Online Biscuit : రిమోట్ కారు బొమ్మ ఆర్డరిస్తే ‘parle-G’ బిస్కెట్ ప్యాకెట్ వచ్చింది..ఇక టీ పెట్టుకోవాలి

Online Biscuit

man Online gets ‘parle-G’ biscuit packet: ఆన్ లైన్ లో ఆర్డర్ ఇచ్చినవాటికి బదులుగా ఏవేవో రావటం అవి సోషల్ మీడియాలో వైరల్ కావటంతో జరుగుతోంది.ఈక్రమంలో ఓ వ్యక్తి ఓ రిమోట్ కంట్రోల్ కారు బొమ్మ ఆర్డరిస్తే డెలివరీ ప్యాకింగ్ లో ‘పార్లే-జీ’ బిస్కెట్ ప్యాకెట్ రావటం చూసి షాక్ అయ్యాడు..

దేశరాజధాని ఢిల్లీలోని భగవాన్ నగర్ ఆశ్రమ్ ప్రాంతానికి చెందిన విక్రమ్ బురాగోహైన్ అనే వ్యక్తి ప్రముఖ ఈ-కామర్స్ వెబ్‌సైట్ అమెజాన్‌లో పిల్లలు ఆడుకునే ఓ రిమోట్ కంట్రోల్ కారు ఆర్డరిచ్చారు.డెలివరీ ఇస్తానన్న డేట్ కు అంటే గత సోమవారం (జూన్21,2021) ప్యాకింగ్ కూడా వచ్చింది.దాన్ని విప్పి చూడగా..‘పార్లే-జీ’ బిస్కెట్ ప్యాకెట్ ఉండటం చూసి షాక్ అయ్యాడు. ఈ విషయాన్ని విక్రమ్ తన సోషల్ మీడియాలో పోస్ట్ చేయటంతో అదికాస్తా వైరల్ అయ్యింది.

దానికి విక్రమ్ కూడా ఫన్నీగా ‘అమెజాన్‌లో ఆర్డరిచ్చిన దానికి బదులు పార్లే-జీ బిస్కెట్ ప్యాకెట్ వస్తే.. ఇక చాయ్ పెట్టుకోవాలి’’ అంటూ జోక్ చేశాడు.దానికి నెటిజన్లు మాత్రం ఊరుకుంటారా? ఏదోక ఫన్నీ కామెంట్ పెడతారుగా..అలా ఓ నెటిజన్ ‘‘పిల్లాడే కదా తీసుకునేది.. పార్లే-జీ పంపితే సరిపోతుంది అనుకున్నారేమో?’’ అంటూ కామెంట్ పెట్టారు. మరొకరు సరేలే ఏం చేస్తాం..ఇక వెళ్లి చాయ్ పెట్టుకో అంటూ సలహాలు..కాగా దీనిపై విక్రమ్ అమెజాన్‌కు ఫిర్యాదు చేశానని..వాళ్లు కూడా వెంటనే స్పందించి తను చెల్లించిన డబ్బుని రిఫండ్ చేస్తామని చెప్పారని చెప్పుకొచ్చాడు.