గోల్డెన్ జూబ్లీ అవార్డు అందుకున్న సూపర్ స్టార్

  • Published By: veegamteam ,Published On : November 21, 2019 / 03:04 AM IST
గోల్డెన్ జూబ్లీ అవార్డు అందుకున్న సూపర్ స్టార్

Updated On : November 21, 2019 / 3:04 AM IST

50వ ఇంటర్నేషనల్ ఫిలిం ఫెస్టివల్ ఆఫ్ ఇండియా (IFFI) వేడుకలు ప్ర‌తి సంవత్సరం గోవాలో ఘనంగా జరుగుతాయి. అదేవిధంగా ఈసారి 50వ IFFI  వేడుకలు నవంబర్ 20 నుంచి 28వరకు ఘనంగా జరగనున్నాయి. అయితే బుధవారం (నవంబర్ 20, 2019)న ఈ అవార్డు వేడుకలు అట్టహాసంగా ప్రారంభమైంది.

ఈ కార్యక్రమంలో సౌత్ ఇండియన్ సూపర్ స్టార్ రజనీకాంత్‌ను ప్రతిష్టాత్మక ఐకాన్ ఆఫ్ గోల్డెన్ జూబ్లీ అవార్డుతో సత్కరించారు. బాలీవుడ్ బిగ్ బీ అమితాబ్ బచ్చన్ చేతుల మీదుగా రజనీకాంత్ ఈ అవార్డు అందుకున్నారు. ఐకాన్ ఆఫ్ గోల్డెన్ జూబ్లీ అవార్డు అందుకున్నందుకు చాలా సంతోషంగా ఉందని రజనీకాంత్ ఆనందం వ్యక్తం చేశారు. అంతేకాదు ఈ అవార్డుకు ఎంపిక చేసినందుకు భారత ప్రభుత్వానికి ఆయన ధన్యవాదాలు తెలియజేశారు.

ఇక రజనీకాంత్ తనకొచ్చిన ఈ అవార్డును తన నిర్మాతలు, డైరెక్టర్లు, తనతో పనిచేసిన సాంకేతిక నిపుణులతో పాటు తన ఫ్యాన్స్‌కు అంకితమిస్తున్నట్లు చెప్పారు. నవంబర్ 28 వరకు గోవాలో ఈ గోల్డెన్ జూబ్లీ ఇంటర్నేషనల్ ఫిలిం ఫెస్టివల్ ఆఫ్ ఇండియా అవార్డుల కార్యక్రమం జరగనుంది.