస్తున్నారు. డిసెంబర్ 1న ఈ మూవీ రిలీజ్ కి సిద్దమవుతుంది. ఇక ఈ మూవీ ప్రమోషన్స్ ని బాలయ్య అన్‌స్టాపబుల్ నుంచే మొదలు పెట్టబోతున్నారు.
Also read : Merry Christmas : సంక్రాంతికి వస్తున్న క్రిస్మస్.. మహేష్‌కి పోటీగా రాబోతున్నారా..?
? Date gurthupettukondi… Nov 24 it is! Wildest Episode of the season gonna hit the screens! #UnstoppableWithNBK #Animal?#NandamuriBalakrishna #RanbirKapoor @iamRashmika @imvangasandeep @AnimalTheFilm pic.twitter.com/qWbi2YEPZW
— ahavideoin (@ahavideoIN) November 16, 2023
రణబీర్, రష్మిక, సందీప్ వంగా.. బాలయ్య అన్‌స్టాపబుల్ షోలో సందడి చేయబోతున్నారు. తాజాగా ఈ ఎపిసోడ్ షూటింగ్ కూడా పూర్తి అయ్యింది. దీంతో షో నిర్వాహకులు ఈ ఎపిసోడ్ స్ట్రీమింగ్ కి డేట్ ని ఫిక్స్ చేశారు. యానిమల్‌తో లయన్ మీటింగ్‌కి నవంబర్ 24న టైం ఫిక్స్ చేశారు. ఈ వైల్డ్ ఎపిసోడ్ 24న రిలీజ్ చేస్తామంటూ ప్రకటించారు. కానీ కచ్చితమైన టైంని తెలియజేయలేదు. కాగా ఈ ఎపిసోడ్ లో విజయ్ దేవరకొండ ఫోన్ కాల్ ద్వారా పాల్గొన్నారని టాక్ వినిపిస్తుంది. దీంతో రష్మిక, విజయ్ గురించి బాలయ్య ఏం ప్రశ్నించారో అని ఫ్యాన్స్ ఎదురు చూస్తున్నారు.
