Samsung Galaxy S25 Slim : శాంసంగ్ గెలాక్సీ ఎస్25 స్లిమ్ వచ్చేస్తోంది.. లాంచ్‌కు ముందే కీలక స్పెషిఫికేషన్లు లీక్..!
Samsung Galaxy S25 Slim : శాంసంగ్ గెలాక్సీ ఎస్25 స్లిమ్ ఐఫోన్ 17 ఎయిర్ కన్నా మందంగా ఉండవచ్చని ఒక చైనీస్ లీకర్ వెల్లడించారు. వచ్చే ఏడాది కూడా ఈ ఫోన్ లాంచ్ కానుంది.
- Published By: 10TV Digital Team ,Published On : December 21, 2024 / 07:51 PM IST
Samsung Galaxy S25 Slim Specifications Leaked
Samsung Galaxy S25 Slim : కొత్త స్మార్ట్ ఫోన్ కొనేందుకు చూస్తున్నారా? వచ్చే ఏడాది కంపెనీ నుంచి సన్నని ఫ్లాగ్‌షిప్-గ్రేడ్ స్మార్ట్‌ఫోన్‌‌గా శాంసంగ్ గెలాక్సీ ఎస్25 స్లిమ్ రానుంది. రాబోయే ఈ హ్యాండ్‌సెట్ స్పెసిఫికేషన్ల వివరాలు టిప్‌స్టర్ ద్వారా లీక్ అయ్యాయి.
ఈ ఫోన్ 2025 రెండవ త్రైమాసికంలో లాంచ్ అయ్యే అవకాశం ఉంది. అంటే.. కంపెనీ సాధారణంగా గెలాక్సీ ఎ సిరీస్, ఫ్యాన్ ఎడిషన్ (FE) స్మార్ట్‌ఫోన్‌లను లాంచ్ చేస్తుంది. ఇంతలో, శాంసంగ్ గెలాక్సీ ఎస్25 స్లిమ్ ఐఫోన్ 17 ఎయిర్ కన్నా మందంగా ఉండవచ్చని ఒక చైనీస్ లీకర్ వెల్లడించారు. వచ్చే ఏడాది కూడా ఈ ఫోన్ లాంచ్ కానుంది.
శాంసంగ్ గెలాక్సీ ఎస్25 స్లిమ్.. క్యూ2 2025లో అరంగేట్రం :
నివేదికల ప్రకారం.. శాంసంగ్ గెలాక్సీ ఎస్25 స్లిమ్ 6.6-అంగుళాల స్క్రీన్‌ను కలిగి ఉంటుంది. కంపెనీ గెలాక్సీ ఎస్25 ప్లస్ మోడల్ మాదిరిగానే హ్యాండ్‌సెట్‌ను రిలీజ్ చేయనుంది. జనవరి 2025లో బేస్ గెలాక్సీ ఎస్25, గెలాక్సీ ఎస్25 అల్ట్రా మోడల్‌తో పాటు లాంచ్ కానుందని భావిస్తున్నారు. శాంసంగ్ గెలాక్సీ ఎస్25 స్లిమ్ స్నాప్‌డ్రాగన్ 8 ఎలైట్ చిప్ ద్వారా పవర్ పొందుతుందని టిప్‌స్టర్ పేర్కొంది. అక్టోబర్‌లో ఇదే విషయాన్ని క్వాల్‌కామ్ ఆవిష్కరించింది.
స్లిమ్ ఫారమ్ ఫ్యాక్టర్‌ను పరిగణనలోకి తీసుకుని పెద్ద బ్యాటరీని ప్యాక్ చేస్తుందని సూచిస్తుంది. గెలాక్సీ ఎస్25 స్లిమ్‌లో 4,700mAh, 5,000mAh మిడ్ రేంజ్ సామర్థ్యం కలిగిన బ్యాటరీ ఉండవచ్చు. ఐఫోన్ 17 ఎయిర్ మాదిరిగా కాకుండా, కేవలం ఒక బ్యాక్ కెమెరాతో మాత్రమే వచ్చే అవకాశం ఉంది.
గెలాక్సీ ఎస్25 స్లిమ్ మోడల్ ట్రిపుల్ రియర్ కెమెరా సెటప్‌ను కలిగి ఉంటుంది. రాయ్ పోస్ట్ ప్రకారం.. హ్యాండ్‌సెట్‌లో 200ఎంపీ ప్రైమరీ కెమెరా అమర్చి ఉంటుంది. (ISOCELL) హెచ్‌పీ5 సెన్సార్, ఐఎస్ఓసెల్ జేఎన్5 సెన్సార్‌లతో కూడిన రెండు 50ఎంపీ కెమెరాలు అల్ట్రావైడ్, టెలిఫోటో (3.5ఎక్స్ ఆప్టికల్ జూమ్) ఫోటోగ్రఫీని కలిగి ఉంది.
శాంసంగ్ గెలాక్సీ ఎస్25 ఫోన్ 7ఎమ్ఎమ్ కన్నా తక్కువ మందాన్ని కలిగి ఉంటుందని టిప్‌స్టర్ ఐస్ యూనివర్స్ చైనీస్ మైక్రోబ్లాగింగ్ వెబ్‌సైట్ (GSMArena ) వీబోలో ఒక పోస్ట్‌లో పేర్కొంది. 2025 ద్వితీయార్ధంలో లాంచ్ అవుతుందని భావిస్తున్న ఐఫోన్ 17 ఎయిర్ కన్నా మందంగా ఉంటుంది.
శాంసంగ్ గెలాక్సీ ఎస్25 స్లిమ్‌ను క్యూ2 2025లో లాంచ్ చేయనుందని రాయ్ తెలిపారు. సాధారణంగా గెలాక్సీ ఎ సిరీస్ లేదా గెలాక్సీ ఎఫ్ఈ స్మార్ట్‌ఫోన్‌లను ప్రవేశపెట్టే సమయంలోనే ఉంటుంది. గెలాక్సీ ఎస్24, గెలాక్సీ ఎస్24+, గెలాక్సీ ఎస్24 అల్ట్రా అప్‌గ్రేడ్ వచ్చే నెలలో జరిగే గెలాక్సీ అన్‌ప్యాక్డ్ లాంచ్ ఈవెంట్‌లో లాంచ్ చేసేందుకు కంపెనీ సన్నాహాలు చేస్తోంది.
