iPhone 17 Air Launch : ఐఫోన్ 16 కొనేందుకు ప్లాన్ చేస్తున్నారా? ఫస్ట్ ఐఫోన్ 17 ఎయిర్ ఆఫర్ ఏంటో తెలుసుకోవాల్సిందే..!
iPhone 17 Air Launch : వచ్చే ఏడాదిలో ఆపిల్ లైనప్‌ను మరింతగా విస్తరించనుంది. కుపర్టినో దిగ్గజం యధావిధిగా నాలుగు కొత్త ఐఫోన్‌లను లాంచ్ చేయనుంది. ఐఫోన్ 17 ప్లస్, కొత్త ఐఫోన్ 17 ఎయిర్‌తో రిప్లేస్ చేయనుందని భావిస్తున్నారు.
- Published By: 10TV Digital Team ,Published On : October 1, 2024 / 05:38 PM IST
Planning to buy iPhone 16_ You might want to know what iPhone 17 could offer first
iPhone 17 Air Launch : కొత్త ఆపిల్ ఐఫోన్ కొనేందుకు ప్లాన్ చేస్తున్నారా? ఇటీవలే లాంచ్ అయిన ఐఫోన్ 16 సిరీస్‌ను కొనుగోలు చేయాలా వద్దా అని ఆలోచిస్తున్నారా? మీరు ఇప్పటికే ఐఫోన్ 15 యూజర్ అయితే, రాబోయే 2025 ఫ్లాగ్‌షిప్ ఐఫోన్‌ను కొనుగోలు చేయాలంటే అప్పటివరకూ ఆగాల్సిందే. ఎందుకంటే.. ప్రస్తుత ఐఫోన్ 16 సిరీస్ అమ్మకాలు అంతా ఆశాజనకంగా లేవని నివేదికలు సూచిస్తున్నాయి.
వచ్చే ఏడాది ఐఫోన్ 17 సిరీస్ గురించి ఆపిల్ ఇంకా ధృవీకరించలేదు. ఈ ఐఫోన్ ఫీచర్లకు సంబంధించి లీక్‌లు, పుకార్లు బయటకు వచ్చాయి. రాబోయే ఐఫోన్‌ల నుంచి ఏయే ఫీచర్లు ఉండొచ్చు అనేదానిపై వినియోగదారుల్లో ఆసక్తిని పెంచుతూనే ఉంది. ఐఫోన్ 17 ఎయిర్ మోడల్‌పై అంచనాలు కూడా నెలకొన్నాయి. ఈ నేపథ్యంలో ఆపిల్ ఐఫోన్ 16 కొనేవాళ్లు అప్పటివరకూ ఆగలేమంటే.. ఐఫోన్ 16 సిరీస్ కొనేసుకోవచ్చు.
Read Also : Motorola Moto G85 : కొత్త ఫోన్ కొంటున్నారా? మోటో G85పై బిగ్ డిస్కౌంట్.. ఈ డీల్ ఎలా పొందాలంటే?
నివేదిక ప్రకారం.. వచ్చే ఏడాదిలో ఆపిల్ లైనప్‌ను మరింతగా విస్తరించనుంది. కుపర్టినో దిగ్గజం యధావిధిగా నాలుగు కొత్త ఐఫోన్‌లను లాంచ్ చేయనుంది. అయితే, ఐఫోన్ 17 ప్లస్, కొత్త ఐఫోన్ 17 ఎయిర్‌తో రిప్లేస్ చేయనుందని భావిస్తున్నారు. అది కూడా సన్నటి ఐఫోన్‌గా రానుంది.
ఆపిల్ యాక్షన్ బటన్, వాల్యూమ్ రాకర్‌ను మెర్చ్ చేస్తుంది. ఇదే ఫీచర్ ఐఫోన్ 17 ప్రోలో కూడా వస్తుందని భావిస్తున్నారు. భవిష్యత్తులో ఐఫోన్‌లలో కెమెరా క్యాప్చర్ బటన్‌తో పాటు అన్ని యాక్షన్ బటన్-థింగ్‌లు, వాల్యూమ్ కోసం ఒకే ఒక్క బటన్ ఉంటుంది. ఐఫోన్ 17 సిరీస్ గురించి ఇప్పటివరకు మనకు తెలిసిన వివరాలను ఓసారి పరిశీలిద్దాం.
ఐఫోన్ 17 సిరీస్ ఫీచర్లు :
ఆపిల్ ఐఫోన్ 17 సిరీస్‌తో గణనీయమైన మార్పులను చేస్తుందని భావిస్తున్నారు. సెప్టెంబర్ 2025 లాంచ్‌కు రెడీగా ఉంది. పుకార్ల ప్రకారం.. ఐఫోన్ 17 ప్రోమోషన్ టెక్నాలజీని కలిగి ఉంటుంది. ప్రామాణిక మోడల్‌ల 120Hz డిస్‌ప్లేతో రానుంది. ఈ అప్‌గ్రేడ్, గత ప్రో మోడల్‌ల కోసం రిజర్వ్ అయింది. వినియోగదారులకు సున్నితమైన స్క్రోలింగ్, వీడియో ఎక్స్‌పీరియన్స్ అందిస్తుంది.
ఆపిల్ 2025లో ఐఫోన్ 17 ఎయిర్‌గా కొత్త మోడల్‌ను ప్రవేశపెట్టాలని యోచిస్తోంది. ఈ మోడల్ సన్నగా ఉంటుందని 120Hz డిస్‌ప్లేను కూడా కలిగి ఉంటుందని భావిస్తున్నారు. ఐఫోన్ 17 ఎయిర్ ప్రస్తుత ప్లస్ సిరీస్ స్థానంలో వస్తుందని ఇండస్ట్రీ సంబంధిత వర్గాలు సూచిస్తున్నాయి. అమ్మకాల పనితీరు ఆధారంగా ఐఫోన్ 16 ప్లస్ ఆపిల్ లాంచ్ చేసిన చివరి ప్లస్ మోడల్‌గా అని చెప్పవచ్చు.
ఆపిల్ హార్డ్‌వేర్‌పై కూడా అనేక పుకార్లు వచ్చాయి. ప్రామాణిక మోడల్‌లకు అధిక రిఫ్రెష్ రేట్‌ను తీసుకువస్తుందని సూచించాయి. అయినప్పటికీ, డిస్‌ప్లేలో 10Hz లేదా 1Hz లో-ఎండ్ రిఫ్రెష్ రేట్ ఉంటుందా అనేది ఇంకా స్పష్టంగా తెలియలేదు. కొత్త అప్‌గ్రేడ్ ఈ ఏడాదిలో ఐఫోన్ 16 సిరీస్‌కి అప్‌గ్రేడ్ నిలిపివేయనుంది. ఎందుకంటే.. చాలా మంది నెక్ట్స్ లైనప్‌లో అంతకంటే అప్‌గ్రేడ్ కోసం ఎదురుచూస్తుంటారు.
2020లో ఐఫోన్ మినీని ఎలా ప్రవేశపెట్టిందో, అదే విధంగా ఆపిల్ తన లైనప్‌తో అనేక ప్రయోగాలు చేస్తూనే ఉంది. ఐఫోన్ 17 ఎయిర్ ఎంట్రీ కూడా ప్రత్యేకంగా ఉండనుంది. అయినప్పటికీ, మినీ మోడల్ అంచనాలను అందుకోవడంలో విఫలమైంది. దశలవారీగా మినీ మోడల్స్ నిలిపివేస్తోంది. అదేవిధంగా, ఐఫోన్ ప్లస్ మోడల్ కూడా ఊహించిన అమ్మకాలను సాధించలేదని నివేదికలు సూచిస్తున్నాయి.
