Rohit Sharma : రోహిత్ శర్మకు ప్రత్యేక జ్ఞాపిక.. సునీల్ గ‌వాస్క‌ర్ చేతుల మీదుగా అందుకున్న హిట్‌మ్యాన్‌..

ఛాంపియ‌న్స్ ట్రోఫీ 2025లో భార‌త్‌ను విజేత‌గా నిలిపినందుకు గానూ 27వ సియట్ క్రికెట్ రేటింగ్ అవార్డు ప్ర‌ధానోత్స‌వంలో ఓ ప్ర‌త్యేక అవార్డును రోహిత్‌ (Rohit Sharma)అందుకున్నారు.

Rohit Sharma : రోహిత్ శర్మకు ప్రత్యేక జ్ఞాపిక.. సునీల్ గ‌వాస్క‌ర్ చేతుల మీదుగా అందుకున్న హిట్‌మ్యాన్‌..

CEAT Cricket Rating Awards Rohit Sharma Receives Special memento

Updated On : October 8, 2025 / 10:47 AM IST

Rohit Sharma : ముంబైలో మంగ‌ళ‌వారం సాయంత్రం 27వ సియట్ క్రికెట్ రేటింగ్ (CCR) అవార్డుల ప్ర‌ధానోత్స‌వ కార్య‌క్ర‌మాన్ని ఘ‌నంగా నిర్వ‌హించారు. ప్ర‌పంచ వ్యాప్తంగా అత్యుత్త‌మ ప్ర‌ద‌ర్శ‌న క‌న‌బ‌రిచిన క్రికెట‌ర్ల‌కు ఈ వేడుక‌లో స‌త్క‌రించారు. ఈ వేడుక‌కు టీమ్ఇండియా మాజీ కెప్టెన్ రోహిత్ శ‌ర్మ (Rohit Sharma) హాజ‌రు అయ్యాడు. అత‌డు ఈ వేడుక‌కు ప్రధాన ఆకర్షణగా నిలిచారు.

రోహిత్ శ‌ర్మ నాయ‌క‌త్వంలో భార‌త్ వ‌రుస‌గా రెండు ఐసీసీ టైటిళ్లు గెలుచుకుంది. వెస్టిండీస్ వేదిక‌గా జ‌రిగిన టీ20 ప్ర‌పంచ‌క‌ప్ 2024తో పాటు దుబాయ్ వేదిక‌గా ఈ ఏడాది మార్చిలో జ‌రిగిన ఛాంపియ‌న్స్ ట్రోఫీ 2025ను భార‌త్ రోహిత్ కెప్టెన్సీలోనే అందుకుంది. ఇక్క‌డ విశేషం ఏంటంటే ఈ రెండు టోర్నీల్లోనూ భార‌త్ ఒక్క మ్యాచ్‌లో కూడా ఓడిపోలేదు. ఛాంపియ‌న్స్ ట్రోఫీ 2025 ఫైన‌ల్ మ్యాచ్‌లో రోహిత్ శ‌ర్మ76 ప‌రుగుల‌తో కీల‌క ఇన్నింగ్స్ ఆడాడు.

Prithvi Shaw : వార్నీ.. నువ్వు మారవా బ్రో.. మైదానంలో పృథ్వీషా రచ్చరచ్చ.. సహచరుడిపై బ్యాటుతో దాడికి యత్నం.. వీడియో వైరల్..

ఛాంపియ‌న్స్ ట్రోఫీ 2025లో భార‌త్‌ను విజేత‌గా నిలిపినందుకు గానూ 27వ సియట్ క్రికెట్ రేటింగ్ అవార్డు ప్ర‌ధానోత్స‌వంలో ఓ ప్ర‌త్యేక అవార్డును రోహిత్‌కు అందుకున్నారు. ఈ అవార్డును దిగ్గ‌జ ఆట‌గాడు సునీల్ గ‌వాస్క‌ర్ చేతుల మీదుగా రోహిత్ శ‌ర్మ అందుకున్నాడు.

కాగా.. వ‌న్డే కెప్టెన్సీ నుంచి రోహిత్ శ‌ర్మ‌ను తొల‌గించిన త‌రువాత ఓ ప‌బ్లిక్ ఈవెంట్‌లో రోహిత్ శ‌ర్మ క‌నిపించ‌డం ఇదే తొలిసారి.

Virat Kohli : ఆస్ట్రేలియాతో వ‌న్డే సిరీస్‌.. విరాట్ కోహ్లీని ఊరిస్తున్న భారీ రికార్డు.. 54 రన్స్ చేస్తే..

అవార్డులు అందుకుంది వీరే..

* ఛాంపియన్స్ ట్రోఫీ విజయానికి గుర్తుగా ప్రత్యేక అవార్డు – రోహిత్ శర్మ
* లైఫ్ టైమ్ అచీవ్‌మెంట్ అవార్డు – బ్రియాన్ లారా
* అంతర్జాతీయ క్రికెటర్ ఆఫ్ ది ఇయర్ – జో రూట్
* టీ20 బ్యాటర్ ఆఫ్ ది ఇయర్ – సంజూ శాంసన్
* టీ20 బౌలర్ ఆఫ్ ది ఇయర్ – వరుణ్ చక్రవర్తి
* సియట్ జియోస్టార్ అవార్డు – శ్రేయ‌స్ అయ్య‌ర్‌
* వ‌న్డే బ్యాటర్ ఆఫ్ ది ఇయర్ – కేన్ విలియమ్సన్
* వ‌న్డే బౌలర్ ఆఫ్ ది ఇయర్ – మ్యాట్ హెన్రీ
* సియ‌ట్ లైఫ్‌టైమ్ అచీవ్‌మెంట్ అవార్డు – బిఎస్ చంద్రశేఖర్
* మహిళల బ్యాటర్ ఆఫ్ ది ఇయర్ – స్మృతి మంధాన‌
* మహిళల బౌలర్ ఆఫ్ ది ఇయర్ – దీప్తి శర్మ
* ఎమర్జింగ్ ప్లేయర్ ఆఫ్ ది ఇయర్ – అంగ్రిష్ రఘువంశీ
* టెస్ట్ బౌలర్ ఆఫ్ ది ఇయర్ – ప్రభాత్ జయసూర్య
* టెస్ట్ క్రికెటర్ ఆఫ్ ది ఇయర్ – హ్యారీ బ్రూక్
* డొమెస్టిక్ క్రికెటర్ ఆఫ్ ది ఇయర్- హర్ష్ దూబే