Single : బాక్సాఫీస్ వ‌ద్ద శ్రీ విష్ణు దూకుడు.. మూడు రోజుల్లో సింగిల్ మూవీ ఎంత కొల్ల‌గొట్టిందో తెలుసా?

కార్తీక్ రాజు ద‌ర్శ‌క‌త్వంలో టాలీవుడ్ యంగ్ హీరో శ్రీ విష్ణు న‌టించిన చిత్రం సింగిల్.

Sree Vishnu Single three Days Collections

కార్తీక్ రాజు ద‌ర్శ‌క‌త్వంలో టాలీవుడ్ యంగ్ హీరో శ్రీ విష్ణు న‌టించిన చిత్రం సింగిల్. మే 9న ప్రేక్ష‌కుల ముందుకు వ‌చ్చిన ఈ చిత్రం బాక్సాఫీస్ వ‌ద్ద దూసుకుపోతుంది. ఫుల్ లెంగ్త్ కామెడీ ఎంటర్టైనర్ గా, ట్రయాంగిల్ లవ్ స్టోరీతో, కాస్త ఎమోషన్ తో రూపుదిద్దుకున్న ఈ చిత్రం ప్రేక్ష‌కుల‌ను ఆక‌ట్టుకుంటోంది.

జనాలు థియేటర్లకు రావడం లేదు అని అనుకుంటున్న పరిస్థితుల్లో శ్రీ విష్ణు తనదైన కామెడీతో జనాన్ని రప్పించడమే కాదు కోట్లు కొల్లగొడుతున్నాడు. కింగ్ ఆఫ్ ఎంటర్ టైన్మెంట్ అనే బిరుదు సార్థకం అయ్యేలా చేస్తున్నాడు.

Vishal : విశాల్‌కు ఏమైంది? వేదికపైనే స్పృహ తప్పి ప‌డిపోయిన హీరో.. మేనేజ‌ర్ ఏం చెప్పాడంటే..?

తొలి రోజే 4.15 కోట్ల‌కు పైగా గ్రాస్ వ‌సూళ్ల‌ను సాధించిన సింగిల్ మూవీ. ఇక‌ మూడు రోజుల్లో ఈ చిత్రం ప్ర‌పంచ వ్యాప్తంగా 16.30 కోట్ల‌కు పైగా గ్రాస్ వ‌సూళ్ల‌ను సాధించింది. ఈ విష‌యాన్ని చిత్ర బృందం ఓ పోస్ట‌ర్ ద్వారా సోష‌ల్ మీడియా ద్వారా తెలియ‌జేసింది.

మంచి వ‌సూళ్ల‌ను సాధిస్తుండ‌డంతో చిత్ర బృందం ఫుల్ హ్యాపీగా ఉంది. కేతిక శర్మ, ఇవానా క‌థానాయిక‌లుగా న‌టించిన ఈ చిత్రాన్ని గీతా ఆర్ట్స్ బ్యానర్ లో అల్లు అరవింద్ సమర్పణలో కళ్యా ఫిల్మ్స్‌తో కలిసి విద్యా కొప్పినీడి, భాను ప్రతాప, రియాజ్ చౌదరి నిర్మించారు.