Realme P4 Lite : రియల్మి P4 లైట్ వచ్చేసిందోచ్.. ఫీచర్లు చూస్తే ఫిదానే, ధర చాలా చీప్ గురూ.. ఫస్ట్ సేల్ ఎప్పుడంటే?
Realme P4 Lite : రియల్మి P4 లైట్ వచ్చేసింది. 6300mAh బ్యాటరీతో రియల్మి P లైనప్ విస్తరించింది. ధర, ఫీచర్లకు సంబంధించి పూర్తి వివరాలపై ఓసారి లుక్కేయండి.
- Published By: Sreehari A ,Published On : February 20, 2026 / 02:21 PM IST
Realme P4 Lite : రియల్మి నుంచి సరికొత్త ఫోన్ వచ్చేసింది. రియల్మి P4 లైనప్ను విస్తరించింది. గత నెలలో భారత మార్కెట్లో రియల్మి P4 పవర్ స్మార్ట్ఫోన్ లాంచ్ తర్వాత రియల్మి ఇప్పుడు కొత్త మోడల్ లాంచ్ చేసింది. రియల్మి P4 లైట్ పేరుతో మార్కెట్లో రిలీజ్ చేసింది.
అదనంగా, 6,300mAh బ్యాటరీ, 90Hz రిఫ్రెష్ రేట్తో 6.74-అంగుళాల డిస్ప్లే, అనేక ఇతర ముఖ్యమైన ఫీచర్లతో వస్తుంది.
ఈ స్మార్ట్ఫోన్ సీ బ్లూ, అబ్సిడియన్ బ్లాక్, బీచ్ గోల్డ్ అనే 3 కలర్ ఆప్షన్లలో వస్తుంది. ఫిబ్రవరి 24, 2026 నుంచి అమ్మకానికి అందుబాటులో ఉంటుంది. రియల్మి P4 లైట్ ఫోన్ ధర, స్పెసిఫికేషన్లకు సంబంధించి పూర్తి వివరాలు ఇలా ఉన్నాయి.
రియల్మి P4 లైట్ స్పెసిఫికేషన్లు, ఫీచర్లు : రియల్మి P4 లైట్ 6.74-అంగుళాల డిస్ప్లే, 90Hz రిఫ్రెష్ రేట్, 563 నిట్స్ టాప్ బ్రైట్నెస్తో వస్తుంది. హుడ్ కింద, ఫోన్ UNISOC T7250 ప్రాసెసర్ ద్వారా పవర్ పొందుతుంది.
4GB ర్యామ్, 128GB వరకు స్టోరేజీతో వస్తుంది. ఇంకా, ఈ ఫోన్ 15W వైర్డు ఫాస్ట్ ఛార్జింగ్ సపోర్ట్, 6W రివర్స్ ఛార్జింగ్ సపోర్ట్తో 6,300mAh బ్యాటరీతో వస్తుంది.
ఫొటోగ్రఫీ విషయానికి వస్తే.. రియల్మి P4 లైట్లో 13MP మెయిన్ కెమెరా ఉంది. సెల్ఫీలు, వీడియో కాల్స్ కోసం ఫ్రంట్ సైడ్ 5MP కెమెరా ఉంది. ఇంకా, ఈ రియల్మి 7.94 మిమీ మందం, 201 గ్రాముల బరువు ఉంటుంది. అలాగే, డస్ట్, వాటర్ రెసిస్టెన్స్ కోసం IP54 సర్టిఫైడ్ పొందింది.
రియల్మి P4 లైట్ ధర, కలర్ ఆప్షన్లు : రియల్మి P4 లైట్ రెండు వేరియంట్లలో వస్తుంది. 4GB ర్యామ్ + 64GB స్టోరేజ్ వేరియంట్ ధర రూ. 9,999, 4GB ర్యామ్ + 128GB స్టోరేజ్ ఆప్షన్ ధర 11,999కు లభిస్తుంది.
ఈ రియల్మి సీ బ్లూ, అబ్సిడియన్ బ్లాక్, బీచ్ గోల్డ్ అనే 3 కలర్ ఆప్షన్లలో వస్తుంది. ఈ ఫోన్ ఫిబ్రవరి 24, 2026 నుంచి Flipkart, realme.com, realme ఆఫ్లైన్ స్టోర్లలో అమ్మకానికి అందుబాటులో ఉంది.
