వైసీపీ నుంచి నన్ను బహిష్కరించండి
వైసీపీ నేత, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి చిక్కుల్లో పడ్డారు. మహిళా ఎంపీడీవోపై దౌర్జన్యం కేసులో పోలీసులు ఆయనను అరెస్ట్ చేశారు. తన ఇంటికి వచ్చి దౌర్జన్యం
- Published By: veegamteam ,Published On : October 6, 2019 / 03:17 AM IST
వైసీపీ నేత, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి చిక్కుల్లో పడ్డారు. మహిళా ఎంపీడీవోపై దౌర్జన్యం కేసులో పోలీసులు ఆయనను అరెస్ట్ చేశారు. తన ఇంటికి వచ్చి దౌర్జన్యం
వైసీపీ నేత, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి చిక్కుల్లో పడ్డారు. మహిళా ఎంపీడీవోపై దౌర్జన్యం కేసులో పోలీసులు ఆయనను అరెస్ట్ చేశారు. తన ఇంటికి వచ్చి దౌర్జన్యం చేశారని, వాటర్ పైప్ లైన్ కనెక్షన్ కోసం బెదిరించారని వెంకటాచలం ఎంపీడీవో సరళ పోలీసులకు ఫిర్యాదు చేశారు. కేసు నమోదు చేసిన పోలీసులు ఎమ్మెల్యేని అరెస్ట్ చేశారు. నెల్లూరు ప్రభుత్వ ఆసుపత్రిలో ఆయనకు వైద్య పరీక్షలు నిర్వహించారు. ఆ తర్వాత రూరల్ పోలీస్ స్టేషన్ కి తరలించారు.
ఎంపీడీవో ఆరోపణలపై ఎమ్మెల్యే కోటంరెడ్డి స్పందించారు. ఎంపీడీవో ఆరోపణలను ఆయన ఖండించారు. తాను ఎవరినీ బెదిరించ లేదన్నారు. ఎలాంటి తప్పు చేయలేదన్నారు. వాటర్ పైప్ లైన్ కనెక్షన్ కోసం ఎంపీడీవో సరళకు ఫోన్ మాత్రమే చేశానని, ఆమె ఇంటికి వెళ్లలేదని వివరించారు. సరళ ఇంటిపై దౌర్జన్యం చేశానన్నది అవాస్తవం అన్న ఎమ్మెల్యే కోటంరెడ్డి.. దీనిపై ఉన్నతస్థాయి కమిటీతో విచారణ జరిపించాలన్నారు. తప్పు చేశానని తేలితే తనను పార్టీ నుంచి బహిష్కరించాలన్నారు. ఈ కేసు వెనుక రాజకీయ కుట్ర దాగి ఉందని కోటంరెడ్డి ఆరోపించారు.
తన ఇంటిపై కోటంరెడ్డి శ్రీధర్‌రెడ్డి దౌర్జన్యానికి పాల్పడ్డారని వెంకటాపురం ఎంపీడీవో సరళ ఆరోపించారు. గొలగమూడి దగ్గర ఉన్న ఓ లేఔట్‌కు నీటి కనెక్షన్ మంజూరు చేయలేదన్న కోపంతో… ఎమ్మెల్యే తనను దుర్భాషలాడారని వాపోయారు. తన ఇంటి విద్యుత్‌, కేబుల్‌ కనెక్షన్లను తొలగించారని…. నీటి పైపులను తీసివేసేందుకు గుంతలను తవ్వించారని సరళ ఆరోపించారు. కోటంరెడ్డి దౌర్జన్యంపై పోలీసులకు ఫిర్యాదు చేయడానికి వెళ్లిన ఎంపీడీవో సరళ… అక్కడా తనకు న్యాయం జరగలేదని ఆరోపించారు. ఫిర్యాదు చేయడానికి వెళ్తే.. పట్టించుకున్న వారు లేరని వాపోయారు. నిరసనగా స్టేషన్ ముందే బైఠాయించారు. ఆమెకు గ్రామ కార్యదర్శులు సంఘీభావం తెలిపారు. చివరకు ఎంపీడీవో సరళ ఫిర్యాదుతో కోటంరెడ్డి శ్రీధర్‌రెడ్డిపై నెల్లూరు రూరల్ పోలీస్ స్టేషన్‌లో కేసు నమోదైంది. కోటంరెడ్డితో పాటు అనుచరుడు శ్రీకాంత్‌రెడ్డిపైనా కేసు నమోదు చేశారు. కోటంరెడ్డిపై 448, 506, 290 సెక్షన్ల కింద.. శ్రీకాంత్‌రెడ్డిపై 290, 506, 448, 427 సెక్షన్ల కింద కేసు నమోదు చేశారు.
నెల్లూరు జిల్లాలో మహిళా అధికారిపై రూరల్ ఎమ్మెల్యే కోటంరెడ్డి దౌర్జన్యం చేయడం రాజకీయ రంగు పులుముకుంది. కోటంరెడ్డి ప్రవర్తనపై ప్రతిపక్ష నేతలు విరుచుకుపడ్డారు. నిజాయితీగా ఉన్న మహిళా అధికారిపై వైసీపీ ఎమ్మెల్యే దౌర్జన్యం చేశారని టీడీపీ చీఫ్ చంద్రబాబు ధ్వజమెత్తారు. న్యాయం కోసం మహిళా అధికారి పోలీస్ స్టేషన్‌కు వెళ్తే పోలీసులు కేసు తీసుకోవడానికే జంకారంటే పోలీసింగ్ ఉన్నట్టా? లేనట్టా? అని తీవ్రంగా మండిపడ్డారు.
ఈ ఘటనపై ఆరా తీశారు సీఎం జగన్‌. ఢిల్లీ నుంచి తిరిగొచ్చిన తర్వాత డీజీపీని అడిగి వివరాలు తెలుసుకున్నారు. చట్టం ముందు అందరూ సమానమేనని డీజీపీకి స్పష్టం చేసిన సీఎం.. ఆధారాలుంటే చట్ట ప్రకారం ఏ చర్యకైనా వెనుకాడొద్దని ఆదేశించారు.
