Reduce AC electricity bill : ఈ సమ్మర్‌లో ఫుల్‌గా ఏసీ వాడినా కరెంట్ బిల్లు తక్కువ రావాలంటే.. ఈ 5 టిప్స్ తప్పక పాటించండి..!
Reduce AC electricity bill : ఎండలు మండిపోతున్నాయి. ఇంట్లో ఏసీ లేకుండా ఉండటం కష్టమే.. ఏసీ ఆన్ చేయడం వల్ల మీ కరెంటు బిల్లు పెరుగుతుందని భయపడుతున్నారా? మీ ఏసీ కూలింగ్ సామర్థ్యాన్ని పెంచినా డబ్బు ఆదా చేసుకోవచ్చు.
- Published By: 10TV Digital Team ,Published On : June 19, 2023 / 09:36 PM IST
Reduce AC electricity bill _ 5 tips to reduce AC electricity bill this summer without giving up on cooling
Reduce AC electricity bill : అసలే సమ్మర్ సీజన్.. అందులోనూ మండే ఎండలు.. ఒక్కటే ఉక్కపోత, క్షణం కూడా ఏసీ లేకుండా ఉండటం కష్టమే. 24 గంటలు ఏసీ ఆన్‌లో ఉండాల్సిన పరిస్థితి. లేదంటే వేడి తీవ్రతను తట్టుకోవడం ఇబ్బందికరమే. అందుకే, చాలామంది ఏసీలను ఎక్కువ వినియోగిస్తుంటారు. వేసవిలో ఏసీల వాడకంతో నెల తిరిగేసరికి కరెంట్ బిల్లు తడిసి మోపెడు అయిపోతుంది. ఉక్కపోత నుంచి ఉపశమనం కలగడం కన్నా కరెంట్ బిల్లు పెరిగింది అనే బాధ ఎక్కువగా ఉంటుంది. ప్రత్యామ్నాయంగా, కొంతమంది డబ్బు ఆదా చేయడానికి తమ ఇంట్లో ఏసీ వినియోగాన్ని తగ్గించడానికి ప్రయత్నిస్తారు. కానీ, తద్వారా ఏసీ కూలింగ్ సరిగా ఉండదు. ఎండ నుంచి మిమ్మల్ని మీరు ప్రొటెక్ట్ చేసుకోవడానికి మీ ACపై ఆధారపడి ఉంటే.. కరెంట్ బిల్లుల విషయంలో ఆందోళన చెందుతుంటే.. మీ AC కూలింగ్‌ను మరింత సమర్థవంతంగా చేయడానికి, పవర ఆదా చేయడానికి కొన్ని అద్భుతమైన చిట్కాలు ఉన్నాయి. అవేంటో ఓసారి లుక్కేయండి.
సరైన టెంపరేచర్ సెట్ చేయండి :
ఏసీని కనిష్ట ఉష్ణోగ్రతకు అమర్చడం వల్ల గది వేగంగా కూలింగ్ అవుతుందని అందరూ నమ్ముతారు. అయితే, ఇది నిజం కాదు. బ్యూరో ఆఫ్ ఎనర్జీ ఎఫిషియెన్సీ ప్రకారం.. 24 డిగ్రీల వద్ద ఏసీని ఆపరేట్ చేయాలని సూచిస్తుంది. తద్వారా మానవ శరీరానికి సరిగా సరిపోతుందని చెబుతుంది. మీరు మీ ఎయిర్ కండీషనర్‌ని సెటప్ చేసే టెంపరేచర్ కూడా మీ విద్యుత్ వినియోగాన్ని గణనీయంగా ప్రభావితం చేస్తుంది. ఉష్ణోగ్రతను ఒక యూనిట్ తగ్గించడం వల్ల విద్యుత్ వినియోగం 6 శాతం పెరుగుతుంది. కాబట్టి, మీ గదిని సిమ్లాగా మార్చడం కంటే.. మీ ఏసీని 20-24 డిగ్రీల మధ్య ఉంచడానికి ప్రయత్నించండి. ఈ ఉష్ణోగ్రత సౌకర్యవంతమైన వాతావరణాన్ని క్రియేట్ చేయడమే కాదు.. ఏసీపై ఒత్తిడిని తగ్గిస్తుంది. ఏసీ సామర్థం పెరగడమే కాదు.. తక్కువగా విద్యుత్ వినియోగించుకుంటుంది.
ఏసీ ఫిల్టర్‌ను క్రమం తప్పకుండా క్లీన్ చేయండి :
అది విండో ఏసీ అయినా, స్ప్లిట్ ఏసీ అయినా, మెషిన్ కండెన్సర్ ఎల్లప్పుడూ బయట విండోలో లేదా గోడపై అమర్చబడి ఉంటుంది. కాలక్రమేణా, ఇంటి లోపల దుమ్ము కూడా ఫిల్టర్లను మూసివేస్తుంది. ఇలా అడ్డుపడే ఫిల్టర్‌లు కూలింగ్ పనితీరును ప్రభావితం చేస్తాయి. దాంతో ఏసీ మిషన్ గదిని కూలింగ్ చేసేందుకు ఎక్కువ పవర్ వినియోగిస్తుంది. డబ్బు ఆదా చేయడానికి, ఏసీ సామర్థ్యాన్ని మెరుగుపరచడానికి మీ AC ఫిల్టర్లను క్రమం తప్పకుండా క్లీన్ చేయాలి.
ప్రతి సీజన్‌లో కనీసం ఒక్కసారైనా సాధారణ సర్వీసింగ్ చేయించుకోవాలి. సాధారణ AC సర్వీసింగ్‌ను సీజన్‌లో ఒకటి లేదా రెండుసార్లు చేయవచ్చు. కాలుష్యం, దుమ్ము కారణంగా నెలవారీ AC ఫిల్టర్లను క్లీన్ చేయడం చాలా కీలకం. క్లీనింగ్ కాకుండా, సర్వీసింగ్‌లో లూబ్రికేషన్, ఇతర సమస్యలను ఫిక్స్ చేయాలి. మీ నిర్దిష్ట మోడల్ కోసం AC సర్వీసింగ్ సరైన ఫ్రీక్వెన్సీని నిర్ణయించడానికి టెక్నికల్ నిపుణులను తప్పక సంప్రదించాల్సి ఉంటుంది.
Reduce AC electricity bill _ 5 tips to reduce AC electricity bill this summer without giving up on cooling
సిలీంగ్ ఫ్యాన్ ఆన్ చేయండి :
గాలి ప్రసరణను మరింత మెరుగుపరచడానికి మీ AC కూలింగ్ వేగాన్ని మెరుగుపరచడానికి మీ సీలింగ్ ఫ్యాన్‌ను ఆన్ చేయవచ్చు. మితమైన వేగంతో ఫ్యాన్‌ను ఆన్ చేయడం ద్వారా గది అంతటా చల్లని గాలిని సమర్థవంతంగా వెళ్లడంలో సాయపడుతుంది.
తలుపులు, కిటికీలను మూసివేయండి :
మీ ఏసీ సరైన కూలింగ్ సామర్థ్యం పెరగాలంటే.. తలుపులు, కిటికీలు, గది నుంచి చల్లని గాలి బయటకు వచ్చే ఇతర బహిరంగ ప్రదేశాలను మూసివేయడం ఎల్లప్పుడూ మంచిది. ఏసీ రన్ అవుతున్నప్పుడు కిటికీలు లేదా తలుపులు తెరిచి ఉంచడం వల్ల విద్యుత్ వినియోగం పెరుగుతుంది. ఎందుకంటే.. ఏసీ గదిలో వేడిని చల్లబరచడానికి చాలా కష్టపడాల్సి ఉంటుంది. మీరు గదిని దాటి బయటకు వెళ్లిన తర్వాత తలుపు ఆటోమాటిక్‌గా తెరుచుకునేలా చేస్తుంది. అందుకే, మీకు దగ్గరగా డోర్ కూడా ఇన్‌స్టాల్ చేయవచ్చు.
టైమర్‌ని ఆన్ చేయండి :
విద్యుత్‌ను ఆదా చేయడానికి, సౌకర్యవంతమైన నిద్రను పొందడానికి మీ ఏసీలో టైమర్ ఫంక్షన్‌ని ఉపయోగించండి. పడుకునే ముందు, గది తగినంత చల్లబడిన తర్వాత 1 లేదా 2 గంటల తర్వాత ఆటోమేటిక్‌గా AC ఆఫ్ అయ్యేలా టైమర్‌ని సెట్ చేయండి. రాత్రిపూట విద్యుత్ వినియోగాన్ని తగ్గిస్తుంది. ఏసీని మాన్యువల్‌గా ఆఫ్ చేయడానికి మేల్కొనవలసిన అవసరం ఉండదు. అదనంగా, రోజంతా నాన్‌స్టాప్‌లో AC ఉంచడాన్ని నివారించండి. ఎందుకంటే.. ఏసీ, అందులోని పార్టులపై ఒత్తిడి పడుతుంది. నిర్దిష్ట సమయం తర్వాత ఏసీ ఆటోమేటిక్‌గా ఆఫ్ చేయడానికి మీ ACలో టైమర్‌ను సెట్ చేయండి.
