Telangana Heavy Rains : అల్పపీడనం ఎఫెక్ట్.. నేడు ఈ జిల్లాల్లో అతిభారీ వర్షాలు.. వాతావరణ శాఖ కీలక సూచనలు

Telangana Heavy Rains : రాబోయే మూడ్రోజులు రాష్ట్రంలోని పలు జిల్లాల్లో భారీ వర్షాలు కురిసే అవకాశం ఉందని వాతావరణ కేంద్రం తెలిపింది.

Telangana Heavy Rains

Telangana Heavy Rains : తెలంగాణలో వర్షాలు దంచికొడుతున్నాయి. పలు ప్రాంతాల్లో కుండపోత వర్షాలు కురుస్తుండటంతో ప్రజలు ఇబ్బందులు ఎదుర్కొంటున్నారు. అయితే, మరో మూడు రోజులు రాష్ట్రంలోని పలు జిల్లాల్లో భారీ నుంచి అతిభారీ వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసింది. ఆ జిల్లాల్లో అలర్ట్ ప్రకటించింది. (Telangana Heavy Rains)

Also Read: హైదరాబాద్‌లో గణేశ్‌ నిమజ్జన కార్యక్రమానికి కేంద్ర హోం మంత్రి అమిత్ షా

వాయువ్య బంగాళాఖాతంలో ఏర్పడిన అల్పపీడనం సెప్టెంబర్ 3న మధ్యాహ్నం ఒడిశా తీరం దాటి ప్రస్తుతం అక్కడే స్థిరంగా ఉంది. ఈ అల్పపీడనం కారణంగా గాలులు సుడులు తిరుగుతూ తెలంగాణ, ఆంధ్రప్రదేశ్ రాష్ట్రాలపైనా ప్రభావం చూపుతున్నాయి. అయితే, ఈ అల్పపీడనం బలహీనపడుతుందా.. లేదా తిరిగి సముద్రంలోకి వస్తుందా..? అనే దానిపై ఇంకా స్పష్టత రాలేదు. ఈ కారణంగా తెలుగు రాష్ట్రాల్లో.. ముఖ్యంగా తెలంగాణలో వచ్చే మూడు రోజులు భారీ వర్షాలు కురిసే అవకాశం ఉందని వాతావరణ శాఖ అంచనా వేసింది.

రాబోయే మూడు రోజులు రాష్ట్రంలోని పలు జిల్లాల్లో భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది.

నేడు (గురువారం) ములుగు, భూపాలపల్లి, అదిలాబాద్, మంచిర్యాల, పెద్దపల్లి, ఆసిఫాబాద్, మహబూబాబాద్, వరంగల్, హన్మకొండ, కొత్తగూడెం, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, హైదరాబాద్, మేడ్చల్ మల్కాజిగిరి, వికారాబాద్, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల్, కొత్తగూడెం, సంగారెడ్డి, మెదక్, కామారెడ్డి తదితర జిల్లాల్లో అక్కడక్కడ భారీ వర్షాలు కురుస్తాయని వాతావరణ శాఖ తెలిపింది.

శుక్రవారం మహబూబ్ నగర్, నిజామాబాద్, నిర్మల్, మంచిర్యాల, కామారెడ్డి, మెదక్, కొత్తగూడెం, ములుగు, భూపాలపల్లి, ఆసిఫాబాద్ జిల్లాల్లో వర్షాలు కురిసే అవకాశం ఉందని వాతావరణ శాఖ అంచనా వేసింది. భారీ వర్షాల నేపథ్యంలో ప్రజలు తగిన జాగ్రత్తలు తీసుకోవాలని, భారీ వర్షాల సమయంలో అత్యవసరం అయితేనే బయటకు వెళ్లాలని వాతావరణ శాఖ అధికారులు సూచించారు.