Tollywood Heroes: ఓపక్క చిరు- బాబీ.. మరోపక్క బాలయ్య- కొరటాల.. ఇద్దరికీ ఒకేరోజు ముహూర్తం
ఒకేరోజు మొదలుకానున్న మెగాస్టార్ చిరంజీవి అండ్ మాస్ గాడ్ బాలకృష్ణ (Tollywood Heroes)కొత్త సినిమాలు.
- Published By: V Santhosh Kumar , Published On : May 19, 2026 / 09:13 PM IST
Tollywood star Heroes chiranjeevi and balakrishna new movies starting on one day
- చిరు, బాలయ్య కొత్త చిత్రాల ప్రారంభం.
- మే 21న ముహూర్తపు వేడుకలు ఫిక్స్.
- అభిమానుల్లో నెలకొన్న సరికొత్త మాస్ జోష్.
Tollywood Heroes: టాలీవుడ్ ఇద్దరు అగ్ర సీనియర్ స్టార్ హీరోలైన మెగాస్టార్ చిరంజీవి, గాడ్ ఆఫ్ మాసెస్ నందమూరి బాలకృష్ణ తమ ప్రతిష్టాత్మక చిత్రాలను ఒకే రోజు ప్రారంభించనున్నారు. మే 21వ తేదీన ఈ ఇద్దరు టాప్ హీరోల కొత్త సినిమాలు అధికారికంగా ముహూర్తపు వేడుకలు జరుపుకోనుండటంతో అటు మెగా ఫ్యాన్స్, ఇటు నందమూరి అభిమానుల్లో సరికొత్త మాస్ జోష్ నెలకొంది. టాలీవుడ్ బాక్సాఫీస్ వద్ద ఎప్పుడూ రసవత్తరమైన పోటీనిచ్చే ఈ ఇద్దరు స్టార్స్(Tollywood Heroes), ఒకే రోజు పూజా కార్యక్రమాలతో సరికొత్త ట్రెండ్కు తెరలేపడం ఇప్పుడు ఇండస్ట్రీ సర్కిల్స్లో హాట్ టాపిక్గా మారింది.
Anu Emmanuel: పింక్ చీరలో పవన్ కళ్యాణ్ హీరోయిన్.. అను ఇమ్మాన్యుయేల్ స్టన్నింగ్ లుక్స్ వైరల్
వరుస విజయాలతో దూసుకుపోతున్న నందమూరి బాలకృష్ణ, సక్సెస్ఫుల్ డైరెక్టర్ కొరటాల శివ కలయికలో రాబోతున్న ‘NBK112’ ప్రాజెక్ట్ మే 21న గ్రాండ్గా లాంచ్ కానుంది. ‘పవర్ మీట్స్ పర్పస్.. మాస్ బికమ్స్ ఎ మూవ్మెంట్’ అనే పవర్ఫుల్ ట్యాగ్లైన్తో అనౌన్స్ అయిన ఈ సినిమాపై అంచనాలు ఆకాశాన్ని తాకుతున్నాయి. కొరటాల శివ మార్క్ సోషల్ మెసేజ్కు బాలయ్య రేంజ్ మాస్ ఎలిమెంట్స్ తోడైతే థియేటర్లలో పూనకాలే అని ట్రేడ్ వర్గాలు భావిస్తున్నాయి. కోలీవుడ్ సెన్సేషన్ అనిరుధ్ రవిచందర్ ఈ సినిమాకు సంగీతం అందిస్తుండడంతో ఈ క్రేజ్ మరింత పెరిగింది.
మరోవైపు ‘వాల్తేరు వీరయ్య’ వంటి ఇండస్ట్రీ హిట్ తర్వాత మెగాస్టార్ చిరంజీవి, మాస్ డైరెక్టర్ బాబీ కొల్లి కాంబినేషన్లో వస్తున్న క్రేజీ ప్రాజెక్ట్ ‘Mega158’ కూడా అదే రోజున ముహూర్తపు వేడుకను జరుపుకోనుంది. కేవీఎన్ ప్రొడక్షన్స్ అత్యంత ప్రతిష్టాత్మకంగా నిర్మిస్తున్న ఈ యాక్షన్ ఎంటర్టైనర్ కోసం చిరంజీవి జిమ్లో కఠినమైన వర్కవుట్స్ చేస్తూ సాలిడ్ లుక్లోకి మారుతున్నారు. సీనియర్ నటి ప్రియమణి హీరోయిన్గా నటిస్తున్న ఈ సినిమాపై భారీ అంచనాలు ఉన్నాయి. ఒకే రోజు ఇద్దరు స్టార్స్ కొత్త చిత్రాలు ప్రారంభం కానుండటం బాక్సాఫీస్ వద్ద సరికొత్త మాస్ పండగను తలపిస్తోంది.
