Redmi Note 13 Pro 5G : కొత్త ఫోన్ కొంటున్నారా? రెడ్మి నోట్ 13ప్రో కొత్త కలర్ వేరియంట్ ఇదిగో.. ఫీచర్లు అదుర్స్, ధర ఎంతంటే?
Redmi Note 13 Pro 5G : దేశంలో రెడ్మి నోట్ సిరీస్ ఫోన్ మొత్తం 3 షేడ్స్‌లో లాంచ్ అయిన 6 నెలల తర్వాత ఈ కొత్త వేరియంట్ రిలీజ్ చేసింది.
- Published By: 10TV Digital Team ,Published On : June 25, 2024 / 11:35 PM IST
Redmi Note 13 Pro 5G Scarlet Red Colour Variant Launched ( Image Source : Google )
Redmi Note 13 Pro 5G : కొత్త ఫోన్ కోసం చూస్తున్నారా? భారత మార్కెట్లో రెడ్మి నోట్ 13ప్రో 5జీ మోడల్ కొత్త కలర్ ఆప్షన్ అందుబాటులో ఉంది. దేశంలో రెడ్మి నోట్ సిరీస్ ఫోన్ మొత్తం 3 షేడ్స్‌లో లాంచ్ అయిన 6 నెలల తర్వాత ఈ కొత్త వేరియంట్ రిలీజ్ చేసింది. రెడ్మి నోట్ 13ప్రో 5జీ స్నాప్‌డ్రాగన్ 7ఎస్ జనరేషన్ 2 ఎస్ఓసీపై రన్ అవుతుంది. 200ఎంపీ ప్రైమరీ రియర్ కెమెరాను కలిగి ఉంది. 67డబ్ల్యూ ఛార్జింగ్‌కు సపోర్టుతో 5,100mAh బ్యాటరీతో వస్తుంది. ఈ కలర్ ఆప్షన్లతో పాటు ఫోన్ స్పెసిఫికేషన్‌లలో ఎలాంటి మార్పులు లేవు.
షియోమి సబ్-బ్రాండ్ రెడ్మి నోట్ 13 ప్రో 5జీని స్కార్లెట్ రెడ్ కలర్ ఆప్షన్‌లో ప్రారంభించినట్లు ప్రకటించింది. అమెజాన్, ఎంఐ వెబ్‌సైట్, ఫ్లిప్‌కార్ట్ ఇతర ప్రధాన రిటైల్ అవుట్‌లెట్‌ల ద్వారా విక్రయానికి అందుబాటులో ఉంది. గత జనవరిలో ఫోన్‌ను లాంచ్ చేసిన తర్వాత ప్రస్తుత ఆర్కిటిక్ వైట్, కోరల్ పర్పుల్, మిడ్‌నైట్ బ్లాక్ కలర్ ఆప్షన్లతో పాటు కొత్త షేడ్ అందిస్తోంది. రెడ్మి ఇటీవల భారత్ వెలుపల గ్లోబల్ మార్కెట్లలో ఆలివ్ గ్రీన్ షేడ్‌లో ఫోన్‌ను ప్రవేశపెట్టింది.
భారత్‌లో రెడ్మి నోట్ 13ప్రో 5జీ ధర :
రెడ్మి నోట్ 13ప్రో 5జీ స్కార్లెట్ రెడ్ కలర్ వేరియంట్ భారత్‌లో ఇతర కలర్ ఆప్షన్లలో ధరలోనే ఉంది. ఈ ఫోన్ రూ. 25,999 బేస్ 8జీబీ+ 128జీబీ స్టోరేజీ, 12జీబీ+ 256జీబీ స్టోరేజ్ వేరియంట్‌లకు రూ. 27,999కు అందిస్తుంది.
రెడ్మి నోట్ 13ప్రో 5జీ స్పెసిఫికేషన్లు :
రెడ్మి నోట్ 13ప్రో 5జీ 6.67-అంగుళాల 1.5కె (1,220×2,712 పిక్సెల్‌లు) అమోల్డ్ స్క్రీన్‌ను కలిగి ఉంది. గరిష్ట ప్రకాశానికి 1,800 నిట్‌ల వరకు సపోర్టు ఇస్తుంది. కార్నింగ్ గొరిల్లా గ్లాస్ విక్టస్ వ్యూను కలిగి ఉంది. గరిష్టంగా 12జీబీ ర్యామ్ స్నాప్‌డ్రాగన్ 7ఎస్ జనరేషన్ 2 చిప్‌తో ఆధారితమైనది. ఆప్టిక్స్ విషయానికి వస్తే.. రెడ్మి నోట్ 13, రెడ్మి 13ప్రో 5జీ ట్రిపుల్ రియర్ కెమెరా సెటప్‌ను కలిగి ఉంది.
ఇందులో ఓఐఎస్‌తో 200ఎంపీ ప్రైమరీ కెమెరా, 8ఎంపీ అల్ట్రా-వైడ్-యాంగిల్ కెమెరా, 2ఎంపీ మాక్రో కెమెరా ఉన్నాయి. 16ఎంపీ సెల్ఫీ కెమెరాను కలిగి ఉంది. ఈ ఫోన్ 256జీబీ వరకు స్టోరేజీని ప్యాక్ చేస్తుంది. రెడ్మి నోట్ 13ప్రో 5జీలో ఎన్ఎఫ్‌సీ సపోర్ట్ ఉంది. బయోమెట్రిక్ అథెంటికేషన్ కోసం ఇన్-డిస్‌ప్లే ఫింగర్‌ప్రింట్ స్కానర్‌ను కలిగి ఉంది. 67డబ్ల్యూ ఛార్జింగ్‌కు సపోర్టుతో 5,100mAh బ్యాటరీని కలిగి ఉంది.
