Devarapalli Pattabhi Arrest: రూ.1000 కోట్ల సైబర్ స్కామ్.. తెలంగాణలో దొరికిపోయాడు.. ఇలా..

ఈ రూ. 1,000 కోట్ల భారీ సైబర్ స్కామ్‌లో కీలక సూత్రధారి ఖమ్మం జిల్లాకు చెందిన దేవరపల్లి పట్టాభిగా(Devarapalli Pattabhi Arrest) పోలీసులు గుర్తించారు.

Hyderabad cyber police arrest most wanted fraudsters devarapalli pattabhi

• వేల కోట్ల సైబర్ మోసం
• ఖమ్మం జిల్లా కేటుగాడి అరెస్ట్
• సైబర్ సెక్యూరిటీ బ్యూరో దర్యాప్తు

Devarapalli Pattabhi Arrest: హైదరాబాద్ సైబర్ సెక్యూరిటీ బ్యూరో పోలీసులు భారీ విజయాన్ని సాధించారు. ఏకంగా రూ. 1,000 కోట్ల సైబర్ మోసాలకు పాల్పడిన అంతర్జాతీయ ఘరానా నేరగాడిని అధికారులు చాకచక్యంగా అదుపులోకి తీసుకున్నారు. ప్రజల సొమ్మును కష్టపడకుండా దోచేస్తున్న సైబర్ ముఠాలకు ఈ అరెస్ట్ పెద్ద షాక్ అని చెప్పవచ్చు.

Satish Sanpal: కొంపముంచిన ఇంటర్వ్యూ.. 40 కిలోల బంగారం, లగ్జరీ కార్లన్నారు.. అధికారుల ఎంట్రీతో సీన్ రివర్స్

రూ. 1,000 కోట్ల భారీ స్కామ్ – విదేశాల్లో ఉంటూ నెట్‌వర్క్:

ఈ రూ. 1,000 కోట్ల భారీ సైబర్ స్కామ్‌లో కీలక సూత్రధారి ఖమ్మం జిల్లాకు చెందిన దేవరపల్లి పట్టాభిగా(Devarapalli Pattabhi Arrest) పోలీసులు గుర్తించారు. ఇతడు సుదీర్ఘకాలంగా విదేశాల్లో ఉంటూనే అనేకమందిని మోసం చేస్తూ ఈ భారీ ఆర్థిక నేరానికి పాల్పడ్డాడు. ఇటీవల విదేశాల నుంచి హైదరాబాద్‌కు వచ్చిన పట్టాభి, అక్కడి నుంచి తన స్వగ్రామానికి వెళ్లాడు. ఈ సమాచారం అందుకున్న పోలీసులు పక్కా ప్లాన్‌తో ఆదివారం ఇతడిని అదుపులోకి తీసుకున్నారు.

మరిన్ని కేసుల్లో సంబంధం – ముమ్మర విచారణ:

సైబర్ సెక్యూరిటీ బ్యూరో నిర్వహించిన ప్రాథమిక విచారణలో పట్టాభికి మరో సైబర్ నేరంతో కూడా ప్రత్యక్ష ప్రమేయం ఉన్నట్లు ఆధారాలు లభ్యమయ్యాయి. విదేశాల కేంద్రంగా నడుస్తున్న మోసపూరిత నెట్‌వర్క్‌ల ద్వారా ఇతడు వందల మంది బాధితులను బురిడీ కొట్టించినట్లు అధికారులు వెల్లడించారు. ఈ కేసులో మరింత సమాచారం రాబట్టేందుకు సైబర్ సెక్యూరిటీ బ్యూరో లోతైన దర్యాప్తు వేగవంతం చేసింది.