బలగం సినిమా ఫేమ్ కొమురమ్మకు తెలంగాణ స్పీకర్ గడ్డం ప్రసాద్ రూ.లక్ష ఆర్థిక సాయం

ఇచ్చిన మాట ప్రకారం తమకు ఆర్థిక సాయం అందచేసిన సభాపతి ప్రసాద్ కు ధన్యవాదాలు తెలిపారు కొమురమ్మ.

తెలుగు సినిమా బలగం ఫేమ్ కొమురమ్మకు తెలంగాణ స్పీకర్ గడ్డం ప్రసాద్ కుమార్ లక్ష రూపాయల ఆర్థిక సాయం చేశారు. ఇటీవల రాష్ట్ర మంత్రి పొన్నం ప్రభాకర్ తండ్రి పొన్నం సత్తయ్య స్మారక అవార్డు సభలో గడ్డం ప్రసాద్ కుమార్ పాల్గొన్న విషయం తెలిసిందే. ఆ సమయంలో బలగం ఫేమ్ కొమురమ్మ, మొగిలయ్యల ఆర్థిక పరిస్థితి చూసి చలించిపోయారు. తన నెల జీతం నుండి లక్ష రూపాయలు ఇస్తానని హామీ ఇచ్చారు.

దీంతో ఇవాళ మినిస్టర్ క్వార్టర్స్ లోని తన అధికార నివాసంలో అసెంబ్లీ స్పీకర్ ప్రసాద్ కుమార్, మంత్రి పొన్నం ప్రభాకర్ సోదరుడు పొన్నం రవిచంద్రతో కలిసి కొమురమ్మకి లక్ష రూపాయల చెక్కును అందజేశారు. ఈ సందర్భంగా కొమురమ్మ తనకి పెన్షన్ ఇప్పించాలని కోరారు. దీంతో సంబంధిత మంత్రి జూపల్లి కృష్ణరావుతో మాట్లాడి ఇప్పించేందుకు కృషి చేస్తానని హామీ ఇచ్చారు.

ఇచ్చిన మాట ప్రకారం తమకు ఆర్థిక సాయం అందచేసిన సభాపతి ప్రసాద్ కు ధన్యవాదాలు తెలిపారు కొమురమ్మ. తన భర్త మొగిలయ్యకు మెరుగైన వైద్య చికిత్సకు కోసం ఈ డబ్బులు ఉపయోగిస్తానని తెలిపారు.

1980s Radhe Krishna : ‘1980లో రాధేకృష్ణ’ మూవీ రివ్యూ.. తెలుగు, బంజారా భాషల్లో..