AP Govt Good News : నిరుద్యోగులకు గుడ్ న్యూస్.. గ్రూప్ 1, 2 పోస్టుల భర్తీకి గ్రీన్‌సిగ్నల్
రాష్ట్రంలో గ్రూప్ 1, గ్రూప్ 2 పోస్టులకు సంబంధించి జాబ్‌ క్యాలెండర్‌లో ప్రకటించిన పోస్టుల కంటే ఎక్కువ పోస్టుల భర్తీకి ఆమోదం లభించింది. సీఎం నిర్ణయంతో పోస్టులు బాగా పెరిగాయి.
- Published By: 10TV Digital Team ,Published On : April 1, 2022 / 07:40 AM IST
Cm Jagan (2)
AP Govt Good News : నిరుద్యోగులకు ఏపీ ప్రభుత్వం గుడ్ న్యూస్ చెప్పింది. గ్రూప్ 1, గ్రూప్ 2 పోస్టుల భర్తీకి ఆంధ్రప్రదేశ్‌ ప్రభుత్వం అనుమతి ఇచ్చింది. 292 పోస్టుల భర్తీ కోసం ఏపీపీఎస్సీకి గ్రీన్ సిగ్నల్ ఇచ్చింది. 110 గ్రూప్-1, 182 గ్రూప్-2 కలిపి మొత్తం 292 ఉద్యోగాల భర్తీకి అనుమతిస్తూ ప్రభుత్వం ఉత్తర్వులు జారీ చేసింది.
రాష్ట్రంలో గ్రూప్ 1, గ్రూప్ 2 పోస్టులకు సంబంధించి జాబ్‌ క్యాలెండర్‌లో ప్రకటించిన పోస్టుల కంటే ఎక్కువ పోస్టుల భర్తీకి ఆమోదం లభించింది. ముఖ్యమంత్రి నిర్ణయంతో రాష్ట్రంలో ఈ పోస్టులు బాగా పెరిగాయి. గతంలో ఈ కేటగిరీల కింద కేవలం 36 పోస్టులు మాత్రమే పేర్కొనగా ఇప్పుడు వాటి సంఖ్య భారీగా పెరిగింది.
Telangana Jobs : పోస్టుల భర్తీకి ఆర్థిక శాఖ గ్రీన్ సిగ్నల్.. జీవోలు సిద్ధం
డిప్యూటీ కలెక్టర్లు, సీటీఓలు, జిల్లా రిజిస్ట్రార్లు, డీఎస్పీ పోస్టులతో పాటు అడ్మినిస్ట్రేటివ్‌ ఆఫీసర్లు తదితర పోస్టులు గ్రూప్-1 కేటగిరీలో ఉండగా.. డిప్యూటీ తహసీల్దార్లు, సబ్‌ రిజిస్ట్రార్లు, మున్సిపల్‌ కమిషనర్‌, సహకార సొసైటీల అసిస్టెంట్‌ రిజిస్ట్రార్లు, సచివాలయంలో అసిస్టెంట్‌ సెక్షన్‌ అధికారులు గ్రూప్-2 కేటగిరీలో పోస్టుల భర్తీకి అనుమతి ఇస్తూ ఆదేశాలు వెలువడ్డాయి.
