జెర్సీపై మద్యం కంపెనీ లోగో వేసుకోను.. సోమర్‌సెట్‌కు చెప్పేసిన పాకిస్తాన్ కెప్టెన్ బాబర్!

  • Published By: vamsi ,Published On : September 5, 2020 / 08:24 AM IST
జెర్సీపై మద్యం కంపెనీ లోగో వేసుకోను.. సోమర్‌సెట్‌కు చెప్పేసిన పాకిస్తాన్ కెప్టెన్ బాబర్!

Updated On : September 5, 2020 / 10:02 AM IST

పాకిస్తాన్ జట్టు కెప్టెన్ బాబర్ అజామ్ ఇంగ్లీష్ కౌంటీ టీమ్ సోమర్సెట్‌కు తన జెర్సీ విషయంలో క్లారిటీ ఇచ్చాడు. ఇంగ్లాండ్‌లో జరిగుతున్న టీ 20 బ్లాస్ట్ లీగ్‌లో ఆడుతున్న బాబర్ మద్యం కంపెనీ లోగోను తన చొక్కా మీద వేసుకోనని ఆ టీమ్ యజమాన్యానికి క్లారిటీ ఇచ్చేశారు. పాకిస్తాన్ జట్టు ఇంగ్లాండ్ పర్యటన ముగిసిన తరువాత బాబర్ సోమర్సెట్‌తో కలిసి ఇంగ్లాండ్ కౌంటీలు ఆడుతున్నాడు.



అతను గత మ్యాచ్లో మద్యం కంపెనీ లోగోతో ఉన్న జెర్సీ వేసుకుని కనిపించాడు. అయితే ఈ విషయంలో బాబర్ సోషల్ మీడియాలో విమర్శల పాలయ్యారు. ఇంగ్లండ్‌తో మూడు మ్యాచ్‌ల టి20 అంతర్జాతీయ సిరీస్ ముగిసిన తర్వాత బాబర్ సోమర్‌సెట్ కోసం మొదటి మ్యాచ్ ఆడాడు. ఈ సమయంలోనే అసలు వివాదం ప్రారంభం అయ్యింది. వాస్తవానికి, సోమర్‌సెట్ జెర్సీకి స్పాన్సర్షిప్ లోగో ఉంది, వాటిలో ఒకటి ఆల్కహాల్ బ్రాండ్. అదే లోగోను బాబర్ జెర్సీపై కూడా ఉంచారు. అయితే దీనివల్ల పాకిస్తాన్ క్రికెట్ అభిమానులు మండిపడ్డారు.



వోర్సెస్టర్‌షైర్‌తో జరిగిన ఈ మ్యాచ్‌లో బాబర్ 42 పరుగులు చేశాడు. బాబర్ జెర్సీలో మద్యం కంపెనీ లోగోను చూసి అభిమానులు ఆగ్రహం వ్యక్తం చేశారు. ఈ లోగో అనుకోకుండా బాబర్ జెర్సీలో ఉంచబడిందని తరువాత తెలిసింది. వచ్చే మ్యాచ్ నుంచి బాబర్ అజామ్ జెర్సీలో ఈ లోగో కనిపించదని సోమర్సెట్ స్పష్టం చేసింది.


సోమర్సెట్ తరఫున ప్రారంభ మ్యాచ్‌లో బాబర్ 35 బంతుల్లో 42 పరుగులు చేశాడు. ఓపెనర్ స్టీవెన్ డేవిస్ 60 పరుగుల ఇన్నింగ్స్ చేశాడు. ఈ రెండింటిలోనూ సోమెర్‌సెట్ వోర్సెస్టర్‌షైర్ ముందు 20 ఓవర్లలో 230 పరుగుల లక్ష్యాన్ని నిర్దేశించింది. ఈ మ్యాచ్‌లో వోర్సెస్టర్‌షైర్ 6 పరుగుల తేడాతో ఓడిపోయింది. గతేడాది వైటాలిటీ బ్లాస్ట్‌లో అత్యధిక పరుగులు చేసిన బాబర్, 149.35 స్ట్రైక్ రేట్‌తో 52.54 సగటుతో 578 పరుగులు చేశాడు.
https://10tv.in/cannabis-rains-on-tel-aviv/