బీహార్ ఎన్నికల ఫలితం: రేపు ‘బర్త్‌డే బాయ్’ తేజశ్వి యాదవ్‌కు సీఎం సీటు బహుమతిగా లభిస్తుందా?
- Published By: vamsi ,Published On : November 9, 2020 / 10:18 AM IST
Bihar Elections Result: దేశమంతా ఉత్కంఠగా ఎదురుచూస్తున్న బీహార్ ఎన్నికల ఫలితాలు రేపు(10 నవంబర్ 2020) వస్తున్నాయి. అందరి కళ్లు ఇప్పుడు తేజశ్వి యాదవ్ వైపే చూస్తున్నాయి. ఈ రోజు(9 నవంబర్ 2020) అతని 31 వ పుట్టినరోజు. దాదాపు అన్ని సర్వేలు ఈసారి తేజశ్వి యాదవ్ చరిత్రను సృష్టించబోతున్నట్లుగా చెబుతున్నాయి. తేజశ్వి 31వ పుట్టినరోజు సంధర్భంగా.. పాట్నాలోని చాలా చోట్ల హోర్డింగ్‌లు, బ్యానర్లు ఏర్పాటు అయ్యాయి.
అయితే కొందరు అత్యుత్సాహంతో ముందే ముఖ్యమంత్రి తేజశ్వి యాదవ్ అంటూ హోర్డింగ్‌లు వెయ్యగా.. తేజశ్వి కార్యాలయం ఆర్జేడీ కార్యకర్తలు, మద్దతుదారులను అలా వెయ్యొద్దంటూ ముందే విజ్ఞప్తి చేసింది. ఇప్పటికే ప్రతిపక్ష నాయకుడు తేజశ్వి కార్యాలయం నుంచి కోవిడ్-19 నిబంధనలు పాటిస్తూ.. ప్రతి ఒక్కరు ఇంట్లోనే ఉండి, తన పుట్టినరోజును జరుపుకోవాలని ఆయన కోరారు. తేజశ్వి కూడా ఈ రోజు తన కుటుంబంతో కలిసి ఇంట్లో పుట్టినరోజు కేక్ కటింగ్ చేయనున్నారు
https://10tv.in/us-election-2020-results-updates-biden-takes-lead-in-newjersy/
రేపు తేజశ్వికి పుట్టినరోజు బహుమతి వస్తుందా ?
లాలూ-రబ్రీ ఎనిమిది మంది పిల్లలలో తేజశ్వి చిన్నవాడు, కానీ బీహార్ ప్రజలు అతని పుట్టినరోజున అతనికి విజయ బహుమతిని ఇస్తే, అతను బీహార్ రాజకీయాల్లో పెద్దవాడుగా మారిపోతాడు. తేజశ్వి బీహార్ ముఖ్యమంత్రి అయితే ముఖ్యమంత్రి పీఠం ఎక్కిన అతి పిన్న వయస్కుడిగా మారడమే కాకుండా, కేంద్రపాలిత ప్రాంతాలను విడిచిపెట్టి, ఇంత చిన్న వయస్సులో ఏ రాష్ట్రానికి ఎవరూ ముఖ్యమంత్రి కాలేదు.
2015లో డిప్యూటీ సీఎంగా:
2015 ఎన్నికలలో, లాలూ యాదవ్ తేజశ్విని ప్రపంచానికి బహిరంగంగా రాజకీయ వారసుడిగా చేశారు. 2015 ఎన్నికల్లో తేజశ్వి సూచనల మేరకు లాలూ నితీష్‌తో కలిసి మహాగత్బంధన్ ఏర్పాటు చేసినట్లు చెబుతుంటారు. అప్పుడు ఆ ప్రయోగం కూడా విజయవంతం అయ్యింది. గ్రాండ్ అలయన్స్ ప్రభుత్వం ఏర్పడి, తేజశ్వి రాఘోపూర్ నుంచి ఎన్నికల్లో గెలిచి డిప్యూటీ సిఎంగా బాధ్యతలు స్వీకరించారు.
2018లో పశుగ్రాసం కుంభకోణంలో లాలూ యాదవ్ జైలు శిక్ష పడిన తరువాత, తేజశ్వి రాష్ట్రీయ జనతాదళ్‌కు తిరుగులేని నాయకుడు అయ్యాడు. అయితే 2019 లోక్‌సభ ఎన్నికల్లో ఆర్జేడీ పరాజయం పాలైన తరువాత, తేజశ్వి సామర్థ్యాన్ని కూడా ప్రజలు ప్రశ్నించారు. కానీ ఏడాదిలోనే రాజకీయం మారింది తేజశ్వి ముఖ్యమంత్రి అయ్యే అవకాశాలు వచ్చినట్లుగా ఎగ్జిట్ పోల్స్ చెబుతున్నాయి.
తేజశ్వి యాదవ్ 2020 బీహార్ ఎన్నికలకు ముందు జనంలోకి బాగా వెళ్లారు. తేజశ్వి ర్యాలీలలో భారీగా జనం రావడాన్ని చూసిన అతని ప్రత్యర్థులు కూడా అతనిని తక్కువ అంచనా వెయ్యలేకపోయారు. అతన్ని జంగిల్ రాజ్ కిరీటం యువరాజు అని పిలుస్తారు, కానీ ప్రతి దాడికి సమాధానం ఇస్తూనే ఉన్నారు. తేజశ్వి యాదవ్ ఈసారి మాత్రమే 251 ఎన్నికల ర్యాలీలు నిర్వహించారు. అతను ఒక రోజులో 19 వరకు సమావేశాలు నిర్వహించి, తండ్రి లాలూ యాదవ్ 17 ర్యాలీల రికార్డును బద్దలు కొట్టాడు. రేపు బీహార్ ప్రజలు తేజశ్విని గెలిపించినట్లుగా తెలిస్తే మాత్రం, బీహార్ మాత్రమే కాదు, దేశ రాజకీయాల్లో కూడా, ఒక కొత్త నక్షత్రం పుడుతుంది.
