Women Reservation Bill: మహిళా రిజర్వేషన్ 2029లోనే ఎందుకు అమలు చేస్తారో రాజ్యసభలోనే సమాధానం ఇచ్చిన జేపీ నడ్డా
పంచాయతీ ఎన్నికలు, జిల్లా పంచాయతీ ఎన్నికల్లో తక్షణమే మహిళా రిజర్వేషన్ బిల్లును ఆమోదించినప్పుడు.. ఇప్పుడు మహిళా రిజర్వేషన్ బిల్లును ఎందుకు ఆమోదించలేకపోతున్నారని కాంగ్రెస్‌ అధ్యక్షుడు మల్లికార్జున్‌ ఖర్గే ప్రశ్నించారు
- Published By: 10TV Digital Team ,Published On : September 21, 2023 / 03:47 PM IST
Rajyasbha: పార్లమెంటు ఎగువ సభ అయిన రాజ్యసభలో గురువారం మహిళా రిజర్వేషన్ బిల్లు ‘నారీ శక్తి వందన్’పై భారతీయ జనతా పార్టీ జాతీయ అధ్యక్షుడు జేపీ నడ్డా బహిరంగంగానే తమ అభిప్రాయాలను వెల్లడించారు. ఈ బిల్లును ఇంకా ఎందుకు అమలు చేయలేకపోతున్నారంటూ విపక్షాలు నిలదీస్తున్న తరుణంలో, దీని వెనుక ప్రభుత్వ కారణాన్ని పార్లమెంటు వేదికగానే ఆయన వెల్లడించారు. అలాగే ఈ బిల్లును 2029 సంవత్సరంలోనే ఎందుకు అమలు చేస్తారో కూడా చెప్పారు.
సభలో జేపీ నడ్డా మాట్లాడుతూ, ‘‘ఈ బిల్లును ఇప్పుడే అమలు చేయాలని చర్చలు జరుగుతున్నాయి. ఈ బిల్లును అమలు చేయడంలో ఎందుకు జాప్యం జరుగుతోంది? దానికి రాజ్యాంగబద్ధంగా కొన్ని ఏర్పాట్లున్నాయి. రాజ్యాంగ మార్గాల ద్వారా పని చేసే విధానం ఉంది. అంతిమంగా మహిళలకు రిజర్వేషన్లు కల్పించాలి. ఇప్పుడు ఏ సీటుకు రిజర్వేషన్‌ను ఎవరు నిర్ణయిస్తారనే ప్రశ్న తలెత్తుతోంది. దీనిపై ప్రభుత్వం నిర్ణయం తీసుకోలేదు. దీని కోసం ఒక వ్యవస్థ ఉంది’’ అని అన్నారు.
Justin Trudeau : జీ20 సమ్మిట్‌లో బసకి ప్రత్యేక గదిని నిరాకరించిన కెనడా ప్రధాని.. కారణం అదేనట..!
‘‘నేను ప్రభుత్వంలో ఉన్నాను. వాయనాడ్, అమేథీ, రాయ్‌బరేలీ, కలబురగికి దారి ఇస్తే ఎలా ఉంటుంది? దీనికి రెండు విషయాలు అవసరం. మొదటిది జనాభా గణన చేయాలి. సీట్లను సంఖ్యను విశ్లేషణ చేయాలి. దీని తర్వాత దానిని ముందుకు తీసుకెళ్లాలి. సీట్లు పెంచమని కొందరు అంటున్నారు. సీట్లు పెరిగితే 33 శాతం కూడా పెరుగుతుంది. ఈరోజు మీరు ఈ బిల్లును ఆమోదిస్తే 2029లో మన దేశంలోని రిజర్వ్‌డ్ స్థానాల్లో మహిళలు విజయం సాధిస్తారు. ఈ రోజు ఈ బిల్లు ఆమోదం పొందకపోతే 2029లో రిజర్వేషన్ మహిళలు సభకు రాలేరు. అందువల్ల మనం వెళ్లవలసిన ఏకైక మార్గం ఇదే’’ అని నడ్డా అన్నారు.
ఇదిలా ఉంటే.. పంచాయతీ ఎన్నికలు, జిల్లా పంచాయతీ ఎన్నికల్లో తక్షణమే మహిళా రిజర్వేషన్ బిల్లును ఆమోదించినప్పుడు.. ఇప్పుడు మహిళా రిజర్వేషన్ బిల్లును ఎందుకు ఆమోదించలేకపోతున్నారని కాంగ్రెస్‌ అధ్యక్షుడు మల్లికార్జున్‌ ఖర్గే ప్రశ్నించారు. ‘‘రేపు చేసేది, ఈరోజే చేయండి.. ఈరోజు చేసేది, ఇప్పుడే చేయండి. క్షణాల్లో విపత్తు వస్తుంది, మళ్లీ ఎప్పుడు చేస్తారు?’’ అంటూ ఖర్గే నిలదీశారు.
