Harish Shankar : పూరి జగన్నాథ్ చెప్తే ‘మిచ్చ‌ర్ బ‌చ్చ‌న్’ ను పోస్ట్‌పోన్ చేస్తారా..? ద‌ర్శ‌కుడు హ‌రీశ్ శంక‌ర్ స‌మాధానం ఏంటంటే..?

మాస్ మ‌హారాజా ర‌వితేజ న‌టిస్తున్న చిత్రం 'మిస్ట‌ర్ బ‌చ్చ‌న్‌'.

Harish Shankar : పూరి జగన్నాథ్ చెప్తే ‘మిచ్చ‌ర్ బ‌చ్చ‌న్’ ను పోస్ట్‌పోన్ చేస్తారా..? ద‌ర్శ‌కుడు హ‌రీశ్ శంక‌ర్ స‌మాధానం ఏంటంటే..?

Harish Shankar Speech in MR Bachchan movie teaser launch event

Harish Shankar – Mr Bachchan : మాస్ మ‌హారాజా ర‌వితేజ న‌టిస్తున్న చిత్రం ‘మిస్ట‌ర్ బ‌చ్చ‌న్‌’. హ‌రీశ్ శంక‌ర్ ద‌ర్శ‌క‌త్వంలో ఈ సినిమా తెర‌కెక్కుతోంది. పీపుల్స్ మీడియా ఫ్యాక్ట‌రీ భారీ బ‌డ్జెట్‌తో ఈ మూవీని నిర్మిస్తోంది. ‘మిర‌ప‌కాయ్’ సినిమా త‌రువాత వీరిద్ద‌రి కాంబోలో వ‌స్తున్న ఈ మూవీపై ప్రేక్ష‌కుల్లో భారీ అంచ‌నాలే ఉన్నాయి. ఆగ‌స్టు 15న ఈ సినిమా ప్రేక్ష‌కుల ముందుకు రానుంది. ఈ క్ర‌మంలో ఆదివారం టీజ‌ర్ విడుద‌ల కార్య‌క్ర‌మాన్ని నిర్వ‌హించారు.

ఇక ద‌ర్శ‌కుడు పూరి జగన్నాధ్, హీరో రామ్ పోతినేనిల ‘డబుల్ ఇస్మార్ట్’ మూవీ కూడా ఆగ‌స్టు 15నే విడుద‌ల కానున్న సంగ‌తి తెలిసిందే. ఈ నేప‌థ్యంలో ‘మిస్ట‌ర్ బ‌చ్చ‌న్’ టీజ‌ర్ కార్య‌క్ర‌మంలో ద‌ర్శ‌కుడు హ‌రీశ్ శంక‌ర్‌కు దీనిపై ప్ర‌శ్న‌లు ఎదుర‌య్యాయి. ద‌ర్శ‌కుడు పూరీ జ‌గ‌న్నాథ్ మీకు ఫోన్ చేసి.. సినిమాను ఓ రెండు మూడు రోజులు పోస్ట్ పోన్ చేసుకోమ‌ని చెబితే మీ మిస్ట‌ర్ బ‌చ్చ‌న్ సినిమాను విడుద‌ల‌ను వాయిదా వేస్తారా అని ఓ విలేక‌రి ప్ర‌శ్నించారు.

Uppalapati Suryanarayana Babu : టాలీవుడ్‌లో మ‌రో విషాదం.. ప్ర‌ముఖ నిర్మాత సూర్య‌నారాయ‌ణ బాబు కన్నుమూత

దీనికి హ‌రీశ్ శంక‌ర్ ఇలా స‌మాధానం చెప్పారు. పూరీతో మీకున్న రిలేష‌న్ కంటే నా రిలేష‌న్ ఎక్కువ‌. సో.. ఆయ‌న గ‌నుక ఓ విష‌యాన్ని కాల్ చేసి చెబుతున్నారంటే… అది ప‌ర్స‌న‌ల్‌గా మా ఇద్ద‌రి విష‌యం అవుతుంద‌ని చెప్పారు. త‌న‌కు తెలిసి ఓ 90 శాతం వ‌ర‌కు పూరీ జ‌గ‌న్నాథ్ అలా ఫోన్ చేయ‌ర‌ని అన్నారు. కాంట్ర‌వ‌ర్సీ రౌండ్‌లోకి వెళ్లిన త‌రువాత ఈ ప్ర‌శ్న‌కు స‌మాధానం చెబుతానంటూ స‌ద‌రు ప్ర‌శ్న‌కు హ‌రీశ్ శంక‌ర్ చాలా నైస్‌గా స‌మాధానం చెప్ప‌కుండా దాట‌వేశారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.