Rishab Shetty : మలయాళ స్టార్ హీరో మోహన్లాల్ను కలిసిన రిషబ్శెట్టి.. ‘కాంతార 2’లో నటించేది ఆయనేనా!
కన్నడ నటుడు రిషబ్శెట్టి తన భార్య ప్రగతితో కలిసి మలయాళ స్టార్ హీరో మోహన్ లాల్ను కలిశారు.
Rishab Shetty-Mohanlal : కన్నడ నటుడు రిషబ్శెట్టి తన భార్య ప్రగతితో కలిసి మలయాళ స్టార్ హీరో మోహన్ లాల్ను కలిశారు. ఈ విషయాన్ని రిషబ్ శెట్టి స్వయంగా సోషల్ మీడియా వేదికగా వెల్లడించాడు. లెజెండరీ నటుడిని కలవడం ఎంతో గౌరవంగా ఉందన్నారు. ఆయనతో కలిసి దిగిన ఫోటోలను అభిమానులతో పంచుకున్నారు. ఈ ఫోటోలు సోషల్ మీడియాలో వైరల్గా మారాయి. కాగా..’కాంతార 2′ చిత్రం కోసమే వీరిద్దరు కలిశారంటూ నెటిజన్లు కామెంట్లు చేస్తున్నారు.
స్వీయ దర్శకత్వంలో రిషబ్శెట్టి హీరోగా నటించిన కాంతార సినిమా 2022లో విడుదలైన ప్రతీ చోట భారీ విజయాన్ని అందుకుంది. ఈ సినిమా సక్సెస్ మీట్లో ఈ చిత్రానికి ప్రీక్వెల్గా కాంతార 2 ఉంటుందనే విషయాన్ని రిషబ్ శెట్టి వెల్లడించాడు. ఈ సమయంలోనే ఈ సినిమాలో ఓ స్టార్ హీరో నటించనున్నారు అనే విషయాన్ని చెప్పాడు. అయితే ఆ స్టార్ హీరో ఎవరు అనే సంగతి మాత్రం చెప్పలేదు.
ఇదిలా ఉంటే.. ప్రస్తుతం కాంతార 2 సినిమా ప్రీ ప్రొడక్షన్ పనులు శరవేగంగా జరుగుతున్నాయి. కాంతార మొదటి భాగం కథ ఎక్కడైతే ప్రారంభమైందో దానికి ముందు జరిగిన సంఘటనలు ఇందులో చూపించనున్నారు. ఈ చిత్రం కోసం రిషబ్ శెట్టి గుర్రపు స్వారీ ప్రత్యేక శిక్షణ తీసుకున్నట్లుగా తెలుస్తోంది. ఈ ఏడాదిలోనే ఈ సినిమాను ప్రేక్షకుల ముందుకు తీసుకురావాలని మేకర్స్ భావిస్తున్నట్లుగా వార్తలు వస్తున్నాయి.
View this post on Instagram