Aadhaar Update Home : బిగ్ అలర్ట్.. మీరు ఇల్లు మారారా? ఆధార్‌లో మీ అడ్రస్ ఇలా మార్చుకోండి.. ఈ డాక్యుమెంట్లు మస్ట్.. చెక్ చేసుకోండి!
Aadhaar Update Home : మీరు ఇళ్లు మారారా? మీ ఆధార్ కార్డులో మీ అడ్రస్ మార్చుకోవడం చాలా ముఖ్యం. మీ ఇంటి నుంచే ఆన్‌లైన్‌లో ఈజీగా మార్చుకోవచ్చు. అది ఎలాగంటే?
- Published By: 10TV Digital Team ,Published On : November 29, 2025 / 04:07 PM IST
Aadhaar Update Home
Aadhaar Update Home : ఆధార్ కార్డు యూజర్లకు బిగ్ అలర్ట్.. జాబ్ లేదా చదువు కోసం తరచుగా ఒక ప్రాంతం నుంచి మరో ప్రాంతానికి వెళ్తుంటారు. ఇల్లు మారినప్పుడల్లా ఆధార్ కార్డులో అడ్రస్ కూడా మార్చుకోవాల్సి వస్తుంది. ఇలా మారే క్రమంలో ప్రభుత్వం అందించే పథకాలను పొందాలంటే ఆధార్ కార్డు ఎలాంటి తప్పులు లేకుండా ఉండాలి. ప్రస్తుతం ఆధార్ కార్డు అనేది అత్యంత ముఖ్యమైన డాక్యుమెంట్. ఎందుకంటే.. మీరు బ్యాంకు అకౌంట్ ఓపెన్ చేయడం నుంచి సిమ్ కార్డు కొనుగోలు చేయడం వరకు ప్రతిదానికీ ఆధార్ కార్డు అవసరం.
మీరు ఇటీవలే ఇల్లు మారినట్లయితే, ఆందోళన (Aadhaar Update Home) చెందాల్సిన అవసరం లేదు. ఇప్పుడు, మీరు మీ ఇంటి సౌకర్యం నుంచి మీ ఆధార్ కార్డులో మీ కొత్త అడ్రస్ సులభంగా అప్‌డేట్ చేసుకోవచ్చు. మీరు ఆధార్ కేంద్రంలో ఎక్కువసేపు క్యూలలో నిలబడాల్సిన అవసరం కూడా లేదు. యూఐడీఏఐ వెబ్‌సైట్‌ను విజిట్ చేయడం ద్వారా ఆన్‌లైన్‌లో నిమిషాల్లోనే పూర్తి చేయవచ్చు.
మీ అడ్రస్ ఆన్‌లైన్‌లో ఎలా మార్చాలి :
మీ ఆధార్ కార్డులో మీ అడ్రస్ మార్చేందుకు మీరు UIDAI అధికారిక పోర్టల్ (My Aadhaar) విజిట్ చేయాలి. ఆ తర్వాత లాగిన్ అవ్వండి. మీ ఆధార్ నంబర్, క్యాప్చా కోడ్‌ను ఎంటర్ చేయండి. ఆ తర్వాత మీ రిజిస్టర్డ్ మొబైల్ నంబర్‌కు OTP వస్తుంది. మీరు లాగిన్ అయ్యేందుకు OTP ఎంటర్ చేయవచ్చు. లాగిన్ తర్వాత “Addresss Update” ఆప్షన్ ఎంచుకోండి. ఇందులో రెండు ఆప్షన్లు ఉన్నాయి.
ఒకటి ఫ్యామిలీ పెద్ద ద్వారా ఒక ఆప్షన్, మరొకటి మీ సొంత డాక్యుమెంట్ల ద్వారా మీ పేరులో అడ్రస్ ప్రూఫ్ ఉంటే రెండోదాన్ని ఎంచుకోండి. మీ కొత్త అడ్రస్ ఎంటర్ చేసి స్కాన్ చేసిన వ్యాలీడ్ అయ్యే డాక్యుమెంట్లను అప్‌లోడ్ చేయాలి. పూర్తయిన తర్వాత మీరు నామమాత్రపు రుసుము చెల్లించి URN నంబర్‌ను అందుకుంటారు. మీ రిక్వెస్ట్ స్టేటస్ చెక్ చేసేందుకు URN నెంబర్ వాడొచ్చు.
ఏ డాక్యుమెంట్లు అవసరమంటే? :
ఆధార్‌లో మీ అడ్రస్ మార్చేందుకు మీ వద్ద ప్రభుత్వం ఆమోదించిన ఏదైనా అడ్రస్ ప్రూఫ్ ఉండాలి. ఇందులో పాస్‌పోర్ట్, ఓటరు ఐడీ కార్డ్, రేషన్ కార్డ్, బ్యాంక్ పాస్‌బుక్ లేదా పోస్టాఫీస్ అకౌంట్ పాస్‌బుక్ ఉంటాయి. మీరు అద్దె ఇంట్లో నివసిస్తుంటే.. మీ అద్దె అగ్రిమెంట్ కూడా సమర్పించవచ్చు.
విద్యుత్ బిల్లు, వాటర్ బిల్లు లేదా ల్యాండ్‌లైన్ టెలిఫోన్ బిల్లు కూడా అడ్రస్ ప్రూఫ్‌గా సమర్పించవచ్చు. కానీ, ఈ బిల్లులు 3 నెలల కన్నా పాతవి కాకూడదని గుర్తుంచుకోండి. డాక్యుమెంట్లను అప్‌లోడ్ చేసేటప్పుడు స్కాన్ చేసిన కాపీలు క్లియర్‌గా ఉన్నాయనే సమాచారం స్పష్టంగా కనిపించాలి.
త్వరలోనే కొత్త UIDAI ఫీచర్ :
ఆధార్ సంస్థ (UIDAI) సోషల్ మీడియా ప్లాట్‌ఫామ్ వేదికగా ముఖ్యమైన సమాచారాన్ని షేర్ చేసింది. అతి త్వరలో కొత్త ఫీచర్ అందుబాటులోకి వస్తుందని యూఐడీఏఐ పోస్ట్‌లో పేర్కొంది. ఈ ఫీచర్ కింద ఇప్పుడు తమ ఇళ్ల నుంచే ఆధార్‌లో తమ మొబైల్ నంబర్‌ను అప్‌డేట్ చేసుకోగలరు. ఇందుకోసం OTP ఫేస్ అథెంటికేషన్ వినియోగించుకోవచ్చు.
ఆధార్ సెంటర్‌లో ఇకపై లైన్‌లో నిలబడాల్సిన అవసరం ఉండదని యూఐడీఏఐ స్పష్టంగా పేర్కొంది. ఆధార్‌తో లింక్ చేయని లేదా మారిన మొబైల్ నంబర్ ఉన్నవారికి బిగ్ రిలీఫ్. ఇప్పటివరకు ఆధార్ వినియోగదారులు మొబైల్ నంబర్‌ను అప్‌డేట్ చేసేందుకు ఆధార్ సెంటర్ విజిట్ చేయడం తప్పనిసరి.
