కేరళ ‘ఐరన్ లేడీ’ కేఆర్ గౌరీ కన్నుమూత

కేరళ రాజకీయాల్లో ఐరన్ లేడీ'గా పిలువబడే దిగ్గజ కమ్యూనిస్ట్ కేఆర్ గౌరీ మంగళవారం ఇక్కడ ఒక ప్రైవేట్ ఆసుపత్రిలో కన్నుమూశారని కుటుంబ సభ్యులు తెలిపాయి. ఆమె వయసు 102

Gowri

Kerala Iron Lady:’కేరళ రాజకీయాల్లో ఐరన్ లేడీ’గా పిలువబడే దిగ్గజ కమ్యూనిస్ట్ కేఆర్ గౌరీ మంగళవారం ఇక్కడ ఒక ప్రైవేట్ ఆసుపత్రిలో కన్నుమూశారని కుటుంబ సభ్యులు తెలిపాయి. ఆమె వయసు 102 సంవత్సరాలు.. గత కొంతకాలంగా వయసు సంబంధిత వ్యాధులతో బాధపడుతున్న ఆమె ఇటీవల ఆసుపత్రిలో చేరారు. అయితే ఆరోగ్యం విషమించడంతో మంగళావారం తుదిశ్వాస విడిచారు.

ఆమె 1957 లో కమ్యూనిస్ట్ లెజెండ్ ఇఎంఎస్ నంపూతిరిపాడ్ నేతృత్వంలోని ప్రపంచంలోని మొట్టమొదటి ప్రజాస్వామ్యయుతంగా ఎన్నుకోబడిన కమ్యూనిస్ట్ ప్రభుత్వ మంత్రివర్గంలో సభ్యురాలుగా ఉన్నారు. మొదటి కేరళ శాసనసభ నుండి 1977 వరకు ఆమె ప్రజాప్రతినిధిగా ఉన్నారు. మొత్తం ఆరు క్యాబినెట్లలో 16 సంవత్సరాలు రాష్ట్ర మంత్రిగా ఉన్నారు. 1952లో ట్రావెన్కోర్-కొచ్చిన్ శాసనసభకు ఎన్నిక కావడంతో గౌరీ రాజకీయ జీవితం ప్రారంభమైంది. కాగా భూ సంస్కరణ బిల్లు విషయంలో ఆమె చేసిన పోరాటం కేరళ ప్రజలకు సుపరిచితం.