Jasprit Bumrah : బుమ్రా ఔట్.. సెలెక్టర్లకు షాక్.. బీసీసీఐలో ఏమి జరుగుతోంది? సెంటర్ ఆఫ్ ఎక్సలెన్స్పై ప్రశ్నలు
Jasprit Bumrah Fitness : భారత స్టార్ పేసర్ జస్ప్రీత్ బుమ్రా శ్రీలంకతో జరగబోయే రెండు టెస్టుల సిరీస్కు దూరం కావడం బీసీసీఐలో సమన్వయ లోపాలపై ప్రశ్నలు లేవనెత్తింది.
- Published By: Harish Thanniru , Published On : August 3, 2026 / 11:06 PM IST
Jasprit Bumrah
Jasprit Bumrah Fitness : భారత స్టార్ పేసర్ జస్ప్రీత్ బుమ్రా శ్రీలంకతో జరగబోయే రెండు టెస్టుల సిరీస్కు దూరం కావడం బీసీసీఐలో సమన్వయ లోపాలపై ప్రశ్నలు లేవనెత్తింది. బెంగళూరులోని బీసీసీఐ సెంటర్ ఆఫ్ ఎక్సలెన్స్ (CoE) వైద్య బృందం, జాతీయ జట్టు సెలెక్షన్ కమిటీ మధ్య సరైన సమాచార మార్పిడి జరగలేదన్న విమర్శలు వ్యక్తమవుతున్నాయి.
Also Read : Shreyanka Patil : పొట్టి డ్రెస్లో భారత మహిళా క్రికెటర్.. శ్రేయాంక పాటిల్ ఫోటోలు వైరల్..
తొలుత బుమ్రాను శ్రీలంక టూర్కు ఎంపిక చేసినప్పటికీ, తుది ఫిట్నెస్ పరీక్షలో ఆయన పూర్తిగా కోలుకోలేదని తేలింది. ఎడమ మోకాలి గాయం నుంచి కోలుకునే ప్రక్రియలో ఇంకా అసౌకర్యం కొనసాగుతుండటంతో ఆయనను సిరీస్కు దూరంగా ఉంచాలని వైద్య బృందం సూచించింది. దీంతో బీసీసీఐ చివరి నిమిషంలో ఆయన స్థానంలో జమ్మూ కశ్మీర్కు చెందిన యువ పేసర్ ఔకిబ్ నబీని జట్టులోకి ఎంపిక చేసింది.
అయితే బుమ్రా ఫిట్నెస్పై సెంటర్ ఆఫ్ ఎక్సలెన్స్ నుంచి సెలెక్టర్లకు వచ్చిన సమాచారం, వాస్తవ పరిస్థితులకు భిన్నంగా ఉండటమే వివాదానికి కారణమైందని తెలుస్తోంది. బుమ్రా అందుబాటులో ఉంటాడన్న అంచనాతోనే సెలెక్టర్లు జట్టును ప్రకటించారని, చివరికి ఆయన తప్పుకోవడంతో ప్రత్యామ్నాయ ఏర్పాట్లు చేయాల్సి వచ్చిందని తెలుస్తోంది. ఈ పరిణామం బీసీసీఐ వైద్య విభాగం పనితీరుపై కూడా చర్చకు దారితీసింది.
బుమ్రా గైర్హాజరు భారత జట్టుకు పెద్ద ఎదురుదెబ్బగా భావిస్తున్నారు. కీలక పేసర్ లేకుండా శ్రీలంకలో టెస్టు సిరీస్ ఆడాల్సి రావడం జట్టు బౌలింగ్ బలంపై ప్రభావం చూపే అవకాశం ఉందని మాజీ క్రికెటర్లు అభిప్రాయపడుతున్నారు.
