Jack : ‘జాక్’ మూవీ రివ్యూ.. సిద్ధూ జొన్నలగడ్డ స్టైల్ లో స్పై థ్రిల్లర్..
జాక్ సిద్ధూ జొన్నలగడ్డ స్టైల్ లో కామెడీతో నవ్విస్తూ సాగే స్పై యాక్షన్ థ్రిల్లర్.
- Published By: 10TV Digital Team ,Published On : April 10, 2025 / 11:55 AM IST
Siddhu Jonnalagadda Vaishnavi Chaitanya Bommarillu Bhaskar Jack Movie Review and Rating
Jack Movie Review : సిద్దు జొన్నలగడ్డ, వైష్ణవి చైతన్య జంటగా తెరకెక్కిన సినిమా ‘జాక్’. శ్రీ వేంకటేశ్వర సినీ చిత్ర బ్యానర్ పై బివిఎస్ఎన్ ప్రసాద్ నిర్మాణంలో బొమ్మరిల్లు భాస్కర్ ద‌ర్శ‌క‌త్వంలో ఈ సినిమా తెర‌కెక్కుతోంది. జాక్ సినిమా నేడు ఏప్రిల్ 10న థియేటర్స్ లో రిలీజయింది. ప్రకాష్ రాజ్, నరేష్, రవిప్రకాష్, రాహుల్ దేవ్.. పలువురు కీలక పాత్రల్లో నటించారు.
కథ విషయానికొస్తే.. పాబ్లో నెరోడా అలియాస్ జాక్(సిద్ధూ జొన్నలగడ్డ) ఏం చేయకుండా తిరుగుతూ ఉంటాడు. అతను ఏం చేస్తున్నాడు అని తండ్రి ప్రసాద్(నరేష్) ఒక డిటెక్టివ్ ఏజెన్సీకి డబ్బులు ఇచ్చి కనిపెట్టమంటాడు. దీంతో ఆ డిటెక్టివ్ ఏజెన్సీ ఓనర్ కూతురు అఫ్జానా(వైష్ణవి చైతన్య) తన టీంతో జాక్ వెనక తిరుగుతూ ఉంటుంది. జాక్ ని ట్రాప్ చేసి ఏం చేస్తున్నాడో కనుక్కోవాలనుకుంటుంది. జాక్ రా ఏజెంట్ గా జాబ్ చేయాలనుకుంటాడు. రా ఇంటర్వ్యూకి కూడా వెళ్తాడు.
అతనికి ఇంకా జాబ్ రిజల్ట్ రాకపోవడంతో తనే ఒక రా ఏజెంట్ లా ఫీల్ అయి ఒక ఉగ్రవాద చర్యను అడ్డుకోవడానికి ప్రయత్నిస్తూ ఉంటాడు. ఈ క్రమంలో ఒక టెర్రరిస్ట్ తో పాటు అనుకోకుండా రా ఆఫీసర్ మనోజ్(ప్రకాష్ రాజ్)ని కిడ్నాప్ చేస్తాడు. ఇవేమీ తెలియని అఫ్జానా అనుకోకుండా ఆ టెర్రరిస్ట్ ని తప్పిస్తుంది. దీంతో రా ఆఫీసర్స్ జాక్ ని పట్టుకుంటారు. అసలు జాక్ ఎందుకు రా ఆఫీసర్ అవ్వాలి అనుకుంటాడు? ఉగ్రవాదులు ఏం చేయబోతున్నారు? రా ఆఫీసర్ మనోజ్ ఎవర్ని పట్టుకోవాలని ట్రై చేస్తాడు? అఫ్జానా జాక్ ఏం చేస్తాడో కనిపెట్టిందా? ప్రసాద్ కి తన కొడుకు ఏం చేస్తున్నాడో తెలుస్తుందా? జాక్ ఉగ్రవాద చర్యని కనుక్కుంటాడా తెలియాలంటే తెరపై చూడాల్సిందే.
Also Read : Jack Movie Twitter Review : జాక్ మూవీ ట్విట్టర్ రివ్యూ..
సినిమా విశ్లేషణ.. సిద్ధూ జొన్నలగడ్డ సినిమాలు అంటే కామెడీతో ఒక హైదరాబాదీ స్టైల్ లో ఉంటాయని తెలిసిందే. ఈ జాక్ కూడా హైదరాబాదీ స్టైల్ లో సిద్ధూ మార్క్ తోనే ఉంటుంది. ఫస్ట్ హాఫ్ లో సిద్ధూ ఫుల్ గానే నవ్విస్తాడు. టెర్రరిస్ట్ లని తనే సొంతంగా పట్టుకోవడానికి చేసే ప్రయత్నాలు సస్పెన్స్ అనిపిస్తునే నవ్విస్తాయి కూడా. సెకండ్ హాఫ్ లో అసలు మెయిన్ టెర్రరిస్ట్ ని పట్టుకోడానికి జాక్, రా ఆఫీసర్స్ చేసే ప్రయత్నాలు కాస్త సీరియస్ గా కామెడీగానే సాగుతాయి.
అయితే రా అనే ఒక గొప్ప సంస్థని, అందులో పని చేసే ఆఫీసర్స్ ని జాక్ సినిమాలో మరీ కామెడీగా చూపించారు. రా వాళ్ళు ఏం చేయలేరు, అంతా హీరోనే చేయగలడు అని ఓ సినిమాటిక్ లిబర్టీలో చూపించడం కాస్త నెగిటివ్ అవుతుంది. మామూలుగానే సిద్ధూ సినిమాలు హైదరాబాద్ హిందీ మిక్స్ అయి ఉండి అవి అందరికి అర్ధం కావు. ఇందులో హీరోయిన్ కూడా ముస్లిం పాత్ర కావడంతో ఇంకా ఎక్కువ హిందీ ఉండటంతో చాలా డైలాగ్స్ హిందీ రాని వాళ్లకు అర్ధం కావు. ఈ సినిమాని ఒక స్పై థ్రిల్లర్ లా సీరియస్ గా తీయొచ్చు. కానీ సిద్ధూ తన స్టైల్ మిస్ అవ్వకూడదు అని కామెడీని జోడించాడు. కొన్ని ట్విస్ట్ లు మెప్పిస్తాయి. సినిమాలో అమ్మ సెంటిమెంట్ బాగానే వర్కౌట్ అవుతుంది. ఒక రెగ్యులర్ స్పై సినిమాని కామెడీగా చూపించే ప్రయత్నం చేసారు. అయితే సినిమాలో బొమ్మరిల్లు భాస్కర్ మార్క్ కంటే సిద్ధూ జొన్నలగడ్డ మార్క్ ఎక్కువ కనిపిస్తుంది.
నటీనటుల పర్ఫార్మెన్స్ .. సిద్దు తన రెగ్యులర్ టిల్లు స్టైల్ లోనే ఈ సినిమాలో కూడా మెప్పించాడు. వైష్ణవి చైతన్య డిటెక్టివ్ పాత్రలో పర్వాలేదనిపిస్తుంది. తన పాత్రకు అంతగా స్కోప్ లేదు. ప్రకాష్ రాజ్ సీరియస్ రా ఆఫీసర్ పాత్రలో బాగానే మెప్పించారు. నరేష్ కూడా కాసేపు నవ్విస్తారు. నెగిటివ్ రోల్ లో రాహుల్ దేవ్ కాసేపు కనిపించి పర్వాలేదనిపించారు. బిగ్ బాస్ అలీ నెగిటివ్ పాత్రలో మెప్పించాడు. రవి ప్రకాష్, బ్రహ్మాజీ.. మిగిలిన నటీనటులు వారి పాత్రల్లో పర్వాలేదనిపించారు.
Also Read : Vishwambhara : చిరంజీవి ‘విశ్వంభ‌ర’ నుంచి ఫస్ట్ సాంగ్ అప్‌డేట్‌.. ‘రామరామ’ పాట ఎప్పుడంటే..?
సాంకేతిక అంశాలు.. సినిమాటోగ్రఫీ విజువల్స్ బాగున్నాయి. యాక్షన్ సీక్వెన్స్ లు కూడా బాగున్నాయి. చాలా వరకు రియల్ లొకేషన్స్ లోనే షూట్ చేసారు. పాటలు యావరేజ్. బ్యాక్ గ్రౌండ్ మ్యూజిక్ మాత్రం మెప్పిస్తుంది. బొమ్మరిల్లు భాస్కర్ కథ, డైరెక్షన్ అయినా సినిమా అంతా సిద్ధూ మార్క్ కనిపిస్తుంది. నిర్మాణ పరంగా బాగానే ఖర్చుపెట్టారు.
మొత్తంగా ‘జాక్’ సినిమా సిద్ధూ జొన్నలగడ్డ స్టైల్ లో కామెడీతో నవ్విస్తూ సాగే స్పై యాక్షన్ థ్రిల్లర్. ఈ సినిమాకు 2.75 రేటింగ్ ఇవ్వొచ్చు.
గమనిక : ఈ సినిమా రివ్యూ & రేటింగ్ కేవలం విశ్లేషకుడి వ్యక్తిగత అభిప్రాయం మాత్రమే.
