SA20 : స‌ర‌దాగా మ్యాచ్ చూసేందుకు వెళితే.. కోటి రూపాయలు.. నీది మామూలు అదృష్టం కాదు సామీ..

ఈ ఘ‌ట‌న సౌతాఫ్రికా టీ20 లీగ్‌ 2025-26 సీజన్ ఆరంభ పోరులో (SA20) చోటు చేసుకుంది.

SA20 : స‌ర‌దాగా మ్యాచ్ చూసేందుకు వెళితే.. కోటి రూపాయలు.. నీది మామూలు అదృష్టం కాదు సామీ..

MI Cape Town vs Durban Super Giants Fan Gets more than one crore For Taking One Handed Catch In SA20 Contest

Updated On : December 28, 2025 / 11:11 AM IST

SA20 : ఇప్పుడు చెప్ప‌బోయే క్రికెట్ ఫ్యాన్ ది మామూలు అదృష్టం కాదండి బాబు. స‌ర‌దాగా అత‌డు క్రికెట్ మ్యాచ్ చూసేందుకు వెళితే కోటీ రూపాయ‌ల‌కు కంటే ఎక్కువ మొత్తాన్ని గెలుచుకున్నాడు. అది కూడా ఓ క్యాచ్ ప‌ట్టుకోవ‌డం ద్వారా. ఇది నిజంగా నిజం అండి బాబు. ఈ ఘ‌ట‌న సౌతాఫ్రికా టీ20 లీగ్‌ 2025-26 సీజన్ ఆరంభ పోరులో చోటు చేసుకుంది.

శుక్ర‌వారం కేప్‌టౌన్ వేదిక‌గా ఎంఐ కేప్‌టౌన్, డ‌ర్బ‌న్ సూప‌ర్ జెయింట్స్ జ‌ట్ల మ‌ధ్య మ్యాచ్ జ‌రిగింది. ఈ మ్యాచ్‌లో డ‌ర్బ‌న్ జ‌ట్టు తొలుత బ్యాటింగ్ చేసింది. నిర్ణీత 20 ఓవ‌ర్ల‌లో 5 వికెట్ల న‌ష్టానికి 232 ప‌రుగులు చేసింది. డ‌ర్బ‌న్ బ్యాట‌ర్ల‌లో డెవాన్ కాన్వే (64 ;33 బంతుల్లో 7 ఫోర్లు, 2 సిక్స‌ర్లు) హాఫ్ సెంచరీ చేయ‌గా కేన్ విలియ‌మ్స‌న్ (40; 25 బంతుల్లో 7 ఫోర్లు), ఐడెన్ మార్‌క్ర‌మ్ (35; 17 బంతుల్లో 5 ఫోర్లు, 1 సిక్స్‌) వేగంగా ఆడారు. ఎంఐ బౌల‌ర్ల‌లో జార్జ్ లిండే రెండు వికెట్లు తీశాడు.

ENG vs AUS : రెండు రోజుల్లోనే ముగిసిన మ్యాచ్‌.. క్రికెట్ ఆస్ట్రేలియాకు భారీ న‌ష్టం.. 10 కాదు 20 కాదు 60 కోట్ల‌కు పైగానే..

ఆ త‌రువాత 234 ప‌రుగుల ల‌క్ష్య ఛేద‌న‌లో ర్యాన్ రికల్టన్ (113; 63 బంతుల్లో 5 ఫోర్లు, 11 సిక్స‌ర్లు) మెరుపు శత‌కంతో చెల‌రేగ‌గా, జాసన్ స్మిత్ (41; 14 బంతుల్లో 4 ఫోర్లు, 3 సిక్స‌ర్లు) వేగంగా ఆడిన‌ప్ప‌టికి ఎంఐ జ‌ట్టు నిర్ణీత 20 ఓవ‌ర్ల‌లో 7 వికెట్ల న‌ష్టానికి 217 ప‌రుగుల‌కే ప‌రిమిత‌మైంది. డ‌ర్బ‌న్ బౌల‌ర్ల‌లో ఈథన్ బోష్ నాలుగు వికెట్లు ప‌డ‌గొట్టాడు.

సింగిల్ హ్యాండ్ క్యాచ్ అందుకున్న ఫ్యాన్‌..

ఈ మ్యాచ్‌లో ఎంఐ ఇన్నింగ్స్ 13వ ఓవ‌ర్‌లో ఈ ఘ‌ట‌న చోటు చేసుకుంది. ఈ ఓవ‌ర్‌ను డ‌ర్బ‌న్ బౌల‌ర్ క్వెనా మఫాకా వేశాడు. ఈ ఓవ‌ర్‌లోని నాలుగో బంతికి రిక‌ల్ట‌న్ భారీ సిక్స్ బాదాడు. అయితే.. ప్రేక్ష‌కుల్లో ఓ వ్య‌క్తి త‌న ఎడ‌మ చేతితో ఆ బంతిని చ‌క్క‌టి క్యాచ్ అందుకున్నాడు. దీంతో అత‌డు 2 మిలియన్ల దక్షిణాఫ్రికా రాండ్ అంటే భార‌త క‌రెన్సీలో 1.07 కోట్లను గెలుచుకున్నాడు. ప్ర‌స్తుతం ఆ ఫ్యాన్ అందుకున్న క్యాచ్ కు సంబంధించిన వీడియో సోష‌ల్ మీడియాలో వైర‌ల్ అవుతోంది. నువ్వు న‌క్క‌తోక తోక్కావు అంటూ నెటిజ‌న్లు కామెంట్లు చేస్తున్నారు.

PV Sindhu : చీర‌క‌ట్టులో పీవీ సింధు.. అచ్చమైన తెలుగింటి అమ్మాయి..

ఈ సీజ‌న్‌లో ప్రేక్ష‌కుల్లో క్యాచ్ అందుకున్న వారికి ఓ సంస్థ 2 మిలియన్ల దక్షిణాఫ్రికా రాండ్ లు అందిస్తోంది.