Borewell: 70 అడుగుల లోతు బోరుబావిలో పడ్డ తొమ్మిదేళ్ల బాలుడు.. 7 గంటలు కష్టపడి..
స్థానికులు అధికారులకు సమాచారం అందించారు. సహాయక సిబ్బంది అక్కడకు చేరుకుని, బాలుడు బోరుబావిలో 70 అడుగుల లోతులో ఉన్నట్లు గుర్తించారు.
- Published By: 10TV Digital Team ,Published On : May 20, 2023 / 09:09 PM IST
Borewell
Rajasthan: రాజస్థాన్ లో 70 అడుగుల లోతు ఉన్న బోరుబావిలో పడ్డ తొమ్మిదేళ్ల బాలుడిని సహాయక సిబ్బంది సురక్షితంగా బయటకు తీశారు. జైపూర్ జిల్లాలోని (Jaipur district) జాబ్నర్ లో ఈ ఘటన చోటుచేసుకుంది. ఇవాళ ఉదయం భోజ్‌చగకా గ్రామంలో ఆడుకుంటున్న అక్షిత్ అనే బాలుడు ఒక్కసారిగా బోరుబావిలో పడ్డాడు.
ఈ విషయాన్ని గుర్తించిన స్థానికులు అధికారులకు సమాచారం అందించారు. సహాయక సిబ్బంది అక్కడకు చేరుకుని, బాలుడు బోరుబావిలో 70 అడుగుల లోతులో ఉన్నట్లు గుర్తించారు. ఏడు గంటల పాటు కష్టపడి అతడికి బయటకు తీశారు. ఈ ఘటనపై అధికారులు మాట్లాడుతూ… బాలుడిని బయటకు తీశాక ఆసుపత్రికి తరలించామని, అతడి పరిస్థితి బాగానే ఉందని చెప్పారు.
ఎన్డీఆర్ఎఫ్, ఎస్డీఆర్ఎఫ్, సివిల్ డిఫెన్స్ సిబ్బంది కలిసి బాలుడిని బయటకు తీశారని తెలిపారు. ఆ బాలుడికి వైద్య పరీక్షలు నిర్వహించారని చెప్పారు. బాలుడు బోరుబావిలో ఇరుక్కుపోయినప్పుడు అతడికి ఆక్సిజన్ పంపామని, అలాగే, నీరు, తినడానికి బిస్కెట్లను కూడా అందేలా చేశామని తెలిపారు. ఆ బాలుడితో మాట్లాడిస్తూ సిబ్బంది రెస్క్యూ ఆపరేషన్ కొనసాగించారని చెప్పారు.
