ఏడేళ్ల పాటు హీరోయిన్ నంబ‌ర్‌ను బ్లాక్ లిస్ట్‌లో పెట్టిన స్టార్ హీరో.. ఎందుకో తెలుసా?
మ‌ల‌యాళ స్టార్ హీరో ఉన్నిముకుంద‌న్ న‌టిస్తున్న చిత్రం జై గ‌ణేష్‌.
- Published By: 10TV Digital Team ,Published On : April 10, 2024 / 07:17 PM IST
Unni Mukundan block Mahima Nambiar number for seven years
Unni Mukundan – Mahima Nambiar : మ‌ల‌యాళ స్టార్ హీరో ఉన్నిముకుంద‌న్ న‌టిస్తున్న చిత్రం జై గ‌ణేష్‌. రంజిత్ శంక‌ర్ ద‌ర్శ‌క‌త్వంలో తెర‌కెక్కుతున్న ఈ సినిమాలో మహిమ నంబియార్ హీరోయిన్‌గా న‌టిస్తోంది. ఈ చిత్రం గురువారం ప్రేక్ష‌కుల ముందుకు రానుంది. ఈ నేప‌థ్యంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో బిజీగా ఉంది. ఓ ఇంట‌ర్వ్యూలో హీరోయిన్ మహిమ నంబియార్ ఓ ఆస‌క్తిర విష‌యాన్ని వెల్ల‌డించారు. ఏడేళ్ల పాటు హీరో ఉన్నిముకుంద‌న్ త‌న నంబ‌ర్‌ను బ్లాక్ చేశాడ‌ని తెలిపింది.
ఉన్నిముకుంద‌న్, మ‌హిమా నంబియార్ లు 2017లో విడుద‌లైన మాస్ట‌ర్ పీస్ సినిమాలో క‌లిసి న‌టించారు. ఆ సినిమా విడుద‌లైన త‌రువాత ఉన్ని త‌న నంబ‌ర్‌ను బ్లాక్ చేశాడ‌ని మహిమ తెలిపింది. స్రిప్ట్ రైట‌ర్ ఉద‌య్‌కృష్ణ ద‌గ్గ‌రి నుంచి ఉన్ని ముకుంద‌న్ నంబ‌ర్‌ను తీసుకున్నా. ఆ త‌రువాత ఆయ‌న‌కు వాట్సాప్‌లో వాయిస్ మెసేజ్ పంపాను. నేను మ‌హిమ‌ను. నేనెవ‌రో నీకు తెలుసుకు అని అనుకుంటున్నాను. ఉదయన్ నుంచి నీ నంబ‌ర్ తీసుకున్నా అని అన్నాను. ఆ వాయిస్ మెసేజ్‌లో ఉదయన్ అని రెండు మూడు సార్లు అన్నాను.
Gandhimathi Balan : సినీ ప‌రిశ్ర‌మ‌లో తీవ్ర విషాదం.. ప్ర‌ముఖ నిర్మాత గాంధీమ‌తి బాల‌న్ క‌న్నుమూత
ఆ వాయిస్ మెసేజ్ విన‌గానే ఉన్ని నా నంబ‌ర్‌ను బ్లాక్ చేశాడు. ఎందుకు ఉన్ని త‌న నంబ‌ర్ బ్లాక్ చేశాడో నాకు అర్థం కాలేదు. ఆ త‌రువాత ఉద‌య‌న్‌కు ఉన్ని ఫోన్ చేశాడు. నేను అహంకారి అని, ఉదయన్ అని పిలుస్తోంద‌ని, ఓ సీనియ‌ర్‌ను ఇలాగేనా పిలిచేది అని అత‌డితో ఉన్ని చెప్పాడ‌ట. దీంతో ఏడేళ్ల పాటు నా నంబ‌ర్‌ను బ్లాక్ చేశాడు అంటూ మ‌హిళా నంబియార్ చెప్పింది. అయితే.. ఉదయకృష్ణతో తనకున్న పరిచయం వల్లే అతడిని ‘ఉదయన్’ అని ఆప్యాయంగా పిలిచాన‌ని, ఆ సమయంలో ఉన్నీకి ఆ వివరాలు తెలియవని మహిమ స్పష్టం చేసింది
దీనిపై ఉన్ని ముకుంద‌న్ స్పందించాడు. ఆ సమయంలో కోపంతో ఆమె నంబ‌ర్‌ను బ్లాక్ చేసిన‌ట్లు ఉన్ని చెప్పుకొచ్చాడు. ఆ త‌రువాత నంబ‌ర్ బ్లాక్ చేసిన విష‌యాన్నే తాను మ‌రిచిపోయిన‌ట్లు చెప్పుకొచ్చాడు. కొన్నేళ్ల త‌రువాత RDX సినిమా విజయం సాధించ‌డంతో ఆ సినిమాలో మ‌హిమ‌ను చూశాను. ఆ త‌రువాత రంజిత్ శంక‌ర్ సినిమాలో ఆమె న‌టిస్తుంద‌ని తెలిసిన వెంట‌నే ఆమె నంబ‌ర్‌ని బ్లాక్ చేసిన సంగ‌తి గుర్తుకు వ‌చ్చింద‌ని, వెంట‌నే ఆన్‌బ్లాక్ చేసి మెసేజ్ పంపిన‌ట్లు చెప్పాడు.
War 2 : వార్ 2లో ఎన్టీఆర్‌కి తండ్రిగా జగపతి బాబు చేస్తున్నారా.. నిజమేనా..!
