Covaxin Update: ప్రమాదకరమైన డెల్టా వేరియంట్‌పై కోవాక్సిన్ సమర్థవంతంగా పనిచేస్తుంది
కరోనా సెకండ్ వేవ్ తగ్గుముఖం పట్టినా కూడా మూడో వేవ్ గురించి వస్తున్న వార్తలు సామాన్య ప్రజానికాన్ని కంటి మీద కునుకు లేకుండా చేస్తున్నాయి. భారత్లో కరోనా సెకండ్వేవ్కు కారణమైన డెల్టా వేరియంట్ బలహీనపడినా.. డెల్టా ప్లస్ వేరియంట్‌గా రూపాంతరం చెంది, ఇబ్బంది పెట్టనుంది అంటూ వార్తలుయ వస్తున్నాయి.
- Published By: 10TV Digital Team ,Published On : June 30, 2021 / 07:55 PM IST
Covaxin Update
Covaxin Update: కరోనా సెకండ్ వేవ్ తగ్గుముఖం పట్టినా కూడా మూడో వేవ్ గురించి వస్తున్న వార్తలు సామాన్య ప్రజానికాన్ని కంటి మీద కునుకు లేకుండా చేస్తున్నాయి. భారత్లో కరోనా సెకండ్వేవ్కు కారణమైన డెల్టా వేరియంట్ బలహీనపడినా.. డెల్టా ప్లస్ వేరియంట్‌గా రూపాంతరం చెంది, ఇబ్బంది పెట్టనుంది అంటూ వార్తలుయ వస్తున్నాయి. ప్రస్తుతానికి ఈ వేరియంట్ ప్రభావం ప్రజలపై పెద్దగా లేకపోయినా.. రాబోవు కాలంలో దీని ప్రభివం ఉంటుందంటూ వార్తలు వస్తున్నాయి. ఇటువంటి సమయంలో భారత్‌కు ఊరట కలిగించే వార్త ఒకటి బయటకు వచ్చింది.
అమెరికా వైద్యనిపుణులు చెప్పినదాని ప్రకారం.. భారతదేశ స్వదేశీ కరోనా వ్యాక్సిన్, కోవాక్సిన్ డెల్టా ప్లస్ వేరియంట్‌ను తటస్థం చెయ్యడంలో ప్రభావవంతంగా పనిచేస్తుందని యూఎస్ నేషనల్ ఇన్స్టిట్యూట్ ఆఫ్ హెల్త్(ఎన్ఐహెచ్) వివరించింది. అమెరికన్ సంస్థ ప్రకారం, కోవాక్సిన్ ఆల్ఫా వేరియంట్‌కు వ్యతిరేకంగా కూడా ప్రభావవంతంగా ఉంటుంది.
కోవాక్సిన్ తీసుకున్న వ్యక్తులపై అధ్యయనం:
కోవాక్సిన్ తీసుకున్న వ్యక్తుల బ్లడ్ సీరంపై రెండు అధ్యయనాలు జరిగాయని ఎన్ఐహెచ్ తెలిపింది. రెండు అధ్యయనాలలో ఆల్ఫా అనగా B.1.1.7 మరియు డెల్టా అనగా B.1.617 వేరియంట్‌లను రెండింటినీ సమర్థవంతంగా నిర్వీర్యం చేసే బలమైన ప్రతిరోధకాలను కోవాక్సిన్ ఉత్పత్తి చేస్తుందని వెల్లడించారు. అమెరికా అత్యున్నత ఆరోగ్య పరిశోధనా సంస్థకు భారతదేశంతో సైన్స్ రంగంలో సన్నిహిత సంబంధాలు ఉన్నాయి.
ప్రపంచంలో 25 మిలియన్ల కోవాక్సిన్:
ఇప్పటివరకు, భారతదేశంతో సహా ప్రపంచంలోని వివిధ దేశాలలో 25 మిలియన్లకు పైగా ప్రజలకు కోవాక్సిన్ ఇవ్వబడింది. వ్యాక్సిన్ రోగనిరోధక శక్తిని బలోపేతం చేయడానికి, దాని ప్రభావాన్ని పెంచడానికి సహాయకులు అభివృద్ధి చేస్తున్నారు. ఇండియన్ కౌన్సిల్ ఆఫ్ మెడికల్ రీసెర్చ్(ICMR) మరియు పూణే నేషనల్ ఇన్స్టిట్యూట్ ఆఫ్ వైరాలజీ (ఎన్‌ఐవి) సహకారంతో హైదరాబాద్‌కు చెందిన భారత్ బయోటెక్ కోవాక్సిన్‌ను అభివృద్ధి చేసింది. ఈ సంస్థ భారతదేశంతో పాటు ఇతర దేశాలలో వ్యాక్సిన్‌ను పంపిణీ చేస్తోంది.
