Electric Vehicle: ఎలక్ట్రిక్ వెహికల్స్ కొనే ఉద్యోగులకు గుడ్ న్యూస్
ఆటోమొబైల్‌ రంగంలో ఎలక్ట్రిక్ వెహికల్స్‌‌దే హవా. పెరిగిపోతున్న పెట్రోల్ ధరలతో అందరి చూపు ఎలక్ట్రిక్ వాహనాల వైపే ఉంది. ఎలక్ట్రిక్ వాహనాలపై అప్‌గ్రేడ్‌ అవుతుండటంతో ఈవీ ఇండస్ట్రీని..
- Published By: 10TV Digital Team ,Published On : November 17, 2021 / 08:59 PM IST
Electric Vehicle
Electric Vehicle: ఆటోమొబైల్‌ రంగంలో ఎలక్ట్రిక్ వెహికల్స్‌‌దే హవా. పెరిగిపోతున్న పెట్రోల్ ధరలతో అందరి చూపు ఎలక్ట్రిక్ వాహనాల వైపే ఉంది. ఎలక్ట్రిక్ వాహనాలపై అప్‌గ్రేడ్‌ అవుతుండటంతో ఈవీ ఇండస్ట్రీని శాసిస్తున్నాయి. జస్ట్ డయల్ కన్స్యూమర్ ఇన్‌సైట్‌ నిర్వహించిన సర్వేలోనూ ఇదే తేలింది.
ప్రస్తుత ఏడాది ఎలక్ట్రిక్ స్కూటర్‌లు అత్యధికంగా 220.7 శాతం మేర డిమాండ్‌ను సాధించగా, ఎలక్ట్రిక్ కార్లు 132.4 శాతం, ఎలక్ట్రానిక్‌ బైక్స్‌ 115.3 శాతం, ఎలక్ట్రానిక్‌ సైకిళ్లు 66.8 శాతం డిమాండ్ పెరిగిందని పేర్కొంది. భారత్‌లో ఈవీ వెహికల్స్ కొనుగోలు చేస్తే ఆర్థికంగా కాకుండా, ట్యాక్స్ పరంగా కూడా అనేక బెనిఫిట్స్ ఉన్నాయని మార్కెట్‌ నిపుణులు చెబుతున్నారు.
ట్యాక్స్ బెన్‌పిట్స్‌
ఇన్‌కమ్ ట్యాక్స్ నిబంధనల ప్రకారం.. పర్సనల్ యూజ్ కోసం కొనుగోలు చేసిన కార్లు లగ్జరీ ప్రొడక్టులుగా పరిగణించబడతాయి. అటువంటప్పుడు వినియోగదారులు కారు రుణాలపై ఎలాంటి ట్యాక్స్ బెనిఫిట్స్ పొందలేరు. ఈవీ వెహికల్స్ విషయంలో కేంద్ర, రాష్ట్ర ప్రభుత్వాలు ఈవీ వెహికల్స్ వినియోగాన్ని ప్రోత్సహిస్తున్నాయి. సెక్షన్ 80EEB ప్రకారం.. ఉద్యోగస్తులు రుణంపై ఈవీ కారును కొనుగోలు చేస్తే.. తీసుకున్న లోన్ పై చెల్లించే వడ్డీలో రూ.1.5 లక్షల ట్యాక్స్ మినహాయింపు దొరికినట్లే.
……………………………………… : ఇంటర్నెట్ ఏలేది వర్చువల్ రియాల్టీ…వీడియో గేమ్ ఆడిన జుకర్ బర్గ్
రుణాలపై పన్ను మినహాయింపులు
* సెక్షన్ 80EEB కింద ఎలక్ట్రికల్‌ వెహికల్ లోన్ చెల్లించే సమయంలో రూ. లక్షా 50వేల వరకు మొత్తం పన్ను మినహాయింపు పొందవచ్చు. ఈ పన్ను మినహాయింపు ఫోర్‌ వీలర్‌, టూ వీలర్‌ ఎలక్ట్రిక్ వెహికల్స్ కొనుగోలు చేసిన వారికి మాత్రమే వర్తిస్తుంది.
* సెక్షన్ 80EEB క్రింది షరతులకు లోబడి ఉంటుంది. ఈ మినహాయింపును ఎవరైనా ఒక్కసారి మాత్రమే పొందవచ్చు. అంటే ఇప్పటికే ఈవీ వెహికల్ ఉండి, మళ్లీ ఈవీ వెహికల్‌ను కొనుగోలు చేసే వారిని అనర్హులుగా భావిస్తారు.
* మినహాయింపు రుణంపై ఈవీని కొనుగోలు చేసే వ్యక్తులకు మాత్రమే. ఈవీకి రుణ ఫైనాన్సింగ్ ఆర్థిక సంస్థలు లేదా ఎన్‌ఎఫ్‌బీసీల నుండి పొందొచ్చు.
* ఈవీ పన్ను మినహాయింపు వ్యాపారాలకు కాదు. వ్యక్తులు మాత్రమే పొందగలరు.
* ఏప్రిల్ 1, 2019 నుంచి మార్చి 31, 2023 మధ్య కాలంలో తీసుకున్న అన్ని ఈవీ లోన్ చెల్లింపుల కోసం సెక్షన్ కింద ట్యాక్స్ డిడక్షన్ పొందొచ్చు.
* సెక్షన్ 80EEB కింద పన్ను ప్రయోజనాలను ఫైనాన్షియల్‌ ఇయర్‌ 2020-2021 నుండి పొందవచ్చు.
………………………………………… : యాచకుడి అంతిమ యాత్రకు వేలాదిగా తరలివచ్చిన జనం
