NEET 2021 : సెప్టెంబర్ 12 న నీట్ ఎగ్జామ్

దేశవ్యాప్తంగా సెప్టెంబర్‌ 12న కోవిడ్ భద్రతా నిబంధనల మధ్య ఎగ్జామ్ నీట్‌ (UG)2021 ఎగ్జామ్ నిర్వహించనున్నట్లు కేంద్ర విద్యాశాఖ మంత్రి ధర్మేంద్ర ప్రధాన్ సోమవారం ప్రకటించారు.

NEET 2021 దేశవ్యాప్తంగా సెప్టెంబర్‌ 12న కోవిడ్ భద్రతా నిబంధనల మధ్య నీట్‌ (UG)2021 ఎగ్జామ్ నిర్వహించనున్నట్లు కేంద్ర విద్యాశాఖ మంత్రి ధర్మేంద్ర ప్రధాన్ సోమవారం ప్రకటించారు. మంగళవారం(జూన్-12,2021) సాయంత్రం 5 గంటల నుంచి దరఖాస్తుల ప్రక్రియ ప్రారంభమవుతుందని పేర్కొన్నారు. జాతీయ టెస్టింగ్ ఏజెన్సీ వెబ్‌సైట్ ద్వారా అప్లికేషన్లను స్వీకరిస్తామని విద్యాశాఖ మంత్రి తెలిపారు.

భౌతిక దూరం నిబంధనల మేరకు ఈ పరీక్ష నిర్వహించే పట్టణాల సంఖ్యను 155 నుంచి 198కి పెంచినట్లు మంత్రి తెలిపారు. అదేవిధంగా గతేడాది 3862ఉన్న పరీక్షా కేంద్రాలను కూడా పెంచనున్నట్లు చెప్పారు. ఎగ్జామ్ సెంటర్ ల వద్ద విద్యార్థులందరికీ మాస్క్ లు ఇస్తామని,శానిటైజర్లు అందుబాటులో ఉంచనున్నట్లు ధర్మేంద్ర ప్రధాన్ తెలిపారు.

వాస్తవానికి షెడ్యూల్ ప్రకారం ఎంబీబీఎస్, ఎండీఎస్ కోర్సుల్లో ప్రవేశాలకు నిర్వహించే ఈ నీట్ పరీక్ష ఆగస్టు 1 జరగాల్సి ఉంది. కానీ కరోనా కారణంగా వాయిదాపడిన విషయం తెలిసిందే. నీట్ ఎగ్జామ్ లో వచ్చిన మార్కుల ఆధారంగా ఆయా మెడికల్ కాలేజీల్లో అభ్యర్థులకు సీట్లను కేటాయిస్తారు.