ఇది సినిమా కాదు.. భర్తలను మార్చుకున్న అక్కాచెల్లెళ్లు.. అక్కడితోనూ ఆగకుండా.. దేవుడా…

ఆమె తన చెల్లి భర్తతో (మరిదితో) సంసారం కొనసాగిస్తోంది. బావతో పారిపోయిన మహిళ తిరిగి ఇంటికి వచ్చింది.

Representative image

Sisters Swap Husbands: నేటి తరం యువత తీరు సమాజంలోని మానవ సంబంధాలు, నైతిక విలువలను మంటగలిపేలా ఉంటోంది. ఇష్టం వచ్చినట్లు ప్రవర్తిస్తూ తల్లిదండ్రులను తలెత్తుకోనివ్వకుండా చేస్తున్నారు.

ఓ తండ్రి తన ఇద్దరు కూతుళ్లకు సంబంధాలు చూసి పెళ్లి చేసి పంపగా, ఆ ఇద్దరు యువతులు తమ భర్తలతో కొన్నాళ్లు కాపురం చేసి, పిల్లలను కని, ఆ తర్వాత భర్తలను మార్చుకున్నారు. అక్కడితోనూ ఆగకుండా పిల్లలను కూడా మార్చుకున్నారు. (Sisters Swap Husbands)

ఈ ఘటన ఉత్తరప్రదేశ్‌లోని లలిత్‌పూర్‌ జిల్లాలో చోటుచేసుకుంది. పాలి పోలీస్‌ స్టేషన్‌ పరిధిలోని ఓ చిన్న గ్రామంలో ఓ తండ్రి తన ఇద్దరు కూతుళ్లకు పదేళ్ల క్రితం సంబంధాలు చూసి పెళ్లి చేశాడు.

Also Read: తప్పు చేస్తే ఒప్పేదే లే.. ఏపీ నకిలీ లిక్కర్‌ కేసులో ట్విస్ట్ ఏంటి? సెగలు కక్కుతున్న కేసు వ్యవహారం

ఆ అక్కాచెల్లెళ్లలో చెల్లి తన అక్క భర్తతో ప్రేమలో పడింది. వీరిద్దరి మధ్య సాన్నిహిత్యం పెరిగి, ఏడు నెలల క్రితం భర్త, పిల్లలను వదిలి బావతో ఇంటి నుంచి వెళ్లిపోయింది. వీరిద్దరూ పెళ్లి చేసుకుని కలిసి జీవిస్తుండగా, ఈ విషయం తెలుసుకున్న ఆమె అక్క కూడా ఎవరూ ఊహించని నిర్ణయం తీసుకుంది.

ఆమె తన చెల్లి భర్తతో (మరిదితో) సంసారం కొనసాగిస్తోంది. బావతో పారిపోయిన మహిళ తిరిగి ఇంటికి వచ్చింది. భర్తలను మార్చుకుని జీవించాలని ఆ అక్కాచెల్లెళ్లు నిర్ణయం తీసుకున్నారు. ఆ ఇద్దరు అక్కాచెల్లెళ్లు మాట్లాడుకుని పిల్లల్నీ మార్చుకోవాలని అనుకున్నారు. అక్క తన ముగ్గురు పిల్లలను చెల్లికి ఇచ్చింది. చెల్లి తన ఇద్దరు పిల్లలను అక్కకు ఇచ్చింది.

చెల్లి తన కొత్త భర్తతో అంటే మరిదితో తండ్రి ఇంటికి చేరడంతో ఈ వ్యవహారం బయటపడింది. ఆ అక్కాచెల్లెళ్ల కుటుంబం నిజం తెలిసి ఆశ్చర్యపోయింది. తండ్రి కోపంతో తన కుమార్తెను ఇంటి నుంచి వెళ్లగొట్టాడు.

ఈ వ్యవహారం పోలీసుల దృష్టికి చేరలేదు. ఎవరూ ఎటువంటి ఫిర్యాదు చేయలేదు. స్థానికులు దీన్ని ఆ కుటుంబ అంతర్గత వ్యవహారం అని అంటున్నారు.