Delhi assembly results 2025 AAP
Delhi Assembly Results 2025 : ఢిల్లీ అసెంబ్లీ ఎన్నికలకు సంబంధించి ఓట్ల లెక్కింపు కొనసాగుతోంది. ఓట్ల లెక్కింపు ట్రెండ్స్ ఆమ్ ఆద్మీ పార్టీ పనితీరు పేలవంగా ఉందని చూపిస్తున్నాయి. ఢిల్లీలో ప్రభుత్వాన్ని ఏర్పాటు చేసేందుకు అవసరమైన మెజారిటీ కన్నా చాలా వెనుకబడి ఉండగా.. ఎగ్జిట్ పోల్ ఫలితాల ప్రకారం.. 27 ఏళ్ల తర్వాత ఢిల్లీలో ప్రభుత్వాన్ని ఏర్పాటు చేసే దిశగా బీజేపీ అడుగులు వేస్తున్నట్లు కనిపిస్తోంది. అన్నింటికంటే, ఆప్ పతనం వెనుక ఉన్న కారణాలు ఏంటి? అనేది ఇప్పుడు వివరంగా తెలుసుకుందాం.
Read Also : Delhi Election Results : ఆప్‌కు బిగ్ షాక్.. అరవింద్ కేజ్రీవాల్ ఓటమి.. బీజేపీ పర్వేష్ వర్మ చేతిలో పరాజయం
గత ఎన్నికలతో పోలిస్తే.. ఆమ్ ఆద్మీ పార్టీ పనితీరు చాలా దారుణంగా ఉంది. 2015లో ఆమ్ ఆద్మీ పార్టీ 67 సీట్లు గెలుచుకుంది. కానీ, 2020లో ఈ సంఖ్య 62కి తగ్గింది. మరోవైపు, బీజేపీ 2015లో 3 సీట్లు, 2020లో 8 సీట్లు గెలుచుకుంది. ఈసారి కమలం పార్టీ సీట్లు గణనీయంగా పెరగబోతున్నాయి. ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీ (ఆప్) పేలవమైన ప్రదర్శన వెనుక అనేక ప్రధాన కారణాలు ఉన్నాయి.
1. అవినీతి ఆరోపణలు, చట్టపరమైన సమస్యలు :
పార్టీ అగ్ర నాయకులపై, ముఖ్యంగా అరవింద్ కేజ్రీవాల్, మనీష్ సిసోడియా, సత్యేంద్ర జైన్‌లపై అవినీతి ఆరోపణలు, అరెస్టులు పార్టీ ప్రతిష్టను తీవ్రంగా దెబ్బతీశాయి. ఈ చట్టపరమైన వివాదాలు ఆప్ అవినీతి వ్యతిరేక ప్రతిష్టను బలహీనపరిచాయి. అప్పుడు కేజ్రీవాల్ తన వాగ్దానాలను కూడా నెరవేర్చలేదు. యమునా నదిని శుభ్రపరచడం, ఢిల్లీ రోడ్లను పారిస్ లాగా తీర్చిదిద్దడం, పరిశుభ్రమైన నీటిని అందించడం వంటి కేజ్రీవాల్ ఇచ్చిన మూడు ప్రధాన వాగ్దానాలు నెరవేరలేదు.
2. నాయకత్వ అస్థిరత :
కేజ్రీవాల్ అరెస్టు, ఆ తర్వాత రాజీనామా పార్టీ నాయకత్వంలో అస్థిరతకు దారితీసింది. కొత్త ముఖ్యమంత్రిగా అతిషి నియమితులైనప్పటికీ, నాయకత్వ మార్పు పార్టీకి సవాలుగా మారింది. అతి పెద్ద విషయం ఏమిటంటే.. అరవింద్ కేజ్రీవాల్ విశ్వసనీయత విపరీతంగా తగ్గింది.
3. కాంగ్రెస్ ఓట్లను విభజించింది :
వాస్తవానికి, సీట్ల పరంగా ఢిల్లీలో కాంగ్రెస్ ఒక సీటు మాత్రమే గెలుచుకోవచ్చు. కానీ, హర్యానా అసెంబ్లీ ఎన్నికల్లో ఆప్ కాంగ్రెస్‌తో ఉన్నట్టుగానే అది మొత్తం ఢిల్లీలో ఆమ్ ఆద్మీ పార్టీ ఓట్లను విభజించింది. 2013 తర్వాత, కాంగ్రెస్ ఓటు బ్యాంకు ఆమ్ ఆద్మీ పార్టీ వైపు మళ్లింది.
అందుకే, కాంగ్రెస్ తిరిగి రావడం వల్ల ఆప్ నష్టపోతోంది. అలాగే, 2024 లోక్‌సభ ఎన్నికల్లో ఢిల్లీలోని 7 సీట్లనూ కోల్పోవడం, పంజాబ్‌లో కేవలం 3 సీట్లలో మాత్రమే విజయం సాధించడం వల్ల పార్టీ మద్దతు క్షీణించిందని, ఇది ఓటర్ల విశ్వాసం తగ్గడానికి దారితీసింది.
Read Also : Parvesh Sahib Singh Verma : ఎవరీ పర్వేష్ వర్మ? కేజ్రీవాల్‌ను ఢిల్లీలో మట్టికరిపించిన బీజేపీ నేత..!
4. అంతర్గత కలహాలు, రాజీనామాలు :
పార్టీ లోపల అంతర్గత కలహాలు, కైలాష్ గెహ్లాట్, రాజ్ కుమార్ ఆనంద్ వంటి ప్రముఖ నేతలు ఆప్ పార్టీని వీడి రాజీనామాలు చేయడంతో పాటు సంస్థాగత బలహీనతను బహిర్గతం చేశాయి. ఇది కూడా ఆప్ పతనానికి ఒక కారణంగా చెప్పవచ్చు.
5. ప్రతిపక్ష పార్టీల ఆరోపణల ప్రభావం :
ఆప్‌పై వచ్చిన అవినీతి ఆరోపణలను ప్రతిపక్ష పార్టీలు, ఆ పార్టీ విశ్వసనీయతను ప్రశ్నించడానికి ఉపయోగించుకున్నాయి. పార్టీ ప్రతిష్టను మరింత దెబ్బతీసింది. మహిళలు, కొత్త ఓటర్లు ఆప్ వైపు ఆసక్తి చూపలేదు. దాంతో కేజ్రీవాల్ ఇమేజ్ దెబ్బతిని ఢిల్లీ ప్రజలకు దూరమయ్యాడు.
