Vijayashanti
Vijayashanti – KCR : కేసీఆర్ పై కాంగ్రెస్ నాయకురాలు విజయశాంతి ఆగ్రహం వ్యక్తం చేశారు. ప్రగతి భవన్ ముందు ప్రజలు నడిచే రోడ్డుకు కంచెలు వేసే కన్నా స్వంతంగా 25 కార్లు పట్టే ఒక ఇల్లు కేసీఆర్ నిర్మించే ఆలోచన చేయాల్సివుండేదన్నారు. తరాల వరకు ఆ గడి తమదే అనుకొని బహుశా కేసీఆర్ ఆ ఆలోచన చేయకపోవడానికి కారణం కావచ్చని తెలిపారు. కేసీఆర్ ముఖ్యమంత్రిగా ఉన్నప్పుడు కూడా హైదరాబాద్‌లో ఉండేది లేదని, సెక్రటేరియట్‌కు వచ్చేది తక్కువనే చెప్పవచ్చు అన్నారు.
ఈ మేరకు విజయశాంతి ట్వీట్ చేశారు. కేసీఆర్ కు ఇప్పుడు మాత్రం హైదరాబాద్‌లో ఉండాల్సిన అవసరం ఏమిటని, ఎర్రవెల్లి ఫామ్ హౌస్ లోనే ఉండచ్చ కదా అని ఎద్దేవా చేశారు. అయినా ఒక ఎకరం ఉన్న బీఆర్ఎస్ ఆఫీస్ కు కేసీఆర్ వెళ్తే 25 కార్లు పార్కింగ్ చేసుకునే స్థలం ఉంటుందన్నారు. అయినా ఆఫీస్ కు రాను, అందరు తన ఇంటికే రావాలనే కేసీఆర్ ధోరణి తప్పు అన్నారు.
100 సార్లు చెప్పిన డబుల్ బెడ్ రూమ్ ఇళ్లకే ఇప్పటికీ దిక్కులేదని విమర్శించారు. తెలంగాణ ప్రజలు కేసీఆర్ 25 కార్ల ఇంటి గురించి ఎందుకు ఆలోచన చెయ్యాలని ప్రశ్నించారు. ఈ అంశంపై బీఆర్ఎస్ తప్పక ఆత్మవిమర్శ చేసుకోవాలని సూచించారు.
ప్రగతి భవన్ ముంగిట
మంది నడిచే రోడ్డుకు కంచెలు పెట్టేకన్నా స్వంతానికి ఒక 25 కార్లు పట్టే ఇల్లు కేసీఆర్ గారు కట్టె ఆలోచన చేయనిది తప్పయి ఉండొచ్చు, ఇయ్యాల వారి దృష్టిలో, కాని అందుకు కారణం
తరాల వరకు ఆ గడి తమదే అనుకొని, బహుశా… ముఖ్యమంత్రి గా ఉన్నప్పుడు కూడా , హైదరాబాద్‌లో ఉండేది,… pic.twitter.com/JlfBoub2Dt— VIJAYASHANTHI (@vijayashanthi_m) December 8, 2023
