RRR సర్‌ప్రైజ్ ఎప్పుడంటే..
దర్శక ధీరుడు రాజమౌళి తెరకెక్కిస్తున్న ‘ఆర్ఆర్ఆర్’ సినిమా అప్‌డేట్స్ మార్చి నుంచి ప్రారంభం..
- Published By: sekhar ,Published On : February 28, 2020 / 12:34 PM IST
దర్శక ధీరుడు రాజమౌళి తెరకెక్కిస్తున్న ‘ఆర్ఆర్ఆర్’ సినిమా అప్‌డేట్స్ మార్చి నుంచి ప్రారంభం..
యంగ్ టైగర్ ఎన్టీయార్, మెగా పవర్‌స్టార్ రామ్‌ చరణ్ హీరోలుగా దర్శకధీరుడు రాజమౌళి రూపొందిస్తున్న తాజా చిత్రం ‘ఆర్ఆర్ఆర్’. స్వాతంత్ర్య పోరాటం నేపథ్యంలో రూపొందుతున్న ఈ సినిమాపై ఇప్పటికే భారీ అంచనాలు నెలకొన్నాయి. లీకేజీ వార్తలు తప్ప ఈ సినిమాకు సంబంధించిన ఎటువంటి అఫీషియల్ అప్‌డేట్ ఇవ్వలేదు చిత్రబృందం.
తారక్, చరణ్ ఫ్యాన్స్ ఆర్ఆర్ఆర్ అప్‌డేట్ కోసం ఎప్పటినుంచో ఎదురు చూస్తున్నారు. సినిమా గురించి అప్‌డేట్స్ ఇవ్వాలంటూ సోషల్ మీడియా ద్వారా చిత్రబృందాన్ని రిక్వెస్ట్ చేస్తున్నారు. తాజాగా ఓ నెటిజన్ ‘ఆర్ఆర్ఆర్’ పేజీని ట్యాగ్ చేస్తూ ‘అప్‌డేట్స్ ఇంకెప్పుడు ఇస్తావు’ అంటూ కోపంగా ఉన్న ఎమోజీలను పోస్ట్ చేశాడు.
దీనికి స్పందించిన చిత్రబృందం ‘‘మార్చి నుంచి’’ అని సమాధానం ఇచ్చింది. మార్చి 27వ తేదీన రామ్‌చరణ్ పుట్టినరోజు.. ఆ సందర్భంగా ‘ఆర్ఆర్ఆర్’ లో చెర్రీ ఫస్ట్ లుక్ విడుదలవుతుందని ఎప్పట్నుంచో వార్తలు వస్తున్నాయి. మరి, చిత్రబృందం చేసిన తాజా ట్వీట్‌ని బట్టి చూస్తే ఆ వార్తలు నిజమయ్యేలాగే ఉన్నాయి. అంటూ ఫ్యాన్స్ ఫిక్స్ అయిపోయారు. ‘RRR’ 2021 జనవరి 8న పది భాషల్లో విడుదల కానున్న సంగతి తెలిసిందే.
