Abrar Ahmed
పాకిస్థాన్ స్పిన్ బౌల‌ర్ అబ్రార్ అహ్మద్ అరుదైన ఘ‌న‌త సాధించాడు. అరంగ్రేట మ్యాచ్‌లో అత్య‌ధిక వికెట్లు తీసిన పాకిస్థాన్ బౌల‌ర్‌గా నిలిచాడు. జింబాబ్వేతో జరిగిన రెండో వన్డే మ్యాచ్ ద్వారా వన్డేల్లో అరంగ్రేటం చేసిన ఈ ఆట‌గాడు తొలి మ్యాచ్‌లో అద‌ర‌గొట్టాడు. నాలుగు వికెట్లు తీశాడు. ఈ క్ర‌మంలో ఎలైట్ లిస్ట్‌గా చోటు ద‌క్కించుకున్నాడు.
వన్డే అరంగ్రేట మ్యాచులో అత్య‌ధిక వికెట్లు తీసిన పాక్ బౌల‌ర్ల‌లో అబ్దుల్ ఖాదిర్ తో క‌లిసి సంయుక్తంగా తొలి స్థానంలో నిలిచాడు. 1984లో న్యూజిలాండ్‌తో జరిగిన వన్డేలో అబ్దుల్ ఖాదిర్ కూడా తన అరంగేట్రంలో 4 వికెట్లు ప‌డ‌గొట్టాడు. వీరిద్ద‌రితో పాటు జాకిర్‌ ఖాన్, సర్ఫరాజ్‌ నవాజ్‌ కూడా పాక్ తరఫున వన్డే అరంగేట్రంలో నాలుగు వికెట్లు తీశారు.
Prithvi Shaw : ఐపీఎల్ మెగావేలం త‌రువాత.. పృథ్వీ షా పాత వీడియో వైర‌ల్‌..
వన్డే అరంగ్రేట మ్యాచులో అత్య‌ధిక వికెట్లు తీసిన పాక్ బౌల‌ర్లు..
జాకీర్ ఖాన్ – 1984లో న్యూజిలాండ్ పై – 4 వికెట్లు
అబ్దుల్ ఖాదిర్ – 1984లో న్యూజిలాండ్ పై – 4 వికెట్లు
అబ్రార్ అహ్మద్ – 2024లో జింబాబ్వే పై – 4 వికెట్లు
ఇక మ్యాచ్ విష‌యానికి వ‌స్తే.. ఈ మ్యాచ్‌లో పాకిస్థాన్ 10 వికెట్ల తేడాతో ఘ‌న విజ‌యం సాధించింది. త‌ద్వారా తొలి వన్డేలో ఓట‌మికి ప్ర‌తీకారం తీర్చుకుంది. ఈ మ్యాచ్‌లో మొద‌ట బ్యాటింగ్‌ చేసిన జింబాబ్వే 32.3 ఓవర్లలో 145 పరుగులకే కుప్ప‌కూలింది. అనంత‌రం సైమ్ అయూబ్ విధ్వంస‌క‌ర శ‌త‌కంతో పాక్ 18.2 ఓవర్లలో వికెట్ న‌ష్ట‌పోకుండా విజ‌యాన్ని అందుకుంది. సైమ్ అయూబ్ 62 బంతుల్లో 17 ఫోర్లు, 3 సిక్స‌ర్లు బాది 113 ప‌రుగుల‌తో నాటౌట్‌గా నిలిచాడు. పాక్ తరఫున వన్డేల్లో ఇది మూడో వేగ‌వంత‌మైన శ‌త‌కం.
IND vs AUS : గెలుపు జోష్‌లో ఉన్న భార‌త్ కు మ‌రో షాక్‌.. రెండో టెస్టుకు స్టార్ ప్లేయ‌ర్ దూరం!
