వాట్సాప్‌లో Bulk, Spam మెసేజ్‌లకు చెక్!
- Published By: sreehari ,Published On : December 12, 2019 / 12:16 PM IST
ప్రముఖ మెసేంజర్ యాప్ వాట్సాప్ బిజినెస్ స్పామర్లకు చెక్ పెట్టింది. బిజినెస్ యాప్ ప్లాట్ ఫాంపై స్పామ్ మెసేజ్ పంపే సంస్థలపై కన్నేసి ఉంచింది. యూజర్లను ఆకర్షించేందుకు అపరిమితంగా బల్క్ మెసేజ్ లు పంపుతూ కంపెనీ టర్మ్స్ ఆఫ్ సర్వీసును ఉల్లంఘించే స్పామర్లపై లీగల్ యాక్షన్ తీసుకుంటోంది. ఇందుకోసం కంపెనీ రెండు టూల్స్ క్రియేట్ చేసింది.
వాట్సాప్ బిజినెస్ యాప్, వాట్సాప్ బిజినెస్ API. వీటి ద్వారా బిజినెస్ కంపెనీలు తమ కస్టమర్లతో ఇంటరాక్షన్ అయ్యేలా సహకరిస్తుంది. ఆటోమాటిక్ మెసేజ్ లేదా బల్క్ మెసేజ్ ల కోసం ఈ ప్రొడక్టులను ప్రవేశపెట్టలేదని వాట్సాప్ స్పష్టం చేసింది. ఇలా చేస్తే కంపెనీ టర్మ్స్ ఆఫ్ సర్వీసెస్ ఉల్లంఘన కిందకు వస్తుందని ఫేస్ బుక్ సొంత ప్లాట్ ఫాం ఒక ప్రకటనలో తెలిపింది.
డిసెంబర్ 7, 2019 తర్వాత లేదా అంతకంటే ముందే బల్క్ మెసేజ్, స్పామ్ మెసేజ్ లు పంపిన కంపెనీలపై చట్టపరమైన చర్యలు తీసుకుంటామని నోటీసులో తెలిపింది. వాట్సాప్ తమ ప్లాట్ ఫాంపై ఇలాంటి ఉల్లంఘనకు పాల్పడిన అకౌంట్లలో నెలకు రెండు మిలియన్ల అకౌంట్లను బ్యాన్ చేస్తున్నట్టు తెలిపింది. అందులో 75 శాతం అకౌంట్లలో ఎలాంటి యూజర్ రిపోర్టులు లేవు. ‘ ఆన్ ప్లాట్ ఫాంతో వాట్సాప్ లో అందుబాటులో ఉన్న సమాచారంతో సర్వీసును ఆపరేట్ చేసే మిలియన్ల కొద్ది స్పామ్ అకౌంట్లను నిలిపివేశాం’ అని కంపెనీ పేర్కొంది.
ఆన్ ప్లాట్ ఫాంపై కంపెనీలు లేదా వ్యక్తిగత యూజర్లు ఎలాంటి లింకులతోనైనా ఉల్లంఘన చర్యకు పాల్పడినట్టు గుర్తిస్తే వాటిపై చర్యలు తీసుకుంటామని తెలిపింది. బిజినెస్ పరంగా కంపనీలకు వారి కస్టమర్లతో కమ్యూనికేట్ అయ్యే సామర్థ్యాలను అందించే ప్రయత్నాలను కొనసాగిస్తూనే ఉంటామని వాట్సాప్ వెల్లడించింది.
