SRHvsKKR: రైజర్స్ చేతిలో చిత్తుగా ఓడిన రైడర్స్
- Published By: Subhan Ali Shaik ,Published On : April 21, 2019 / 01:45 PM IST
ఉప్పల్ వేదికగా జరిగిన సన్‌రైజర్స్ హైదరాబాద్ వర్సెస్ కోల్ కతా నైట్ రైడర్స్ మ్యాచ్ లో హైదరాబాద్ 9వికెట్ల తేడాతో గెలుపొందింది. 160 పరుగుల లక్ష్య చేధనలో భాగంగా బరిలోకి దిగిన హైదరాబాద్ ఓపెనర్లు డేవిడ్ వార్నర్, బెయిర్ స్టో కోల్‌కతాకు చుక్కలు చూపించారు. ఆరంభం నుంచి రైడర్స్‌పై ఆధిక్యం ప్రదర్శించి 5ఓవర్లు మిగిలి ఉండగానే విజయం దక్కించుకుంది.
వరల్డ్ కప్ క్యాంప్‌కు వెళ్లే లోపు జట్టును ప్లే ఆఫ్‌కు సిద్ధం చేస్తానని ఇచ్చిన మాటను బెయిర్ స్టో నిలబెట్టుకున్నాడు. కోల్‌కతాపై విరుచుకుపడి(80; 43బంతుల్లో 7ఫోర్లు, 4సిక్సులు)తో అదరగొట్టాడు. మరో ఓపెనర్ డేవిడ్ వార్నర్(67; 38బంతుల్లో 3ఫోర్లు, 5 సిక్సులు)తో అద్భుతమైన ఇన్నింగ్స్ ఆడాడు. దాదాపు లక్ష్యానికి చేరువవుతున్న సమయంలో వార్నర్ వికెట్ కోల్పోవడంతో విలియమ్సన్(8)బ్యాటింగ్‌కు దిగాడు.
దూకుడు మీదున్న బెయిర్ స్టోకు చక్కటి సహకారం అందించడంతో లక్ష్యాన్ని సునాయాసంగా చేధించగలిగారు. కోల్‌కతా బౌలర్ హ్యారీ గర్నీ.. వార్నర్ వికెట్ చేజిక్కించుకున్నాడు.
కోల్‌కతా ఇన్నింగ్స్:
అంతకంటే ముందు టాస్ ఓడి బ్యాటింగ్‌కు దిగిన కోల్‌కతా నైట్ రైడర్స్.. సన్‌రైజర్స్ బౌలింగ్‌కు తీవ్రమైన ఒత్తిడికి లోనైంది. ఈ క్రమంలో హైదరాబాద్‌కు 160పరుగుల టార్గెట్‌ను నిర్దేశించారు. నదీమ్ 3వికెట్లు పడగొట్టగా, భువనేశ్వర్ కుమార్ 2, సందీప్ శర్మ 1, రషీద్ ఖాన్ 1వికెట్లు తీయగలిగారు.
వరుస విరామాలతో వికెట్లు కోల్పోతూ వచ్చిన కోల్‌కతాను ఓపెనర్‌గా దిగిన క్రిస్ లిన్(51: 47 బంతుల్లో 4ఫోర్లు, 1సిక్సు)ఆదుకుని చివరి వరకూ నిలిచాడు. జట్టులో లిన్‌దే అత్యధిక స్కోరు. మరో ఎండ్‌లో దిగిన ఓపెనర్ సునీల్ నరైన్(25; 8బంతుల్లోనే 3ఫోర్లు, 2సిక్సులు)బాదడంతో చక్కటి ఆరంభం నమోదైంది.
కానీ, ఆ తర్వాత ఎవ్వరూ సరైన ఆటతీరు కనబరచకపోవడంతో తక్కువ పరుగులకే అవుట్ కావలసి వచ్చింది. శుభ్‌మాన్ గిల్(3), నితీశ్ రానా(11), దినేశ్ కార్తీక్(6), రింకూ సింగ్(30), ఆండ్రీ రస్సెల్(15), పీయూశ్ చావ్లా(4), యర్రా పృథ్వీ రాజ్(0), కేసీ కరియప్ప(9)పరుగులు మాత్రమే చేయగలిగారు.
That’s that from Hyderabad. The @SunRisers win by 9 wickets with 5 overs to spare.#SRHvKKR pic.twitter.com/rRxwfYqmuU
— IndianPremierLeague (@IPL) April 21, 2019
